Gusii

Bekera Nyambane Riberera

Abakenya baminto, Sindigisa Nyambane amo na abasani baye (Ojwang, Mama Kayai, Linda Muthama)

1.Texas, rero morogoba aaria:

Brendas Reception Hall, 3720 South Gessner,
Houston,  Texas, 77063 Chinsa Ibere bono morogoba impaka.....


Ankio morogoba aaria:

1st Bijou Restaurant, 2301 N Collins, Arlington, Texas. Ensa Eyemo ya morogoba impaka..........


2.Bari bare: Kansas City Missouri
                  Kansas City Kansas

Jumapili chitariki Ibere Omotienyi o Nane. Chinsa Ikomi chia morogoba. Atonement Lutheran church Hall 9948
Etcalf Ave,  Overland Park MO 66212

3.Minneapolis, MN, Esabato chitariki 8, Omotienyi o Nane

4.Lowell, MA, Jumapili Omotienyi o Nane- chitariki tichiratangazwa.

Mr. Ongengo

Imbuya mono ase Mr. Ongengo ase egasi engiya ya ogotogokia. Amatera amaya korwa ase Mr. Ongengo bono nao are ase Youtube. Egasi engiya ase Abagusii. Ase boigo, imbuya mono Mr. Ongengo ase okoinyora Omogusii onde oito omonene otonyorete, omosike Dismas Nyangau Ye Egentonto.

Nyasae akorende. Abagusii abanene buna Mr. Ongengo, Grandmaster Masese, Abana Sungusia, Onyoni Sakawa amo na marehemu Dismas Nyamgau mwatenenire motwe na gotogokia ase ekemira giaito. Motari kwoboa. Buya sana. Nyasae ana kobamentera.

Bosoku Tiboiyo Ase Ekegusii

Tucker Childs: Ingotepu are omonwa bwa abanto ba Kim aaria Sierra Leone otarasira. Abanyene omonwa oyio tibari na acha.

Inasomete ase NYtimes igoro inga egesaku gia Kim aaria Sierra Leone nigo kebwate abanto 24 boka. Kiabeire inga obwoba imbore aroro inga omonwa bwe egesaku eke nabo orasire torigereretie iga. Maiso marore. Abanto abange ase egesaku eke batigire gokwana omonu obo. Yaani inga abande nigo banchete gokwana omonu bwe egesaku kende ekeao.

Ekerage sana. Mende. Nigo bagokwana omonu okorokwa Mende. Abange bari bagakwanire omonwa o Kim bono nigo bagokwana Mende. Bari abagotu buna bagendererete gosira, omonu obo noro nabo ogendererete gosira.Eke tari kerokio egesaku egetangani gosira pi korwa ense gose gosiria omonu obo. Ebisaku ebinge sana biasirire korwa ense eye enchera enga buna eyio.Ninki kiabete ase omonu oyo gose egesaku eke gosira ekabira eyio? Ninki gekogera abanyene omonu oyo batari gochari?  Inche timanyeti.

Ninginyorete ekero narenge kerasi eyemo impaka isato, nabo tware gwancherwa gokwana Ekegusii. Ekero twaika kerasi inye, togakanigwa titokwana Ekegusii esukuru ime. Ninginyorete sana ekiagera omwarimu Sebeliusi Nyangau nere orenge omwarimu bwe Egesongo ase epuremari ya Gesure. Kware gokwana Ekegusii, nigo kware kwerorera aya agocha na aya kogenda. Bono inche nabo nakinete inde na obwoba bwo ogokwana Ekegusii. Omonu intachorete. Omonu naiboreretwe. Obwoba bwa ogokwana Ekegusii bogaonchoka bokaba obosoku gokwana Ekegusii.

Ekero narenge Nyamagwa, onde bwensi orenge gokwana Ekegusii ere nigo arenge gochaywa inga nigo are omonto bwe risabu. Elokol. Mshamba. Oyo ushago. Otasometie. omoriri. Ekero okinete kobwate obosoku bwo ogokwana omonu oo. Obwoba bwo ogokwana omonu oo. Akongu sana gosamusa ebinto buna ebio korwa obongo bwao. Ayio naro amberete inche ekero ingokina. Obongo bwane. Ebirengererio biane igoro ya Ekegusii nigo biaigoka emiaka etato yaerire.

Ekero nagenda Kangema, Muranga, bono ekarasimisa inga inkwane Egeswaeli gose Egesongo. kangema nigo yabwate abana korwa ase kera ekabira. Ase esukuru engima, nigo twarenge Abagusii ange 20. Amerika nero ekarasimisa inkwane Egesongo. Amangana e chigasi amo na esukuru ingai ogochia gokwanera Ekegusii? Abaamerika nigo batagete okwane Egesongo. Tari sobo ore? Tindi kobarusia amagoso korengereria igo.

Tari igo rioka inga nigo batagete okwane Egesongo. Nigo batagete okwane buna bagokwana. Goika bweegeri eaksenti yabo. Onye tari bo, aye nabo okona koborigwa kera rituko inga ingai seino. Neba inga kwaairwe amasakara ya obomenyo.Eaksenti nigo egokorwa.

Tari kera Omoamerika otagete okwane buna agokwana. Abande imbare aroro batagete inga kera egesaku gekwane omonu oye na gokora ebinto bie ekemira biaye. Bono abande bachire seito Afrika erinde baanse korika na gotepu emenu ya AbaAfrika etarasira. Oyomo bwa AbaAmerika abwo nigo akorokwa Tucker Childs oyio okare aaria Sierra Leone. Omwarimu Childs nigo agosomia aaria Portland State University ime ya Oregon. Nigo abwateranete amo ne yunivasiti ya London aaria Bongeresa. Nigo atagete gotepu na kogacha emenu yaito etarasira.

Ekero nasomete omogano oyo, nigo neboretie: Ase abanto aba be egesaku gia kim batigarete, onde taiyo otagete korika omonu obo? Nigo bagotiga omonu obo orikwe amo na AbaAmerika? Ingai abagaka babo bare? Abasae rende? Obongo bwane bokagenderera koberoroka. Ense eye nigo ebwate emenu 6000.

Ase emenu eyio 6000, emenu 2000 nigo ere ime ya Afrika. Ase emenu eye 2000 etigarete Afrika, yarikiru ande? AbaAfrika Intochareti? Gose titori gochari impaka Omosongo ototebereiri? Nabo ere igo? Mosongo ataratotebia igo gento ekio tikeri kiya? Emiaka nerenga totagete Omosongo anya gototebereria? Inche timanyeti. Egento imanyete neke: Eke tari gento getagete eserikali etotebereri. Gose Omosongo arine endege gocha gototebia. Nabo togoansa gwekorera intwe tweka.

Ase emenua 2000 eye ere Afrika, emenua ange 60 na gochia igoro nao ere kenya. Ekero narenge koguuguu igoro, nigo nanyorete inga Wikipidia nigo eorogetie emenua 60 eyio ere Kenya. Timanyeti gose emenwa eye yarikirwe gose kogachwa. Naratebigwe inga inga imbuya emenwa esire. Inga emenwa nigo ekorenta obokenyomba.

Obwo nigo bore obworo. Obworo. Obworo. Kina. kabe omonto omonene. Tiga ingotebie egento gekorenta obokenyomba: Oboibi, amaaki, enda mwamu.gotamanya kogamba.gotabeka ense yao ebe namba 1 ase enkoro yao.gosoma esukuru rakini kwanga gotumia esemi... eyio ne topiki ye rituko rinde ere enene ase obwaye.

Ekegusii rende? Ekegusii tikeri gochia ande. Nao kere ase eintaneti. Kare na kare. Inchera teiyo oratinyie eintaneti. E webu saiti eye nesira. Nao kere ase chikompiuta kera ase. Nao kere ase Facebook, Myspace, Ekegusii.Org, Kisii.Com....Abagusii baansire korika amangana amaya sana.

Ase amangana ya omonwa oito, intwe twaminchoirie. Yaani koganya Omosongo atotebereri buna tobwenerete gokora? Obwana. Obwo nigo bore obosomba bwa aina ya juu. Titori koganya Omosongo atotebereri buna togokora. Mogusii tari koganya. Nabo tore igo.

Aya amwabo aya:

Nigo Mokoirorera?

"Imobwate Ekegusii-English Dictionary?", Nyamusi

Emenwa Emenge, Ewebu Eyemo

"Baminto Tokorere Ekeene", Bari Bachandetwe Aaria Manga

Korwa Egesa FM "Eamate ya abanto basamberetwe chinyomba ase ensemo ya Nyaikuro ime ya Manga baganirie ebitambokero bie richiko koimokerigwa bari basegete obosambi obwo ase emgecho obotuki bogenderete bwaorokirie nga oborimo nigo bwabegetwe ime egere chinyomba chigasambwa.Nigo konyora chinyomba emerongo ene chiabangeerwe gosambwa korende chiri chiasambetwe ni isano chioka korwa chisemo echio oyo iga Sarah Mauti."

Omwarimu Otacheire Omwana Inse

Korwa Egesa FM: "Omoiseke oyomo o kirasi ikomi ase esukuru ya Nyabimwa aaria kisii south nigo agenderete konyora ase enyagitari ya Kisii level five nyuma yogokururwa no omwalimu omonene bwe esukuru eyio korwa gusii na amange oyo Jared Maobe."