Mhe. Omingo Magara, MP omokoro o South Mugirango
Bomachoge suka ensemo, Bogirango Irianyi kabe tayare. Omojaji bwe Ekoti Enene Ya Kenya aaria Kisii orure obogambi ne richiko. Omojaji Daniel Musinga nigo atebire bono iga inga amagoso narenge ase chikura chia South Mugirango ase omwaka o 2007. Igo? Mhe. Omingo Magara obeire Omogusii okabere kourwa ekerogo nyuma ya omosike Joel Onyancha aaria Bomachoge.Ase ekerogo kia Bomachoge, omosike Joel Onyancha nigo abuetwe na Mhe. Simon Ogari
Ase okoinyora, Omosike Manson Oyongo Nyamweya nigo agoteba inga amagoso narenge ase chikura chia 2007 echio chiagerete Mhe. Magara akaba omojumbe. Ase chikura echio chia 2007, Mhe.James Omingo Magara nigo abwete ne chikura 10,204. Omosike Ibrahim Ayiema Ochoi akaba oyo okabere ne chikura 5,848.
Omojaji nigo ateba inga amagoso amanene nigo arenge ase abairaneria chikura gotabeka esei ase chifomu 16A ase ebituo ebinge aaria Bogirango Irianyi. Tari igo rioka. Nigo omojaji ateba inga amagoso ayio nigo are amanene mono sana nonya Mhe. Magara otangana ase obobari bwe chikura bwa kabere. Moise koinyora, Mhe. Magara nigo atangana ne chikura 10,024 na omosike Nyamweya akanyora chikura 5,334. Intotebigwe amange buna agotaboka gocha.
Aman'ana a South Mugirango korwa Kenya Broadcasting Corpration. Priscilla Nyanduko Gekonge nigo are Omoriki Omokonyi ase Gusii.com
Recent Comments