Emechogoro Ebara Igoro
Omosubati Joyce Nyansarora Ombogo

Ekegusii Months Of The Year

 

 

 


Nabo togokaga buna ntomanyete korende titomanyeti. Onye tomanyeti, aye boria abamino. Nabo bakogokonya. Konyora nigo tokagete buna ntomanyete emetienyi yo omwaka yonsi ase Ekegusii ekero tokorika ase ewebusaiti eye.

Yaya.

Konyora emetienyi ya October, November, na December nigo ebwate amagoso. Konyora nigo tokorika iga:

October..... .Esagati

November.... ..Egesunte

December.... ..Egesunte kende

Bono naintwe ntwachiete, togatunya na na koboria Abagusii baminto. Mbuya mono ase omogaka Julius Orayo, Samwel Okwoyo, na Shem Nyangito korwa ase ekebute kia Mwanyagetinge@Groups.Yahoo.com amo no omogaka Nahashon Akungah Nyangeri korwa Facebook. Bono nabo toroche buna twanyorire ekeene. Emetienyi eyio ya October, November na December nigo yatakeire korikwa iga:

October..... .... Esagati (Sagati Ya Magonga)

November.... ..Egesunte Gia Chache (Egesunte)

December.... Egesunte Kia Masaba (Egesunte Kende)

Omogaka Samwel Okwoyo nigo aeresete buna November nigo ebwenerete koba Egesunte Gia Chache na December ebe Egesunte Kia Masaba. Omogaka Shem Nyangito nigo atebete inga amarieta ayio ye Egesunte Gia Chache amo ne Egesunte Kia Masaba nigo aansete gotumeka ekero chisokoro chiato chiaigete Gusii korwa Kabianga, ase okonganya gwaito ntwe Mwanyagetinge.

Amarieta ayio tarenge gotumeka ekero twarenge aaria Congo Forest. Amarieta agatumiirwe konyora totaraika Kabianga nigo arenge Egesunte amo ne Egesunte Kende. Bono igo nigo emineti inga nabo toratumie amarieta ayio ase oboamo: Egesunte (Egesunte Gia Chache), Egesunte Kende (Egesunte Kia Masaba). Ase igo, nigo tweegenete inga emetienyi eyio ekobwatia nigo ere eye ekeene naende correct. Emetienyi yonsi yo omwaka ase Ekegusii eyio: Enjoy.  

The Ekegusii Months Of The Year. Gusii.com/2010  Ekegusii Months Of The Year

1.January [Engatiato].

2. February [Monuguno O' Barema].

3. March [Egetamo].

4. April [Rigwata].

5. May [Amaumuntia].

6. June [Ebwagi].

7. July [Enkoromoni].

8. August [Riete]

9. September [Tureti Ya Kebaki].

10. October [Esagati, Sagati Ya Magonga].

11. November [Egesunte, Egesunte Gia Chache].

12. December [Egesunte kende, Egesunte Kia Masaba].

comments powered by Disqus