Omojumbe omokoro o South Mugirango, Omosike Omingo Magara
Chikura chiatenenigwe Kenya as bono. Omoteneneri o IIEC, omosike Isaack Hassan otebire inga kura tegoakwa ande impaka Abakenya bonsi barikirwe ase erejesta ye chikura.
Igo bono nigo emineti inga Abagirango Irianyi goika baganye impaka emeroberio eyio yo okorika abaaki chikura yaerire bamanye goaka chikura.
Ekerogo kia Bogirango Irianyi nigo giatogete ekero Omojaji bwe Ekoti Enene ya Kenya atebete inga amagoso narenge ase chikura chia 2007 akogera omosike Omingo Magara arusigwe obojumbe. Omojaji, Daniel Musinga nigo atebete inga amagoso amanene nigo arenge ase abairaneria chikura gotabeka esei ase chifomu 16A ase ebituo ebinge aaria Bogirango Irianyi. Nigo omojaji atebete inga amagoso ayio na amanene mono agerete omosike Magara akarusigwa obojumbe.
Ase okoinyora, Omosike Manson Oyongo Nyamweya nigo atebete inga amagoso narenge ase chikura chia 2007 echio chiagerete Mhe. Magara akaba omojumbe. Ase chikura echio chia 2007, Mhe.James Omingo Magara nigo abwete ne chikura 10,204. Omosike Ibrahim Ayiema Ochoi akaba oyo okabere ne chikura 5,848.
Priscilla Nyanduko Gekonge nigo are Omoriki Omokonyi ase Gusii.com
Recent Comments