Mhe. Simon Ogari, MP, Bomachoge
"Kelele ya chura haiwezi kuzuia ngombe kunywa maji. Dalili ya mvua ni mawingu, na kabla ya mawingu ni upepo." Nabo PM Raila Odinga atebia baria batagete gosaria orosana rwa Mau. Tari igo rioka, nigo ateba inga ere amo na Omogambi Kibaki tibari gokwana kende igoro yo omoroberio bwa amachiko impaka AbaKenya barure amaoni abo ritangani. PM Raila nigo akwana amangana ayio ase ebirero bia omosubati Sharon Osebe Anyieni. omosubati Sharon nigo asirete chitariki 15 chio omotienyi oyo. Nigo arwarete ase amatuko amake. Omosubati Sharon nigo are moiseke o Mhe. Zephaniah Mogunde Anyieni. Mhe. Anyieni nigo akabeire omobunge omokoro o Bassi-Bomachoge ekero konyora chikonstichwensi echio chitarabaganwa. Ebirero bia Sharon nigo biabera aaria Etono. Ababunge bande barenge ase ebirero ebio nigo bare: Wahe. Chris Obure, Anyang’ Nyong’o, James Gesami, Omingo Magara, na omobunge o Bomachoge, Simon Ogari. Abachumbe ba Gusii batarenge ase ebirero ebi nigo bare Wahe. Richard Onyonka-Kitutu Chache, Robert Monda-Nyaribari-Chache, amo na Charles Onyancha-Bonchari. Korwa abwo, Mhe. Odinga nigo agenda ase omochango bwe ekanisa ya SDA ya Sironga.
Recent Comments