Kei! Nabo ere iga? Eintaneti eye teri egekone? Ase okona komongera goeta goeta, nanyorire inga eintaneti nero nigo ebwate amachiko aye. Nabo erabe omosani oo. Ase boigo, Eintaneti nabo ekoba omobisa. Nigo nanyorete inga amachiko ye eintaneti nigo are iga:
1. Obongainereri. Onye aye nigo bwanchete kongaina abande, eintaneti nigo ekoba omobisa oo. Kende gionsi okorika ase eintaneti goika gechekigwe. Naende nigo nanyora inga nigo ere raisi konyora obomaene ase eintaneti. Ebinto ne ebike sana bitari ase Google.
2.Obobisi. Eintaneti nigo enga ebirika ebwate emenwa ebere. Tetageti obeke echae ime, omente chinko halafu omanye koyekuneka. Nigo ekoribuka esambe ejamaa. Kobeka ebiburi. Eintaneti tetageti amangana aria aganetie ebibunguo koyaikera. Kera egento isiko.
3.Kobea bwango. Nigo obwate omoyo omoke? Aye bono tonya gwechanda korika kende ase eintaneti. Nigo ogotebigwa aya agocha na aya kogenda. Koramwa. Gotogigwa. Onye tomanyeti gwesekerera. Gokora echeche. Koba omwana. Aye rirorio torika kende. Imbuya bwebise kobwa kona gwechanda omoyo.
4. Mama omino nabo ararore eki kwarika. Tokomanya inga ningo origereretie amangana ao. Ase ogokora egasi. Iso. Mama omino. Onye togotebia mama omino amangana okorika ase eintaneti, rirorio yakirerie enkoro yao. Nabo okobutwa egasi ase obosaidi bwe eintaneti.
Omonanda. Tiga chiombe chitare kera ase. Ase bono iga, akongu sana koroisia omonanda korenda amangana ao okorika ase eintaneti. Onde bwensi nabo agokopia kende gionsi okorika ase ewebusaiti yao. Kwabekire evidio ase Youtube? Nabo okoyenyora yatarigwe ase chipeji 50 millioni chia Facebook. Bono okore ki? Karibu ase ense ye eintaneti.
Priscilla Nyanduko Gekonge nigo are Omoriki Omokonyi ase Gusii.com
Recent Comments