Obokongu Aaria Dallas, TX
Mwaerwe Chitageka 45

Nyasae, Imbuya Mono

Pingo one buck promo to call Kenya

Thanksgiving  

Aya amwabo aya:

Happy Thanksgiving 2010

 

Amaoga a Thanksgiving korwa ase Aida Morgan

 Nigo barwete Bongeresa chitariki 6, omotienyi o Kianda (Tureti ya Kebaki), omwaka 1620. Bagatara ase enyancha ase emetienyi ebere. Bagaika Massachusetts omoerio bwo omotienyi o ikomi na rimo (Egesunte). Nonya nabo igo, ase tarenge aroro agiya ase obwato bwarenge kobekwa. Rakini ase chitariki 11 chio omotienyi o ikomi na kabere (Egesunte Kende), bakanyora ase agiya aaria Plymouth Rock. Nonya banyorete ase bakobeka obwato, emechando ya abanganyi aba 102 korwa Bongeresa konyora teraera. Amarwaire. Chisegi na Abaindi. Enchara. Nigo baigete Amerika engaki yo obokendu. Ekero omotienyi o Kane (Rigwata) omwaka 1607 ochiete goika, konyora enusu ya abanganyi aba 102 bakure. Buna Nyasae abangete, bagasimeka endagera engaki eyio ye Rigwata. Endagera ekama buya. Ase ogoakera Nyase inga imbuya mono, abanganyi aba amo na Abaindi bari barenge abasani bagateba inga tiga omoyega obe aroro bwo ogoakera Nyasae asante. Rituko rio ogoaka inga imbuya mono rikaiborwa. Omwaka o 1789, Omogambi George Washington agateba inga tiga rituko rio ogoaka imbuya mono ribekwe. Rakini nigo yairete impaka omwaka o 1941 ekero Bunge yaetetie inga kera Tichi Kane yo omoerio bwe Egesunte obe eholidei enene Amerika.

Inche nigo ingoaka inga imbuya mono ase obomoyo korwa ase Nyasae. Nigo ingoaka inga imbuya mono ase ebisio nanyorire ase omwaka oyo. Akamoisia gaito, Barack Obama Ochwoga Nyaberi Orongo Manyange  nigo kaiborwa omotienyi omotangani (Engatiato) omwaka oyo. Abachokoro bo omongina Kerubo no omogaka Nyaberi inkona komentekana bare. Ekio nakio ekeegwa  ekenene sana ase inche korwa ase Nyasae ase omwaka o 2009. Eria Kabere, imbuya mono ase abasomi ba Gusii.com. Onye tari inwe nanga ewebusaiti eye teiyo. Ninwe mogotoa omokia kera rituko. Nigo ingoakera Nyasae inga imbuya mono ase okobaa ribaga rio ogosoma Ekegusii. 

Inee?  Aye rende? Inkwaboka bono mambia? Nobwate ase okorara? Kwarire kende rero? Nobwate agachanchabe okona kobeka? Nobwate mosani onde? Moiri onde rende? Buya sana. Tebia Yeso inga imbuya mono. Omonguru bweka. Intobwati kende otatiga korwa ase Nyasae. Rituko rigiya ria Thanksgiving. Amerika Egenderere. Kenya Egenderere.

 

Omogano o Thanksgiving korwa ase Christian Answers.

Jared nyaberi, Omosomba bwe Ekegusii nao agotoka ase Abagusii at gmail dot com amo na Facebook dot com/abagusii

comments powered by Disqus