Gusii

"Someria abana aaiga Kenya," Omwalimu Akama

AbaKenya baborigwe inga basomerie abana babo ase chiyunivasiti chia Kenya nario chirakine. Omwalimu omonene bwe eYunivasiti ya Kisii nabo atebete. Robert Nyasato bwe e Standard nigo agoteba inga Omwalimu John Akama nigo atebete inga abaibori ba Kenya nigo bagokinia chiyunisaiti chia ngumbu batiga echiabo ekero bagotoma efisi gochia ngumbu. Nigo atebete inga chibesa echi chigotomwa ngumbu nanga nigo chikoroisia chisukuru chia Kenya. Gesa yagakinetigwe, Eyunivasiti ya Kisii tiyana koagacha nyomba ende enyia. Nigo atebete inga Eyunivasiti eyio  neche etware amaagacho aisaine  Ksh.1.4 chibillioni. E serikali ya Japan nero neche ekonye koagacha egetuo gie chikompiuta na sayansi ase eyunivasiti goetera ase ogokonya.

E Kampeini Bomachoge

Abaaki chikura Bomachoge nigo bagocha gotumia ebibande ebiyia bio ogoaka chikura. Jackline Mora bwe e Nation nabo agoteba. Ebibande ebio imbiansete korugwa igoro impaka chitariki 28 Omotienyi o Saba. Nigo bagotumia e rejesta ye chikura chia 2007. Chikampeini nigo chigocha koba gati ye chitariki 5 na 25 chia Omotienyi o Nane. Abaaki chikura imbatakeiri kogenda ase ebituo ebiao kobua ari ase berikerete. Nigo etakeire koba igo erinde abaaki chikura ba isiko tibaicha goaka chikura Bomachoge.

Rikuba rie Chinguruwe

Nigo egotebekana inga rikuba rie chinguruwe riakire kenya. Yatebekanire inga  omotari oyomo korwa Boraya naribwate. Tegerera bono.

Abarimu abanene be chisekenderi Kenya engima nao bare Mombasa ase omokutano obo bwa kera omwaka. Ekero baumeranete ase omwaka o 2008, nigo baboretie ensemo ye serikali ye chisemi inga amanga ye chikwota atigwe. Nigo abarimu bagoteba inga chikwota tiga chitigwe ase  engencho chinkorenta obokabila. Ekero baumeranete omwaka oria, nigo baboretie omoninista bwe chisemi Sam ongeri gose nenyarekane gotiga chikwota. Kende tikeraba. Inche tingancheti chikwota ase engencho:

1. Obokabila. Abarimu batebire ekeene. Ekero osomerete ase chisukuru chia seino oka, tori komanya buna ebisaku binde bimenyete gose buna bigokora ebinto. Ekero kwarikirwe egasi amo ne besaku binde, nabo ekoba akongu koigwana onye erio nario ritangani koba ne bisaku binde. Gosoma amo ne bisaku binde nigo okoigoka obongo ake. Omogusii osomete Boikoyo nabo akomanya igoro ye githeri. Omoikoyo osomete Kisumu nabo akomanya igoro ya omena. Ekero otari komanya igoro ye bisaku binde, nigo ogokina kobwate obwoba bwa bosa.

2.Omokenya onde bwensi nabo agosoma ase atagete. Tiga abana bachore sukuru ende yonsi Kenya amagisi oka abatange. Onye Omogusii gatagete gosoma aaria Mombasa ase esukuru ya Shimo L Tewa, tiga asome aroro. Onye Omosigisi gatagete kogenda Kisii, tiga ebe boigo.

3.Obotaka. Chisukuru chinde Kenya nigo chire ase obotaka. Tichibwati chinyomba chisaine. nigo chiremeire ase chinchera chinde chnyinge. Ekwota nigo ekogera abana buna baria barwete ase buna Garrissa gose Moyale gotigara aroro. Ekwota nigo ekobatanga kogenda ase buna Kericho gose Muranga.

Nigo tokounga abarimu koboria Mhe. Sam Ongeri asirie amangana ye chikwota.

Ebicha korwa aaria Kiogoro, Nyaribari Chache.

Ebicha korwa: Plant-trees.org

Ekeombe kia abawaziri aaria Bunge giatebire inga amachinko ya amaremo Kenya achenchigwe erinde abakungu nabarabwo baanse gotwara amaremo. Amangana ayio goika agende Bunge erinde amanye goetigwa koba richiko. Nabo naroche Capital FM yatebete Tichi Kane eye yaetete. Ase bono iga abakungu tibabwati okobua gwo okonyora ebisero bia amaremo. Ekeombe keria getenerete abawakili abasubati Kenya (FIDA) nigo kegoteba inga nonya abasubati bagokora egasi ya mogondo mara 80% kobua abasacha,nigo babuate 1% ya amakaratasi ya amaremo. Inche nigo intagete richiko erio rietigwe. Rengereria. Tiga torarengereria obogima bwao onye kore omokungu Kenya:

1. Ritangani ebisaku ebinge tibikogoatera oboremo. Nonya aaiga seito intwe Abagusii, mokungu tari gwaterwa oboremo. Goika anywomwe erinde amanye konyora oboremo korwa ase omosacha oye. Eraisa koba rende inga tori konyora omosacha? Obwo nabwo obokongu obotangani bwo okoba omokungu Kenya. Aye nigo ogosaba inga onywomwe. Korwa abwo, obogima bwao nabo bokoba buya onye ne binto binde bikoba buya.

2.Ase engencho abakungu batari goaterwa oboremo, obokongu bonde bokobanyora nobo. Konywomwa ne riochi. Akabungu bande nigo bakoba ne ebisio ebibe. Banywomwa amo na amaochi. Abasacha bari aboro batancheti gokora egasi. Bari bakorara ase ekenyenga. Bakobaita bogakia. Ase omokungu buna oyio, enywomo ne emechando. Takoirana gochia sobo. Tabwati kende sobo. Oboremo bwa ise bwateranirwe na bamura bamwabo. Ere goika aremereri kobera ne riochi riaye.

3.Omokungu gose omosacha otari konyora abana. Omokungu nere okobekerwa amagoso ritangani. Nonye obokongu bore ase omosacha. Ase yabeire inga omokungu nere obwate obokongu, basi goika abe tayare koarigania omokungu onde (moibori omwabo) gocha ase enka yaye. Basi onye moibori omwabo oansire konyora abana, basi korwa abwo bono, obogima bwaye ne emechando. Nigo agochaywa. Oramwa. Ere tari kende. Oyo ore ne egesio nabo akogora abana bari batigirwe chintakana. Kobwatekana na omosacha oye, nabo arakanigwe goaterwa oboremo ekiagera tari konyora bana.

4.Kobiara abaiseke boka. Omokungu ore ne egesio gio okonyora abana abaiseke boka, Nyasae amokonye. Goika agenderere koibora kera omwaka, impaka kaa aibore omwana omomura. Ninki? Baiseke tibari gwaterwa oboremo. Rigereria abwo igoro. Sayansi nigo egoteba inga omosacha nere obwate okobua gwo okobiara omwana omomura gose omoiseke. Rakini intwe Abaafrika, nigo twegenete inga amagoso nigo are aya omokungu. Basi, eise koba inga momura taiboiri erinde ache koria omwando bwo oboremo, basi omokungu o kabere nao bono agochera ime. Omosacha onywoma omokungu o kabere. Korwa abwo, omokungu omotangani naende oansa gochaywa na gochandwa ase kera enchera.

5.Amachiko. Ase engencho amachiko a kenya atatageti omokungu atware oboremo, omokungu obwate emechando buna eyio natebire igoro tagochia ande. Takogenda ase omotureti. Motureti tabwati okobwa gwo okomoatera oboremo. Nabo igo ase omochifu gose mogambi onde bwensi. Takogenda ase ekoti. Koti yango? Mokungu tatakeiri gotwara oboremo. Obokongu sana koba omokungu Kenya.

Ebio nabio ebirengererio biane. Korwa ase amaiso ya omosacha omogusii OmoKenya.

Chikwota=Obokenyomba

Abarimu abanene be chisekenderi Kenya engima nao bare Mombasa ase omokutano obo bwa kera omwaka. Ekero baumeranete ase omwaka o 2008, nigo baboretie ensemo ye serikali ye chisemi inga amanga ye chikwota atigwe. Nigo abarimu bagoteba inga chikwota tiga chitigwe ase  engencho chinkorenta obokabila. Ekero baumeranete omwaka oria, nigo baboretie omoninista bwe chisemi Sam ongeri gose nenyarekane gotiga chikwota. Kende tikeraba. Inche tingancheti chikwota ase engencho:

1. Obokabila. Abarimu batebire ekeene. Ekero osomerete ase chisukuru chia seino oka, tori komanya buna ebisaku binde bimenyete gose buna bigokora ebinto. Ekero kwarikirwe egasi amo ne besaku binde, nabo ekoba akongu koigwana onye erio nario ritangani koba ne bisaku binde. Gosoma amo ne bisaku binde nigo okoigoka obongo ake. Omogusii osomete Boikoyo nabo akomanya igoro ye githeri. Omoikoyo osomete Kisumu nabo akomanya igoro ya omena. Ekero otari komanya igoro ye bisaku binde, nigo ogokina kobwate obwoba bwa bosa.

2.Omokenya onde bwensi nabo agosoma ase atagete. Tiga abana bachore sukuru ende yonsi Kenya amagisi oka abatange. Onye Omogusii gatagete gosoma aaria Mombasa ase esukuru ya Shimo L Tewa, tiga asome aroro. Onye Omosigisi gatagete kogenda Kisii, tiga ebe boigo.

3.Obotaka. Chisukuru chinde Kenya nigo chire ase obotaka. Tichibwati chinyomba chisaine. nigo chiremeire ase chinchera chinde chnyinge. Ekwota nigo ekogera abana buna baria barwete ase buna Garrissa gose Moyale gotigara aroro. Ekwota nigo ekobatanga kogenda ase buna Kericho gose Muranga.

Nigo tokounga abarimu koboria Mhe. Sam Ongeri asirie amangana ye chikwota.

Amaremo, Kenya

Ebicha korwa aaria Kiogoro, Nyaribari Chache.

Ebicha korwa: Plant-trees.org

Ekeombe kia abawaziri aaria Bunge giatebire inga amachinko ya amaremo Kenya achenchigwe erinde abakungu nabarabwo baanse gotwara amaremo. Amangana ayio goika agende Bunge erinde amanye goetigwa koba richiko. Nabo naroche Capital FM yatebete Tichi Kane eye yaetete. Ase bono iga abakungu tibabwati okobua gwo okonyora ebisero bia amaremo. Ekeombe keria getenerete abawakili abasubati Kenya (FIDA) nigo kegoteba inga nonya abasubati bagokora egasi ya mogondo mara 80% kobua abasacha,nigo babuate 1% ya amakaratasi ya amaremo. Inche nigo intagete richiko erio rietigwe. Rengereria. Tiga torarengereria obogima bwao onye kore omokungu Kenya:

1. Ritangani ebisaku ebinge tibikogoatera oboremo. Nonya aaiga seito intwe Abagusii, mokungu tari gwaterwa oboremo. Goika anywomwe erinde amanye konyora oboremo korwa ase omosacha oye. Eraisa koba rende inga tori konyora omosacha? Obwo nabwo obokongu obotangani bwo okoba omokungu Kenya. Aye nigo ogosaba inga onywomwe. Korwa abwo, obogima bwao nabo bokoba buya onye ne binto binde bikoba buya.

2.Ase engencho abakungu batari goaterwa oboremo, obokongu bonde bokobanyora nobo. Konywomwa ne riochi. Akabungu bande nigo bakoba ne ebisio ebibe. Banywomwa amo na amaochi. Abasacha bari aboro batancheti gokora egasi. Bari bakorara ase ekenyenga. Bakobaita bogakia. Ase omokungu buna oyio, enywomo ne emechando. Takoirana gochia sobo. Tabwati kende sobo. Oboremo bwa ise bwateranirwe na bamura bamwabo. Ere goika aremereri kobera ne riochi riaye.

3.Omokungu gose omosacha otari konyora abana. Omokungu nere okobekerwa amagoso ritangani. Nonye obokongu bore ase omosacha. Ase yabeire inga omokungu nere obwate obokongu, basi goika abe tayare koarigania omokungu onde (moibori omwabo) gocha ase enka yaye. Basi onye moibori omwabo oansire konyora abana, basi korwa abwo bono, obogima bwaye ne emechando. Nigo agochaywa. Oramwa. Ere tari kende. Oyo ore ne egesio nabo akogora abana bari batigirwe chintakana. Kobwatekana na omosacha oye, nabo arakanigwe goaterwa oboremo ekiagera tari konyora bana.

4.Kobiara abaiseke boka. Omokungu ore ne egesio gio okonyora abana abaiseke boka, Nyasae amokonye. Goika agenderere koibora kera omwaka, impaka kaa aibore omwana omomura. Ninki? Baiseke tibari gwaterwa oboremo. Rigereria abwo igoro. Sayansi nigo egoteba inga omosacha nere obwate okobua gwo okobiara omwana omomura gose omoiseke. Rakini intwe Abaafrika, nigo twegenete inga amagoso nigo are aya omokungu. Basi, eise koba inga momura taiboiri erinde ache koria omwando bwo oboremo, basi omokungu o kabere nao bono agochera ime. Omosacha onywoma omokungu o kabere. Korwa abwo, omokungu omotangani naende oansa gochaywa na gochandwa ase kera enchera.

5.Amachiko. Ase engencho amachiko a kenya atatageti omokungu atware oboremo, omokungu obwate emechando buna eyio natebire igoro tagochia ande. Takogenda ase omotureti. Motureti tabwati okobwa gwo okomoatera oboremo. Nabo igo ase omochifu gose mogambi onde bwensi. Takogenda ase ekoti. Koti yango? Mokungu tatakeiri gotwara oboremo. Obokongu sana koba omokungu Kenya.

Ebio nabio ebirengererio biane. Korwa ase amaiso ya omosacha omogusii OmoKenya.