Gusii

Abagusii Customs CVII: Bono Chintanda Ninki Ase Ekegusii?

 

Buna twakabeire: Na Petronillah Ogoti. Gusii.com Proverbs, Culture And Customs Editor. Rigwata [ April ] 10, 2013.

 

Abagusii Wisdom Revisited

Aya amwabo aya:

Ekegusii Months Of The Year

"Bono nigo Mwatigete Korika Ase Ekegusii?" Omogaka Onchiri.

Abagusii Culture And Customs XXVII: Emegiro Y' Ekegusii [ I ]

Ase amatuko amake aetire, omogaka sokoro ominto nansometie igoro y' chintanda ch' ense. Bono Chintanda ninki? Nabo oraborie. Omogaka sokoro nigo atebete buna ense engima nigo ebaganire gochia chitanda gose chimbega [chinsemo ], echio chire inye.

Ase ekenyamorero, nigo chikorokwa 'directions'. Inee nochimanyete ase Ekegusii egeitongo, chitanda echi? Kobwatekana na sokoro, chintanda echio nigo chire:        

1. Sugusu: North. Omambia nigo arwete aaria Nyamira, Bogirango Sugusu.

2. Irianyi: South. Bisieri nigo anywometwe gochia aaria Etago, Bogirango Sugusu.

3. Mocha: East. Nigo agorete oboremo aaria Bogetutu Mocha.

4. Bosongo: West. Oyio nere omongina omonene ase Bogirango Sugusu eng'ima.

 Obo nabwo obosemi bwaito ase rituko ria rero, korwa ase omogaka sokoro ominto. Mbuya mono and thank you for listening.

 

Emebayeno Ya Abagusii: Timoita Mororo, Nere Natancheti Ndotungi Na Kiare, Biamorenteire Na Komosokia Kerario Osoka, Kerario Onsoni Chimanaine, Echio Chiamokorire Eosi, Buna Ikanda Ria Borabu Riarorire Itimo Na Sese Meganda Magega Yaye

Buna twakabeire na Petronillah Ogoti. Gusii.com Proverbs, Culture And Customs Editor. Ebwagi [June] 9, 2012.  Abagusii abakoro nigo bawate obosemi obonge mono, goetera ase emebayeno. Ase omobwekano, emebayeno nero yarenge enchera engiya y' ogokwana amang'ana amakongu, erinde ebimwana, gose abasae abake, tibakomanya buna mang'ana ki abanto abanene bare gokwana. Nonya nabo igo, emebayeno ende y' Ekegusii nigo yarenge emekong'u pa. Emebayeno buna eye, nigo yare kobetereria omong'ina gose omogaka oria omanyete Ekegusii, atotebererie obosemia bwaye.

 

Abagusii Wisdom Revisited

Aya amwabo aya:

Emebayeno Ye Ekegusii: Yare Gokia matiebo Oyesaririe

Emebayeno Ya Abagusii: Makweri Atayiera Kegori Ntebania Maya, Ng'a Mosuko Neike Mosuko Teika

Emebayeno ya Abagusii: Eng'enang'eni Mautia Egauta Rikori Ria Bogonko, Anunda Bakayeroka Omotienyi

Omogaka sokoro tata ominto nantebetie buna Timoita Mororo, Nere Natancheti Ndotungi Na Kiare, Biamoreteire Na Komosokia Kerario Osoka, Kerario Onsoni Chimanaine, Echio Chiamokorire Eosi, Buna Ikanda Ria Borabu Riarorire Itimo Na Sese Meganda Magega Yaye.

Bono nche ekero sokoro antebia omobayeno oyo, ng'atang'ang'a na gosinywa eki ngoteba. Bono ninki eng'encho y' omobayeno oyo? Nabo naboretie omogaka sokoro ominto naende.

Abagokwanerwa n' abana baria bagokora ebinto ebitwambu

Aaiga, aya agokwanerwa n' abana abake ase emechie yaito. Tari abana abake bonsi bagokwanerwa. Yaya. Abana bagokwanerwa ase omobayeno oyo, mbari babwate chimbwa chintwambu. Aba n' abana bari bakorentererwa ase ogokora amabe ase chinka chiaito.

Mbono ense yarabire. Ase chingaki chinkoro, chingera ikanda nigo chiagatiachoirie korwa ase chinsana chia Bomanyi, na goika nka Borabu. Korwa abwo, abasae ebisora baimoka ne chisese, gochiminyokia na gochiita. Nka Borabu. Picture na Petronillah Ogoti, Gusii.com files.

Omogaka sokoro nigo antebetie buna omwana ekero are omobe, teri buya aitwe na gotwangwa boire boire. Ninki? Ekiagera nabo oranyore buna tari ogwancha kwaye agokora amabe aya. Nabo oranyore buna kende nkeroo gekomosegeta, erinde onya gokora amang'ana amabe ase ekenyoro.

Amang'ana n' amange are ase chinka ao ao, aye otamanye

Bono nabo oranyore ng'a obokong'u gete mbore ase enka yaye, bono nabu bokogera omwana oyo oba buna eosi. Abagusii abakoro nigo barenge kobwekania omwana oyo buna eng'era etwani (ikanda).

Ase boigo, nigo sokoro antebetie buna chingera echi kanda nigo chiarenge gotama korwa chinsana ime, chiasiokera Borabu. Bono keyaikire Borabu na korora buna ngoitwa ere, nigo yarenge gotama n' obwoba obonene.

Aaria Borabu, nigo abasae ebisora bakaimokire n' amatimo n' chisese, na goita chingera echi

Bono abanto ba Borabu nigo bare koimoka ne chisese, erinde baminyokia ching'era echi erinde bachiita.

Ase ogotebia omobayeno oyo, Abagusii abakoro nigo batagete gotosemia buna nigo ere buya ekero omwana agosire, kwaraira magoro make, na kounenkia buna ninki gekogera omwana oyo okora amabe. nabo oranyore buna obokongu mbore ase enka yaye.

Eke nakio kiagerete abakoro bagateba buna Timoita Mororo, Nere Natancheti Ndotungi Na Kiare, Biamoreteire Na Komosokia Kerario Osoka, Kerario Onsoni Chimanaine, Echio Chiamokorire Eosi, Buna Ikanda Ria Borabu Riarorire Itimo Na Sese Meganda Magega Yaye.

Korwa ase omogaka sokoro ominto, oyo noro omobayeno oito for this week. Mbuya mono and thank you for listening.

"We Now Have A Final List" President Uhuru Kenyatta

Na Petronillah Ogoti. Gusii.com Proverbs, Culture And Customs Editor. Ebwagi [June] 9, 2013.

 

Abagusii Wisdom Revisited

Aya amwabo aya:

"Welcome to Our Twelve Cabinet Nominees And We Have Two More To Go" President Uhuru Kenyatta

"This will Not Be A Rush Job" President Uhuru Kenyatta        

Omoerio oye, President Uhuru Kenyatta amo n' Omokonyi oye, barariri amarieta 26 a Principal Secretaries abwo bare:

1. Joseph Njoroge (Energy and Petroleum)

2. Monica Juma (Defence)

3. Kamau Thugge (Treasury)

4. Ibrahim Mohammed (Commerce and Tourism)

5. Colleta Suda (Science and Technology)

6. Richard Lesiyampe (Environment)

7. Micheni Ntiba (Fisheries)

8. Karanja Kibicho ( Foreign Affairs

9. Mutea Iringo (Interior and Coordination of National Government)

10. Wilson Songa (Industrialisation and Enterprise Development)

11. Nduva Muli (Transport)

12. John Konchella (Devolution)

13. Sicily Kariuki (Agriculture)

14. Josephta Mukobe (Coordination and Presidency)

15. Fred Sigor (Health)

16. John Kipngetich (Infrastructure)

17. Richard Ekai Titus (Mining)

18. Mariamu El Maawy (Lands)

19. James Teko Lopoyetum (Water)

20. Ali Noor Ismail (Labour)

21. Belio Kipsang (Education)

22. Khadijah Kassachon (Livestock)

23. Joseph Musuni Tiampaty (Information and Communication)

24. Patrick Omutia (Sports, Culture and The Arts)

25. Mwanamaka Amani Mabruki, (East African Community)

26. Peter Oganga Magiti (Planning)

Tosome Ekegusii: Bono Chinteri Ninki?

Buna twakabeire na Petronillah Ogoti. Gusii.com Proverbs, Culture And Customs Editor. Amaumuntia (May) 30, 2013.

 

Abagusii Wisdom Revisited

Aya amwabo aya:

Abagusii Customs XIV: Mosamba Mwaye (Newborn Customary Ceremony)

Abagusii Culture And Customs XCI: Emegiro Y' Ekegusii [ III ]

Abagusii Culture And Customs XVI: Egeturera Igoro

Matuko make iga, omongina magokoro baba ominto nansometie amarieta make ayio abwatekaine n' ebimeri biria biakamire nka Gusii, na gotebia engencho yaye. Amarieta ayio nigo are:

1. Ebando [nyakeemba] : Maize (corn) cob. Nge'rerie ebando eyio nyakeemba nsambe.

2. Chibando/Ebituma : Maize (corn) grains. Magokoro nabwate ebituma  bichire etebe.

3. Ebando oborera: Half ripe maize (corn). Abaibi basaborete ebando oborera bwoka.

4. Okobongorora chibando: Shelling maize (corn). Ribiria eri nerio okobongorora chibando chikuoma.

5. Ekeemba: Maize (corn) cob. Mariita nere otagete ebiemba achie goutera omorero.

6. Amaemba: Sorghum. Onyambu nigo ancheete erongori y' amaemba.

7. Obori: Millet. Rugera abageni obokima bw' obori.

8. Koora Obori: Threshing millet. Tiga koora obori orarugera abana obokima.

9. Kwera: Winnowing. Nyaboke nere omanyete kwera obori buya.

10. Gosonga obori: Winnowing. Tirimba  nere ore gosonga obori obo.

11. Chinyeke  chi' obori: Grains. Chinyeke chi'obori chiatigete chinyinge mono.

12. Ebigara bi' obori: Ears. Ebigara ebi mbitigarete obori?

13. Enteri y' ebando: Tassles. Enteri eye nenene.

14. Obosugunia: Silk. Obosugunia obo n' obwang'o?

15. Obotongore: First fruits. Obokima obo n' obotongore.

16. Kobusura: Sowing. Mambia nerituko ri' okobusora.

17. Egekamago: Seed hole. Nyaboke nigo agete ebikamago ebinene.

Chibando chiabekire chinteri. Nigo chibando chikobereka, chiabeka chinteri, ebituma biamanya gokong'a. Ase Egekoro giaito ntwe Abagusii, omogaka nyene omochie nere ogatongoire obokima obotangani ekero chibando, gose obori bwagesirwe. Bono yare koba buna omogaka bw' omochie oyio taiyo, omomura omotangi, nere ogatongoire. Magokoro ominto nabo antebetie buna Ekegusii giaito nabo kiarenge igo.

18. Egetukora. ki' ebando: Seed hole. Egetukora eke ki'ebando nkebekeiri bwoyo.

19. Omwange: Pollen. Omwange oyo nigo okorura.

20. Omoiruro: Chaff. Omoiruro  osoire  amaiso.

21. Gotora ching'ende: Shell beans. Tiga  ndatorera  Nyaboke ching'ende  echi achie koriera  magoroba.

22. Goswaga obori: Pounding. Omogango oyo noro ogoswaga obori

23. Kong'urora  obori/amaemba: Pluck off. Tiga ndang'urora obori obo bwatigarete.

24. Kung'orora ching'eni: Pluck off. Nyamoita neching'eni agenda kung'urora.

25. Kogesa obori: Harvest. Obori bwabeire bokogeswa?

26. Amatete y' amaemba: Empty husks. Amatete aya tari na nyeke.

Ebitandawili LXXXII: Nigo Akoragera Ko......

Buna twakabeire na Petronillah Ogoti. Gusii.com Proverbs, Culture And Customs Editor. Amaumuntia (May) 30, 2013.

 

Abagusii Wisdom Revisited

Aya amwabo aya:

Ebitandawili XVI: Aaka Okero Torigererie....

Ebitandawili XVIII: Omongina Obwate Abana.....

Ebitandawili LXXXI: Kaa Gento Ki Gekoagacha.......

 

Egetandawili ngocha nde minto Mwanyagetinge? Tega: Nigo akoragera ko tanya koigota oyo ning'o?

Aaria Keroka, Kitutu Masaba, Nyamira County. Ero nigo ekogenderera goteba buna "Naende menta endagera echiete aroro!!" Endemero tebwati koigota nonya.


RICHIBU: Endemero. Endemero neremwa kera rituko ebekwe obwoyo, tiyanya koigota.

Abagusii Culture And Customs CXII: Kai Tata! Ani Enyaroka Eye Nigo Yakarire Chinyeni Korwa Esuguri Ime!

 

Buna twakabeire na Petronillah Ogoti. Gusii.com Proverbs, Culture And Customs Editor. Amaumuntia (May) 27, 2013.

 

Abagusii Wisdom Revisited

Aya amwabo aya:

Abagusii Culture And Customs LXXI: Inee, Nomanyete Ekegusii Eke?

Abagusii Culture And Customs XCI: Emegiro Y' Ekegusii [ III ]

Abagusii Culture And Customs XC: Emegiro Y' Ekegusii [ II ]

Ekegusii egekoro nigo kebwate obomanyi amo n' obosemi obonge, obwo otanyare komanya ase engaki eyemo yoka. Goika ogenderere koegwa obosemia kera engaki, amo na baria bamanyete. Ase chingaki chiaetire, omongina magokoro baba ominto nigo agantebetie ebinto gete bibere Abagusii abakoro bagakwanire.

Ritangani, magokoro nigo antebetie buna ekero omwana omong'werere ararire, erinde amanye goseka kare chitoro ime, nigo akorota buna ise nigo akwa. Korende omwana oyo omong'werere aise korera karaire, nigo bare goteba buna omwana oyo nigo konye arotire buna ng'ina okure.

Enyangi y' omoriakari Bitutu.  Aaiga tata, embura tetweti nonya.

Eriakabere, nigo baba antebetie buna ekero enyangi yagakorirwe, erinde embura emanye gotwa, nigo bagoteba buna omoiseke oyo omonyanyangi [ omoriakari ] nigo akarire chinyeni korwa esuguri ime!

Obo nabwo obomanyi bwaito bw' Ekegusii egekoro ase rero. Goikera chingaki chiinde, mbuya mono and thank you for listening.

Emebayeno Ya Abagusii: Makweri Atayiera Kegori Ntebania Maya, Ng'a Mosuko Neike Mosuko Teika

 

Buna twakabeire na Petronillah Ogoti. Gusii.com Proverbs, Culture And Customs Editor. Amaumuntia (May) 26, 2013.

 

Abagusii Wisdom Revisited

Aya amwabo aya:

Emebayeno Y' Abagusii: Bwanchi Maoncha Okienda Akagenda Magenda Okobora, Ongecheire Kwana Ang'iranere Amasieka

Emebayeno Ya Abagusii: Enda N' Embe, Yarusetie Ekeongo Igoro, Kegaika Nse.

Emebayeno Y' Abagusii: Nyakeore Getaka Nere Bwekorekire

Matuko make iga, omong'ina magokoro baba ominto nantebetie buna Makweri Atayiera Kegori Ntebania Maya, Ng'a Mosuko Neike Mosuko Teika. Bono ninki engencho y' omobayeno oyo korwa ase  Mwamogusii oito omokoro?

Aaiga, obosemia obonene mbori buna amakweri tari gochora ebigori akoira. Yaya. Nigo akoira abanene, abake, ebigori bionsi nigo bikoirwa n' amakweri. Kobwatekana n' magokoro ominto, esegeto neri buna teri buya onya goteba buna mosuko nokonye nyarebe.

Kona goita amang'ana oka buna mosuko neike, mbosa.  Aaria Igare in Kisii County, abaamate baumeranire aaria Keigamere Primary School, gokonya abamwabo.

Ninki? Ekiagera amakweri nabo arache amoire otaramokonya buna gwatagete. Ase eng'encho ende, mosuko nabo etaikerane. Eye n' esegeto Abagusii abakoro batoete, bagototebia buna nere buya okonye omonto ekero achandegete.

Totiga buna kaa nomokonye, ekiagera amakweri nabo agosiabokana, amoire otaramokonya.

Eke nakio kiagerete Omogusii omokoro agateba buna Makweri Atayiera Kegori Ntebania Maya, Ng'a Mosuko Neike Mosuko Teika. Oyo noro omobayeno oito for this week. Mbuya mono, monywe mache maya. Goikera chingaki chiinde, chisokoro echio and thank you for listening.

Emegano Y Abagusii LXVIII: Oganchogu Nigo Atebete Buna "Omansamu Nigo Are N' Ekieni Ekebe, Naende Nigo Akoyunga Bobe Pi"

Buna twakabeire na Petronillah Ogoti. Gusii.com Proverbs, Culture And Customs Editor. Amaumuntia (May) 25, 2013.

 

Abagusii Wisdom Revisited

Aya amwabo aya:

Emegano Y' Abagusii XXIII: Mansamu O' Bomwanda Oniantoirie

Emegano Ya Abagusii LXVII: Amamocho Amange Mono Ase Okaobiri Komena Omote, Aaria Nyanchwa! 

Emegano Y' Abagusii XXXVII: Nigo Arenge Koinagera Endagera Igo....., Ekagera Bakamobaka "Nyanda Nene-Gesokera"

Abwo kare kare kare, emiaka n' emiaka, ching'iti chi'orosana oromo, nigo chianchaine kerage, na nigo chiare n' oboamate obuya bw' omorembe n' obomo ase engaki entambe. Bono Endo nero yatenenerete ching'iti echi chionsi pi aiga ase orosana oro.

Rituko erimo, Endo egatebia ching'iti echi buna nigo etagete batware eminano y' etengo, erinde barore bun ng'iti ki emanyete gotenga kobua echinde. Ching'iti echi nigo chiare kobagwa ara kabere. Chiri chinsinini na chiri chinene chibere ao ao ekero gi' ekeminano eke kiare gocha koba.

Endo egatebia ching'iti echi chiche rituko riare kobwati chiesibeti na koraba se, na gwetona buya, erinde chiminane ase etengo yare gocha koba aiga ase chiamenyete. Eng'iti yare gocha gotang'ana gotenga ase eronde yaye, nigo yare koegwa ekeegwa na nigo bare gochora eng'iti yare gotenenera omoyega oyo. Eng'iti eyemo etenenere chiri chinsinini ne eyende etenenere ching'iti chiri chinene. Endo ekabeka Emamba etenenere ching'iti chiri chinsinini. Ase boigo, Embeche egatebigwa etenenere chiri chinene.

Bono ching'iti chikagenda chikorengereria buna chirakore erinde chibue akeminano kio ogotenga okwo bare gocha gotwara rituko riare kobwatia ne ching'iti chiamwabo. Gati ye chingiti echi, Omansamu nigo banchaine amo n' Onyangumi.

Aba babere kibakonyakogenda gochia ase etengo eye, nigo bare konya korengereria buna barakore babe ababui. Bagatebania buna nigo bare kogenda besibie barabe se, babue ching'iti chiri chinsinini. Onyangumi agateba buna ere nigo abwate amarionya amatambe kobua ching'iti chinde na nigo amarionya aye arekororekana n' ekieni akiya, kobua ching'iti chinde.

Bono Onyangumi agateba buna aise gotenga, nigo amarionya are gosiaroka buya amaritati oka, erinde abue. Omansamu nere akabuga buna nigo are ne ekieni ekiiya kobua ching'iti chionsi pi, korende agateba buna etukia ne ekieni ngekogera babue. Yaya. Nigo ere buya batenge na koyunga buya kobua ching'iti chionsi pi!

Onsagara nere obwate chirangi ao ao chia amaritati

Bono Onyangumi agatebia Omansamu buna nigo ere buya bagende ase Onsagara, oyio obwate chirangi ao ao erinde anyare kobaaka omobere omogima abatone na kobachancha erinde barorekane amaritati kobua ching'iti chinsi pi.

Aba babere bakaayerera goikera ase Onsagara arenge korende kibare nchera kwagachia, bakaumerana amo n' Ongabi oyio orenge gokwana amo ne Rigwari. Ongabi nigo angete Omansamu ekiagera nigo arenge koria ebimanu biaye. Rigwari narirorio tirianchete Onyangumi ekigera nigo arekoyeseria korwa rooche, ekero yarekogenda konywa amache.

Bono aba bagakwanania, n' Ongabi akaboria Omansamu buna ngai are koayerera gochia. Onyangumi akabatebia buna nigo bare gochia bw' Onsagara, erinde achie kobatona omobere ekiagera narenge ne chirangi ao ao, nario bararorekane n' amaritati ekero bagotenga.

Ongabi akabatebia buna engaki yonsi, Onsagara nigo akarusirie erangi asare na tanya gocha kwoyia ase amatuko amange. Korende Ongabi akabatebia buna nare ne chirangi, igo nabo baratige kogenda ase Onsagara, erinde Ongabi abatone omobere obo buuya.

Bono Omansamu akaigwa buya, na akagania aegwe erangi eye erinde beyake boka. Onyangumi agateba buna nabo agoaka Omansamu n' Omansamu aake Onyangumi erangi eye. Rigwari rigatebia aba bagende bonsi goikera bw' Ongabi erinde banyare gwetonera aroro.

Onyangumi agateba buna nigo are gochaka gotona Rigwari, korende akamotebia buna takogingera amarionya aye. Onyangumi akarusia erangi endabu n' emwamu agaaka Amagwari amanene kabugete buna nigo are gocha kororekana bobe pi, ekieni ekebe bori!

"Onyangumi nigo akororekana ne ekieni ekebe pi, kobua ching'iti chionsi chikoyunga nainche aaiga  getii" - Ogankuru. Embeche eyio gocha, erinde korika na koa chingiti chinde amagisi.

Omansamu akagoka na goteba buna Rigwari nabo riratang'ane ekiagera nigo are kororekana ne ekieni ekiiya. Omansamu nere akaimokia erangi na gochaka gotona Ongabi. Akaira erangi endabu, na goaka engabi ensemo ya gati y'omobere oye, ekiagera nigo chiatagete kobatona bobe, erinde tibatwara kieni.

Omansamu n' Onyangumi bakarigererania, na kobuga buna nigo batonete Rigwari amo n' Ongabi bobe pi, mbachi koba kieni na kogoka. Rigwari rikaimokia amagasi na gotebia Onyangumi buna amarionya arie arenge ase omobere oye nigo are kororokana bobe!

Igo mbuya koyagingera, erinde amanye komoaka erangi ekiagera amanyete buna aise goaka erangi ase agingerete amarionya tare gocha komera. Ongabi nere akaimokia erangi na gotebia Omansamu buna amarionya aye nigo arenge amaya, korende erangi yare omobere oye tiyarenge ngiiya.

Igo mbuya are koira erangi, atone omobere bw' Omansamu omogima nario ararorekane buya kobua ching'iti chinde. Ongabi agatebia Rigwari ririgererie buna Omansamu akororekana buya, nere agaitaberia.

Ongabi ne Rigwari bagaseka bamanyete buna bakorire Omansamu na Onyangumi kororekana bobe. Bono Onyangumi n' Omansamu nabarabwo bagaseka bamanyete buna baakire Rigwari amo ne Ongabi erangi bobe, bono nigo bakororokana bobe mono!

Bono ching'iti echi chigaakerana okwaeri na kogenda chinka chiabo erinde baganye bokie, erinde bachie ase amaamererano y' ogotenga. Rituko ria amamereranio ekero riaigete, ching'iti chionsi chikagenda egetii, chire ang'e erinde chitenge gose chinyore ekeegwa ki' obobui.

Endo ekagoka korora ching'iti chigoikerana omosangererekano oyo obene bw' ogotenga na koa ekeegwa eng'iti yare gocha gotenga buya kobua echia mwabo. Emamba amo ne Embeche chigaika  erinde chitenenere omoyega oyo.

Bono Omansamu oyio ogwentunkwari, ogweetaang'ania, buna nario ararorekane buna nere eng'iti nyakieni bori!

Ching'iti chinsinini chigasoa egetii gati. Ogasusu agatang'ana gosoa egetii kagotera ne ching'iti chinde chikabwatia korwa magega chigoitaberia ogotera kw' Ogasusu. Omansamu nere ageetaang'ania, ekiagera nigo atagete kera eng'iti erore buna are n'ekieni ekiiya.

Emamba egaeta gati ye ching'iti echi chionsi gekonya korika erinde achie amagisi buna naki chiare. Oganchogu agakumia buna Omansamu are kororekana ne ekieni ekebe. Bono ching'iti chionsi chigakumia na goichana buna Omansamu arenge ne ekieni ekebe mono kobua ching'iti chinde, naende nigo arenge gotenga bobe pi!

Ongabi nigo arenge gotenga buya kobua ching'iti chionsi pi, echi chinsinini. Ase boigo, Ogasusu nere nigo arenge gotenga buya. Bono ekengere gokiabuga, ching'iti chinsinini chionsi chikaru getii. Ching'iti chiri chinene chigachaka gosoa egetii bono.

Embeche yaikire gati, egwesigori korika na korwa amagisi

Onyangumi nere obatang'aine. Onyangumi agachaka gotera ching'iti chinde chikamobwatia na goitaberia korwa magega. Embeche egaeta ase ching'iti echi gati, erinde gochiaa amagisi buna chiare kororekana na gotenga aiga keoreri.

Ogankuru agakumia buna naki Onyangumi are kororekana ne ekieni ekebe pi kobua ching'iti chionsi chiare gotenga nero aiga getii. Onsagara agaitaberia buna nonya na amarionya tabwati, nonya orenge gotenga buya.

Rigwari rikarorekana rigotenga buya kobua ching'iti echi chiare gotenga komo na bagatogia buna omobere oye otonire buuya na kogera Rigwari gotwara ekieni ekiiya kobua ching'iti chionsi pi chiare aiga getii!

Ekengere gekabugigwa na ching'iti echi chigasoka korwa aiga ase chiare gotenga. Endo egatenena na goakera ching'iti echi buna mbuya mono ase egasi engiiya chiakorete aiga egetii. Akarangeria Emamba etebe eng'iti eri yatengete buya na gotang'anera echiamwabo.

Emamba ekararia Ongabi kobua ase ching'iti chiri chinsinini. Ching'iti echi chikagoka na goaka chinkobi chinyinge. Endo naboigo ekarangeria Embeche erinde erarie eng'iti eri yatengete buya kobua echiamwabo.

Embeche egatenena na goteba buna Rigwari  nario riatangete na gotang'anera ching'iti chiamwabo chinene. Endo egatebia Ongabi ne Rigwari baiche motwe, erinde banyore ebiegwa biabo bia bene ase ogotenga buya kobua ching'iti chinde.

Ching'iti chionsi chigachenga na goaka chinkobi otatiga Omansamu amo n' Onyangumi, ekiagera nigo barenge n' obororo kobwatekana buna Ongabi amo ne Rigwari babang'ainete na kobatona chirangi bobe ase omobere obo ekairera ching'iti echi ibere kororekana chire ne ebieni ebibe.

Bono Omansamu n' Onyangumi baigure endamwamu n' obororo

Rigwari amo n' Ongabi bakaegwa ebiegwa biabo n' omosangererekano okaera, na kera eng'iti ekagenda bwoye. Onyangumi amo na Oansamu bakaba n' obororo obonene. Omansamu agatiana buna nigo are koria chimanu chi' Ongabi kera engaki are gochinyora chigoeta ang'e nase are. Onyangumi nere agatiana buna nigo are goseria Rigwari korwa roche, tanyu amache.

Ebitandawili LXXXI: Kaa Gento Ki Gekoagacha.....

    

Buna twakabeire: Na Petronillah Ogoti. Gusii.com Proverbs, Culture And Customs Editor. Rigwata [ April ] 29, 2013.

 

Abagusii Wisdom Revisited

 

Aya amwabo aya:

Ebitandawili LXXX: Abamura Bane........

Ebitandawili V: Kaa Gento Ki Kegochiera.............

Ebitandawili LXVIII: Inee, Kaa Gento Ki Gekomenta..........

 

Egetandawili minto Mwanyagetinge? Tega: Kaa gento ki gekoagacha mwaye, korende tikebwati magoko?

Nigo akong'etie koagacha, ko n' magoko tabwati. Inee, Google ngo Omobayeno oyo: Egetinkinye ekeng'aini keagache enyomba yaye.......

RICHIBU: Enyoni. Enyoni n'egetogwa ki'ogokumia. Nigo enyoni ekoagacha egeswa kiaye, erinde kiaba na komenya, neba buna enyoni eye teri na maboko ekoagachera! Enyoni nigo egosomba ebinto biokoagacha enyomba yaye, goikera biaisana na magoko y'okobogoria yatongetwe naro.

Emebayeno Ya Abagusii: Enda N' Embe, Yarusetie Ekeongo Igoro, Kegaika Nse.

    

Na Petronillah Ogoti. Gusii.com Proverbs, Culture And Customs Editor. Rigwata [ April ] 28, 2013.

 

Abagusii Wisdom Revisited

Aya amwabo aya:

Emebayeno Y' Abagusii: Mang’ana Ntuboka Mogayani Obora Tureti Yaikaransa Yatebia Keore.........

Emebayeno Y' Abagusii: Otakonacha Kina, N' Akorere Okoora

Emebayeno I: Emebayeno ya Abagusii

Kai tata! Onde taiyo omochi' oyo? Ase engaki y' egiateko n' enchara, Abagusii nabo twarenge gotiga chiika chiato, twagenda aare, gosuma endagera.

 

 

 

 

 

Amatuko amake aerire, omogaka sokoro ominto nigo antebetie buna nonya Abagusii twarenge abakongu ase oboremi n' obotugi ase amatuko amakoro, egiateko ngocha kiarenge, goikera enchara yaba.

Nigo omogaka antebetie buna oboremeru bw' embura eyio yarenge kwamia endagera, nigo bwarenge kogera abanto bakora ebinto batarenge gocha gokora. Nabo abange barenge kogenda aare, erinde gosuma endagera. Komenta nayio, nonya n' oboibi nkomentekana bwarenge, ekero ki' egiateko.

Ogotayaya nkwarengeo, ase amatuko ayio amakoro

Buna omogaka sokoro agoteba, nabo yabete igo, ekero gie enchara yabete enene, n' abanto bagatayaya gochia aare kegima korigia endagera. Bono ayaiga kaba, Omogusii omokoro akamanya goteba buna Enda N'Embe, Yarusetie Ekeongo Igoro, Kegaika Nse.

Ayie! Ekeonge kiagaika nse rero

Bono Ekeongo ninki sokoro? Nche naboretie omogaka. Nigo sokoro antebetie buna Ekeongo n' enyoni eri yanchete koiruruka aaria amare igoro, korwa maambia echuni, goikera bwaira. Ekero  ki' omobaso  omotindi n' enchara, nario rioka enyoni eye egoika gochia nse, erinde nero nario eranyore gento ebeke mboto!

Ase ogoteba omobayeno oyo, Abagusii nigo babwekanetie mwanyabanto buna Ekeongo, ekiagera enchara nero ekogera omonto otayaya gochia chinse chiaare, erinde nere gose nanyore endagera, takwa.

Bono korora iga, Abagusii abakoro bagateba buna Enda N'Embe, Yarusetie Ekeongo Igoro, Kegaika Nse. Korwa ase omogaka sokoro ominto, oyo noro omobayeno oito for this week. Motware chingaki chingiya, and thank you for listening.

Aaria Kinonga, West Mugirango In Nyamira County: Obokongu Bwabeire

  

Na Petronillah Ogoti. Gusii.com Proverbs, Culture And Customs Editor. Rigwata [ April ] 27, 2013.

 

Abagusii Wisdom Revisited

 

Aya amwabo aya:

Mwembe Tayari Accident, Kisii Town

Aaria Kisii County: Obokongu Bwarentirwe N' Etoigo

Obokongu Mbwabete Aaria Kamagambo, South Kisii County

Nigo egotwa botuko na mogaso. Embura, eyio yarentire etoigo enyinge ime ya Kisii na Nyamira Counties nigo egendererete gotwa ase obonge. Ase chinsemo chinyinge, ogoichora kw' amache kwagerire chinyomba chiaguure, n' ebimeri gosareka ase chindemero.

Aaria ase ekenyoro gia' Kinonga, West Mugirango, omongina Anna Moraa, 95 tabwati enyomba, nyuma y' embura enyinge n' amache koiyeria enyomba yaye. Igwa bono korwa NTV aaria West Mugirango, in Nyamira County.