Okwengenta inkwabete mara gatato. Bono yatebekanire inga abanto batato imbengentete igoro aaria ime ye distrikti ya Nyamira. Okwengenta ogotangani nigo kwabete aaria ase ekenyoro kia Mageri. Nigo kiabete inga omoiseke oyomo okorokwa Rebecca Mambo nigo engentete ime ye nyomba yo omomura omosani oye. Ninki akwengentera? Rebecca nigo aba morito. Omomura oyio ore omosani oye akanga gwancherana oborito obwo. Basi Rebecca akengenta.
Okwengenta gwa kabere nigo kwaberete aaria Bonyamatuta Masaba Lokesheni ime ya Bogirango Bosongo. Ase okwengenta okwo, omosike Aloyce Nyagari, 30 ere nigo atumiete eneti ye chiumbu kwengenta. Eriomana nigo riabete gati ya Nyagari na omorugi oye. Omosike Nyagari agaseria mokaye. Basi akamanya koirana ase enyomba yaye ime na kwengenta.
Okwengenta gwa gatato? Okwo nigo kwabete aaria ase ekenyoro kia Gucha ime ya Bogirango Bosongo. Nigo egotebekana inga omosike Motari Nyarangi nere nigo omanete no omorugi oye. Ekero eriomana riaera, akarigia engori na gwesunga ase omote bwe chiabokado.
Amangana a Bogirango Bosongo korwa e Nation
Recent Comments