Gusii

Ida Odinga, " Nonya Raila tari konyora kende ewiki engima......."

Omongina bwo Omowaziri omonene, Ida odinga otebire inga nere nao are amo na abangina bande Kenya engima baria batebire inga abagaka tiga barinue obwanchani bwe enywomo ase omokubio omogima. Bono twamanyire inga Raila tari konyora kende ase omokubio omogima. Omogomo oyio bwa abangina nigo okobeka ekerenga ase e serikali erinde erengererie amangana ye ense yaito ya Kenya na kogamba buya. E Nation nigo egoteba inga oria ore oyo okabere ase ekeombe kia abangina Kenya, Elizabeth Mayieka, otebire inga abagaka bande baansire goita abangina babo igoro ya amangana ayio. Ere tatageti omogomo oyio ogenderere.Nigo agoteba inga amangana ye enywomo a ime tatakeiri gokwanerwa isiko naende abana bana komanya inga ninki kegendererete.

Abangina ba Kenya korwa e Nation

                                                                                                                    Ida Odinga

Kibaki Na Raila: Tegerera korwa ase Abangina ba Kenya

Onye Kibaki na Raila tibari korenta omorembe, abagaka ba Kenya imbachiche barinue ebinto ebinge. Tegerera moigwe. Abangina bakanire........abagaka tibari gocha koegwa endagera, omosori....nyama choma amo na...........

Inaki Oranyare Gwetanga korwa Oborwaire bwe Chinguruwe?

Ekeombe keria getenenerete obogima obuya bwe emebere (WHO) giatebire inga rikuba ribe riria rikorwa ase chinguruwe nigo rikona komentekana. Rikuba erio nigo riaanserete Mexico rakini bono riamentekanire ase aange. Aaria Mexico, abanto 150 bakure. aaria Amerika, omogambi Obama nigo atebete inga oborwaire obwo boise gotoka chisukuru, abarimu bachisieke. Omoteneneneri bwe ekeombe kia WHO ase Kenya, Joyce Onsongo otebire  ase e Standard inga oborwaire obwo tiboraika Kenya.Koria enyama ye enguruwe nero ekorenta oborwaire obwo? Abanyagitari nigo bagoteba inga yaya. Aye kari enyama eyio onye nero bwanchete.Inaki oranyare gwetanga korwa ase oborwaire obwo? Ekeombe ekio kia WHO nigo kegoteba inga:
1.Esibie amaboko amo na esabuni buya.
2.Onye kogoasimora, etube omonwa erinde toambokeria abande.
3.Tiga kobera ase abanto abange bare ase bono.
4. Gokoigwa inga gwaansire gwatigwa omobere, emioyo, omotwe inkogwatia ore, riberera, koroka, gose gosaa, genda ase omonyagitari.

                                                                                                                                                                                                                                                             Ebicha korwa NYtimes.com

Onye kogokora ebitage Gusii, aye saba inga toirwa ekoti ya Omojaji Daniel Musinga

1.Bob Ayub, oyio naende okorokwa Gabriel Mbwana nakumeretwe ekina kia ogokwa ase ogoita oyonde. Nigo kiabete inga ere nao arenge amo na abande omwaka  2003 ekero aitete Kefa Nyanchoka aaria Gucha. Robert Nyasato bwe  E Standard nigo egoteba inga nigo atumiete ensara yobosongo goita Nyanchoka igoro ya eriomana ria oboremo.
2.Omochifu o Bomorenda Ernest Omweri Ogero nigo asoerwa inga osaririe egasi ya obochifu, nigo akobwata abanto ne chinguru magosa ataiyo, gosaria ebinto bia abanto na korwana chisegi. Agachi gosaba omojaji inga ekina kiaye getugutwe, omojaji agakana inga ekina goika kegenderere ekiagera ororire inga amagoso nare aroro.
3.Lucas Motanya Nyandwaro nere agataka inga ekina kiaye getugutwe. Motanya ere nigo kiabete inga nigo atacherete abande inse. Akamanya goteba inga ekero e televisioni ya KTN yatangasete amangana ayio, nigo yamosareretie erieta riaye. Omojaji agateba inga ayio imbosa. Tiga ekina kegenderere.
4.Ekiabete inga Charles Ondera Ochako oibire esimi ya koboko, Sh 18,000, amo na e  bastola omwaka oyo oera. Ere nigo atagete ekina getugutwe ekiagera nigo aberete erumande amatuko atano na rimo, ayio aetanetie buna e serikali egoteba. Omojaji nigo atebete inga amatuko atano na rimo nigo are amake sana. Ekina tiga kegenderre. 

Omochango/Harambee ya Bantu Mwaura

Ebicha korwa St lawrence University

Omochango Bwo omochie ne chintakana chia Bantu Mwaura inkorosigwa ore aaria eyunivasiti ya St  Lawrence aaria Canton, New York. Omonene bwe eyunivasiti eyio, Daniel F Sullivan otebire. Bantu, amo na omorugi oye nao konya bagosomia eyunivasiti eyio buna abarimu abageni. Onye gotagete gokonya chintakana chia Bantu, rora Patricia Alden gose Celia Nyamweru be eyuvasiti ya St Lawrence ase e peji eyio erinde orwe ganto kao gake buna oranyare. Imbuya mono                          

                                                                                                                                                         Marehemu Bantu Mwaura