Gusii

Titotiga Chisukuru Chigwe

Omokubio oyo oera intwarora obokongu tobwate ase chisukuru chiaito Gusii. Ase amatuko aya amake aerire, twarorire abarimu batatageti gosomia, abarimu bakonywa amarwa, naende abande batagete gosumbwa abana baria batakeire gosomia. Intwarorora omokubio oyo oera buna abarimu batari gotoka esuku ime naende abande bagochicha gosomia banyorire. Inaki torarore inga ogosomia kwabeire okuya Gusii? Inaki torakore erinde abana baito basomigwe buya? Gokonya chisukuru chiaito Gusii, tiga tokore iga:
1.Abarimu tiga bachenchigwe. Ekero abarimu bachenchigwe gochia chisukuru chia are, nigo bagokora omokia. Ekero bagosomia ange na inka, tibari gokora omokia ekiagera ninka bare,naende  nigo bamanyaine na abagaka be chikomiti chie chisukuru. Ase engencho buna eyio, tibari na acha ya ogokora omokia. Buna ase ogoteba, omwarimu sobo ere Manga, tiga airwe aaria Nyamache. Onye titori gokora igo, amasomo nabo akona kogwa Gusii.
2.Abarimu baria bagotiga gosomia bagenda konywa amarwa tiga babutwe. Nigo barigetwe konywa amarwa gose gosomia?. Abarimu abange sana bakorire chiyunivasiti Kenya batabwati egasi. Abanywa amaru tiga babutwe, bari batagete gokora egasi barikwe gosomia.
3.Abakomiti be chesukuru bakonge. Baria bonsi batenenerete chisukuru tiga babwaterane amo na abaibori erinde nario obomo borabe aroro. Onye obomo tiboiyo ase abaibori amo na ekomiti, abarimu

nigo bakoba aboro. Abarimu aboro=okogwa gwe chisukuru.
4.Abana bakore omokia. Abarimu nabasomia buya sana , onye abana nabarabwo tibari gokora omokia, igo imbosa. Abana nabarabwo ekero bakorire omokia=ogoeta amatemu na kogenderera.

                                                                                                           

                                                                                                                                                                                                                                              Ebicha korwa Ase Amanda Koster

                                                                          

Eyunivasiti Ya Kenyatta Yasiekirwe naende

Omokubio botuko, abana be Yunivasiti ya Kenyatta imbagomete nagosaria ebinto ebinge bia esukuru. E Nation nigo egoteba inga nigo basambete chinyomba chie esukuru naende abande nigo baumiete. Omokubio oyo nario abana bairanete korwa inka ekiagera konya nigo baseririe ase omogomo onde. Ikiabete inga omwana oyomo nigo anyorete amakweri ekero aagetwe risasi ebigoti. Abana bande nigo babunegete amagoro ekero bakominyoka ase ogotama korwa ase abasigari. Omonene bwe yunivasiti, Olive Mugenda tarateba inga indi abana abwo bakoirana gocha esukuru naende.

Abarimu bagotachera abana inse aaria Mosocho Academy

Abarimu babere ba Mosocho Academy nigo banywa amarua, bagatinda na kobuna emerangu ase abana abaiseke be esukuru eyio bakorara. Ekero basoa enyomba eyio ime, abarimu abwo bagataka gotachera abaiseke inse. Abarimu abwo nigo basumbwa abana abwo ase esukuru eyio korwa chinsa inye chia botuko impaka chinsa kianda chia mambia.Abarimu abwo bono nigo basoerwa. E Nation nigo egoba inga abaiseke abwo nigo bateba inga moiseke onde bwensi ore kwanga nigo akoiyerigwa amatemwa gose oegwa amagisi amake. Teratebekana gose abarimu abwo imbairwa echera.

Abagusii Baminto Imbuya Mono Sana

Imbuya mono ase baria baminto bonsi bachete ase ogosindigisa Dr. Alfred Osiemo igoro. Abagusii baminto nigo twakorete egasi engiya. Alfred nigo agoakera minto mwensi inga imbuya mono sana. Ase abaminto baria batanyorete ribaga ase engencho ye chigasi amo na emeyega ao ao, Alfred nao are igaa imbaka Tichi Kabere. Nabo ogoaka esimi omoe okwaeri. Abagusii baminto mosesenigwe na Nyasae.

Omokutano bwa Alfred Nogendererete Bono Iga

Okoinyora inga Omokutano bwa Dr. Alfred Osiemo nigo Ogendererete bono iga. Inayorika  Tichi Rimo eye yaetete. Inchwo tomosinkidise. Imbuya mono