Gusii

Umoja SDA

Okobwa Kwa Nyasae: Umoja SDA

Nigo baansete koumerana chitariki 4 Monugumo o Barema (February), 2005. Basabire na koboria oborai bwo Omonene. Gosaba amo. Gokora egasi amo. Nyasae oigure amasabo abo. Umoja SDA Church aaria Raleigh, NC.

Omonene narwete okobwa. Umoja SDA iyatwarete enyomba yo Omonene yabo. Omorisia nere Pr. Enock Omosa. Pr. Omosa nigo akamenyire aaria Burnsville, MN. Amasabo nigo agocha koba ase omonwa bwe Egeswaeli. Yaani buya sana. Tiga ekanisa yo Omonguru egenderere. Umoja SDA Church nigo ere aaria: 

314 Bashford Road
Raleigh, NC 27606-1751

Amauko:
P.O. Box 33197
Raleigh, NC 27636-3197

Pasta: Enock Omosa
Esimi: 919-931-7877
Eimeili: prumoja@yahoo.com

Amang'ana ya AbaKenya korwa ase Jack Moses, Mwanyangetinge@Groups.Yahoo.com

Eintaneti Inka

Ingocha ere. Eintaneti. Kiabeire inga kera ekonstituensi etware ase Abananchi bakogenda goikera eintaneti. Ase bono iga, chisimi chinyinge Kenya nabo chigosoa eintaneti. Onye gekoba buna Dr. Bitange Ndemo atebire, ebituo bie eintaneti imbigere Abananchi bamanye amange ayio batari goikera ase bono. Intwe nigo togosaba ebe bo. Kenya egenderere.

Tangori Ominto Ngotiga Geikaro....

 Omogusii natebete iga, "Tangori ominto ngotiga geikaro, ntiga oreo ogotebwa gokwaimoka." Bono ekio ninki bamineti? Imbuya koba na abasani. Omosani omuya nigo agokorwanerera.

Oise koimoka korwa ase egeikaro (ase kwabutete na abande), omosani oo omuya nabo akogotebia onye kwagambirwe bobe. Tari igo rioka. Omosani omuya nigo agokoa obosemi obuya obwo boragokinie.

Omosani omuya tari gokoira gochia ase engoro na kogosuguma gochia ime. Erinde otonye ime. Eyio ne egasi yo omobisa. Tari omosani.

Gusii.com nigo yaansete chitariki 22 chio Omotienyi o Kabere (Monuguno O'Barema),omwaka o 2009. Konyora Mhe. Obama obeire EPresidenti ase amatuko abere oka. Goetera ase obwanchani bwa Nyasae, ewebusaiti eye nigo ere ekengwerere kere omwaka oyomo bwoka. Ekengwerere kebwate abasani.

Buna obwanchani na amabera a Nyasae are, ogosesenigwa kwabeire. Titwamanyete inga onde nare oratake gosoma amariko ye Ekegusii. Intwaroche kende.  Abasani be  Ekegusii bakinirie ewebusaiti eye. Inwe. Mwanchete gosoma Ekegusii.

Ekero okorigia "Gusii" ase Bing na Yahoo, ewebusaiti eye nero entangani. Ase Google rende?  nigo ere namba isato. Imbuya mono abaminto ase ogotokinia. Onye tari inwe, nanga nigo tore egesunte ime.

Abasani ba Gusii nigo bare impaka ase Facebook. Ase chitariki 21 chie Egesunte (November), 2009, ewebusaiti eye nigo yabwate abasani 12 boka ase Facebook. Ase chitariki 16 chie Egesunte Kende (December), abasani nigo barenge 106. Ase rituko ria rero, abasani baikire 300.

Yaani buya sana. Imbuya mono ase kera egento. Gotobeka omokia. Korwa amaoni ase "comments". Korika chiimeili. Gosoma. Korwanerera ewebusaiti eye ase mwabeta. Maiso marore na ase obobisi. Abaminto imbuya mono.

Titomanyeti emepango ya Nyasae gochia motwe. Nanga nabo twabatebia. Intwe nigo togosaba tobe nainwe ase amatuko amange. Ka moranche ancherana asante yaito. Tiga Kenya egenderere. Yeso ne chisokoro abwo.

Jared Nyaberi, Omosomba bwe Ekegusii nao agotoka ase Abagusii AT Gmail.com na Facebook.com/abagusii

Omonguru Oyio

Amabera no omorembe o Nyasae oyio. Tata oito ore Igoro no oyo Okare na Kare. Onde taiyo obwate Amabera buna Nyasae. Ewikendi engiya.

Obokongu Aaria Nakuru

Koinyora omongina Tabitha Nyambati

Omogombo omonene ase ogotangasa ogosira kwo omongina Tabitha Nyambati. Omongina Tabitha nigo asira chitariki 23 chio omotienyi oyo kobwatekana no oborwaire bwa kansa.

Omongina Tabitha nigo are omorugi bwo omogaka Daniel Nyabuto Nyambati o Nakuru (Enka enkoro nigo ere Getare aaria Bogetutu Chache). Omochie o Tabitha nigo omanyire inga ROHO SAFI (Erieta rie etuka yabo aaria Nakuru).

Omongina Tabitha Nyambati nigo arenge mama omwabo Kevin Nyamabati o Minnetonka, MN. Kevin nigo agosoma aaria Wichita State University, Kansas. Nache agende inka erinde achie koa mama omwabo okwaheri.

Ase boigo, omongina Tabitha nigo arenge omoko gochia ase Tom Nyangoto o Eden Prairie, MN amo na Grace Ongeri o Minnetonka, MN.

Ka moranche aakera Kevin esimi ase okomoa oboremu buna ekobwatia:

Kevin Nyambati (316)804-0450
Grace Ongeri (952)457-0476

Amasabo amo no omochango noche obe ankio chitariki 2/27/10 aaria 10255 Greenbrier Road # 210, Minnetonka   MN 55305. Abaminto mwensi mwaborigwe korwa ogokonya.
Chinsa: Chinsa kianda chia morogoba impaka....

Ase omochie o Nyambati, pole sana. Oboremu bwa Nyasae.

Amangana ya Abagusii korwa ase Mwanyagetinge@Groups.Yahoo.com