Koburuga Bogetutu Chache

Mhe. Richard Momoima Onyonka, MP, Kitutu Chache

Tibatageti Mhe. Richard Onyonka atware obosani amo na abarai bande. Tibatageti akore egasi amo na ODM erinde aagache Bogetutu Chache. Yaya. Ekeombe kia People's Democratic Party nigo kiabea. Kegatwara obororo. Kegatebia Mhe. Onyonka atige obosani na ODM. Mhe. Onyonka agateba inga obosani bore arororo nigo bore obwo okoagacha Gusii yaito.

Ase omokutano batwara Eriatano eye yaetete, abanyakeombe ba PDP nigo barusetie omobunge o Kitutu Chache, Mhe. Richard Onyonka korwa ase ekeombe ekio. Nigo batebete inga nigo batagete agende ase ekeombe ekio achie koeresa obosani bwaye na ODM. Mhe. Onyonka tachieti ase omokutano oyio orenge aaria Nairobi.

Omonyakerogo o PDP, omosike Stephen Nyarangi nigo atebete inga ase engencho Mhe. Onyonka atachiete ase omokutano oyio, nigo abunete amachiko. Inga igo tiga aegwe adhabu. Ekero eStandard yaakerete Mhe. Onyonka esimi, nigo atebete inga inkorigia are abawakili erinde bamoe amawaidha.

"Intobwati obosani na ODM. Titotageti akore egasi amo na eserikali. Titomoeti ribaga gokora egasi amo ne serikali." Nabo omonyakerogo o PDP, omosike Stephen Nyarangi atebete. Nonya nabo igo, Mhe. Onyonka nigo atebete inga abanyasiasa korwa Kisii nabwo bakomorwania.