Kwaheri ase obotaka.Naende kwaheri ase abajumbe bari bakongaina Abananchi omwaka ase kera omwaka inga emasini ya amatoke neche erosigwe Gusii. Abajumbe bonsi ba Gusii. Obosoku sana. Twatwarire chimbuche toganyete emasini ya amatoke Gusii. Genda gochia aaria. Abasae ba Gusii bakanire inga tibari koganya amangana yo oborimo. Nyambega Gisesa nigo agoteba inga abasae ba Nyangorora Banana Youth Group baansire korosia chindagera ao ao korwa ase amatoke na gochionia ase efaida. ase omobwekano, nigo bakogora ritoke ase Ksh. 300. Bamanya koroisia chichip echio bakoonia ase rigori ria Ksh.1,680. Tari chips chioka bakoroisia. Korwa ase amatoke, nigo bakoroisia obosie,chikeki,ejamu,echuisi,amarwa,chingori,amajambe amo ne chogopia. Emasini eye ne chibesa irenga yaira? Ksh.chimillioni 6.
Ase emiaka emenge sana, abaremi ba Gusii nigo bakoriegwa chibesa na abagori ba amatoke abwo bakoyaira ase emechie emenene ya Kenya na koyaonia ase efaida enene sana. Amatoke nigo akoonigwa aaria Kisumu, Kitale, Mombasa, Nairobi, Nakuru na kera ase. Abasae aba ba Nyangorora Banana Youth Goup nigo bagokorera egasi yabo aaria ase omochie o Miriri. Omosike James Omiso nere omonyakerogo bwe ekeombe eke. Omochie o Miriri nigo ore chikilomita 23 korwa Bosongo. Ebara ye ramu nechiete impaka Miriri? Yaya. Amache nangusire? Nonya. Omorero rende? Hakuna. Ayio onsi taratanga abasae aba baito. Ekeombe eke nigo kebwate abasae ange 44. Bonsi nigo baigete fomu fo yoka. Banyorire ogokonywa korwa ase Farm Africa, Kenya Industrial Research Development Institute (Kirdi), International Service for Acquisition of Agri-biotechnology Application (Isaaa) na Kenya Gatsby Trust. Ekeombe kia Kirdi nakio kiabaete emasini. Kitutu Masaba CDF nero iyakora buya ase okobakomboera enyomba ase bakogacha amatoke. Buya sana.
Ase bono iga, abasae abaiga imbaganetie ebara engiya ase chigari chigoetera na amatoke. Tari igo rioka, naende okogania ingotakeire kwa amasakara ya okobeka chindagera echi ekero chiarosigwe korwa ase amatoke. Ase amatuko a motwe, neganeiri gotwara enyomba enene na korenta emasini enene. Intwe nigo togosaba amaya. Egasi engiya abasae ba Nyangorora Banana Youth Group.
Comments