Korigereria KACC, Omosike Okongo Omogeni
Nairobi, Kenya: Abakori emeremo batato bachorirwe. Korwa ase abarigi egasi 197, ogochunchuga nigo gwatigaria abarigia egasi 8. Ase abwo abarigi egasi 8, Omonyakererogo bwo oborigereria bwa KACC, omosike Okongo Omogeni nigo atebia Capital FM Nairobi inga abanto batato bachorirwe korenda Abananchi korwa ase amaaki no obongainereri. Abwo batato nigo bare:
Omoteneneri omonene oyio ore Dr PLO Lumumba. Omosike Lumomba nigo are omowakili omonene ase Chikoti chinene vhia Kenya na Tanzania. Nigo abwate chidigrii chia BA na MA korwa ase Eyunivasiti ya Nairobi. Tari igo rioka. omosike PLO Lumumba nigo abwate e PhD korwa ase Eyunivasiti ya Gent aaria Belgium. Dr. Lumumba osomirie amachiko ase Eyunivasiti ya Nairobi ase emiaka 17. Komenta nayio, omosike Lumumba obeire omowakili ase emiaka 23.
Omoteneneri Omokonyi oyio ore omosike Pravin Bowry. Nigo asomerete amachiko ase Eyunivasiti ya Nairobi na gokora ase omwaka o 1971. Korwa erio, obeire omowakili ase Ekoti Enene Ya kenya amo ne ekoti ya abakori amabe ase chinse aaria Arusha. Tari mwoba ase ogosiba abanyabibe. Ase boigo, nigo amanyete korigereria na koringoria ebina buya sana.
Profesa Jane Kerubo Onsongo. Profesa Jane Onsongo nigo are omwarimu bwo obotuki bwa amangana ase Catholic University of Eastern Africa. Nigo Dr. Onsongo abwate chidirii ibere chia BA korwa Kenyatta Yunivasiti. Ase Boigo nigo Dr. Onsongo abwate chidigrii chia MA na PhD korwa ase Eyunivasiti ya London. Dr. Onsongo namanyete gokora obotuki, obwo boganeirie ase KACC korora ase amabe agokorekanera.
Omosike Okongo Omogeni nigo ateba inga goika e Presidenti amo na Bunge bancherane erinde abakori emeremo aba baanse egasi. Intotebigwe.
Recent Comments