Abakurumi Tibari Gochari
Ekeumbu Kia Aare Inkegundi Boba

Ritongo Ria Manga Escarpment

 

 

Aya amwabo aya:

Rigwencha

Months Of The Year In Ekegusii

Notagete Komanya Igoro Yo Obokano? Boria Grandmaster Masese

 

 

 

Amo na Joshua Araka: Gusii.com/2010, Manga Escarpment.

 

Embeo nigo ekogusa korwa Enyancha ya Victoria yaaka Emanga. Nigo embeo egotengia emete ye emanga. Eye nero e Manga gose Manga Escarpment buna abande bakoyeroka. Emanga nigo ere ange chieka 100. Nigo ere ime ya Manga District ange na Kisii Town. Nigo E Manga ere ase orobebe rwa Kitutu Masaba na Kitutu Chache. Goteneine ase e Manga, nabo okorora  Kisii Town, Bogere,Enyancha ya Victoria amo ne chinsemo chinde chia Nyamira District.

Enyomba yo Omogusii nigo yarenge "round". Omosongo nere orentete chikona. Enyomba yaito Manga yaagachetwe ne Ritongo Cultural Group yagotire. Mwanyagetinge.com/2010

Enyomba

Abangina na abagaka abakoro ba Gusii nigo bagoteba inga E Manga nigo yarenge ase Abagusii barenge koumerana gosaba, gokora ebingwanso ne emeyega yende yonsi emenene. Omogaka Omondi Onkundi, 70, nigo agoteba inga abakoloni nigo baagachete Ekoti (Ritongo) entangani ime ya Gusii aaiga ase E Manga.Omogaka Onkundi nigo agoteba inga ekero omokoloni arwete Gusii, Ritongo rikanganyigwa gochia Nyamira. 

Gopreserve omogaino oito. Gotaka komanya ase twarwete. Ribwago Cultural Group. Mwanyagetinge.com/2010

Ribwago

Engoro No Omosasa O' Kegancha

Nigo omogaka Onkundi agoteba inga, otatiga ogotamanyekana ase chingaki echi chie ekerero, E Manga nigo yasikire sana ase amatuko amakoro. Abagusii nigo beegenete inga chisokoro na Nyasae (Engoro) nao bameneyete igaa. Omogaka Onkundi nigo akomenta inga erieta "Nyasae" nigo twasumete korwa Bogere. Nyasae tiriri rieta rie Ekegusii  asiri. Erieta rironge ase Omogusii  ribaga ria Nyasae nigo rire "Engoro".

Buna ebisaku binde, Abagusii nigo bare gosuma amarieta goeta goeta kobwatekana buna barenge goetanana ase okonganya. Omogaka Onkundi nigo agoteba inga engaki ya botuko, nabo emerero yare kororekana egwoka ase chinsana chie E Manga. Nigo abanto bare kogenda maambia korotota banyora inga kende tikeyieti.

Omogaka Samuel Ongeri nigo agoteba inga ekio ne ekeene rakini nigo akomenta inga omoika bwe Engoro nigo omenyete ase omote okorokwa Omosasa O'Kegancha. Aaiga ase Omosasa O 'Kegancha nao Abagusii barenge gosaba ase Engoro na komoboria aramere ababisa, gosibia emechie na koyesesenia.

"Goikera rero, Omosasa O'Kegancha nao oteneine ase E Manga. Onde takoyobutora gose atumie chinko chiaye. Echio ne chimuma."  Nabo omogaka Ongeri amentete.

Omosasa O' Kegancha. Oteneine korwa kare kare. Mwanyagetinge.com/2010

Omosasa

 

    Ngoro Mwaga

Tari igo rioka. Egento kende kere ase E Manga ne engoro ekorokwa "Ngoro Mwaga". Nigo engoro eye echakerete egetare igoro, egaeta gati na goika inse. Nigo gekoba inga engoro eye nigo ere eya amasikani ase Engoro. Onye gotagete goika ange, goika okore emeroberio gete erinde omanye koyerora.

Engoro Ya Mwaga tegoichora. Mwanyagetinge.com/2010

Engoro


"Goika osibe obonyansi bore machani kabichi amo ne chinko. Basi omanye koruta obonyansi obwo amo ne chinko echio ase engoro eyio ime. Korwa abwo chisokoro nabo chikogwanchera origererie engoro eyio". Nabo omogaka Onkundi akomenta. Nonya nabo igo, engoro eyio tiyana goichora obonyansi ne chinko gesa na gesa. Abagusii nigo beegenete inga emioyo ye chisokoro nao yamenyete aaiga ase E Manga. Nigo bare gocha igaa korwa ebingwanso, gosaba na gokora emeyega ende yonsi emenene.

Renta obonyansi ne chinko momanye korigereria Engoro Ya Mwaga. Mwanyagetinge.com/2010

Obonyansi

Enyancha Yo Okari

Ange na Ngoro Mwaga, enyancha neroo etari kororekana ekorokwa Enyancha Yo Okari. Nigo Omogano Bwa Abagusii ogoteba inga omochie oyomo nomenyete igaa rakini enyomba yabo ekarimera gochia inse ne echancha ekamanya gotoka. Yaani enyomba eyio nigo yanywetwe ne enyancha. Enyancha eyio nigo erokire erieta rio omogaka bwe enka eyio yanywetwe, omogaka Okari.

Igena Monto

Ebinto bie E Manga ne ebinge. Eariganie koumera Igena Monto. Gati ye ebinto ebinge bie E Manga bire ne maana ase Omogusii ne rigena rikorokwa Igena Monto. Rigena eri nigo rikororekana buna omonto. Korwa aare, nigo rikororekana buna omonto oikaransete rakini ekero gwaikire ange, kwanyora inga ne rigena.

Igena Monto aaria E Manga. Mwanyagetinge.com/2010

Igena monto

Omogusii nigo anchete goaka oboche. Nigo togoteba igo ekiagera chingoro chio ogoakera oboche bwa Ajua nao chichongire ase egetare igoro ase E Manga. Nigo William Marianga and Andrew Okera bagoaka oboche rakini nigo batebete inga oboche obo nigo bwarosetigwe ne Engoro. Tari monto oboroisetie.

Goaka oboche E Manga igoro. Aba imbamanyete go kill time! Mwanyagetinge.com/2010

Kill time

Abamenyi be E Manga nigo batagete ogobago robekwe, chioteli chibekwe amo ne Museum ebwate Omogano o Gusii ne ebinto Abagusii bagatwarire. Ase amatuko aetire, ekeombe kia NGO kie Ritongo Cultural Group ingiatagete koagacha enyomba ye egetamaduni, babeke abateri bo obokano na abangina na abagaka bagototebia omogano bwo Omogusii. Kende tikeraba goikera bono ase engencho yo oboremerwa bwe chibesa.

Togende gotara E Manga. Mwanyagetinge.com/2010

Gotarera e manga


Abanene be Ritongo Cultural Group, Ezra Abuga Na George Morara nigo bagoteba inga enyomba yaagachetwe bono yagotire. Nigo enyomba eye yaagachire ase ekegambero kio omochifu omokoro, Zachary Angwenyi. Aaiga nao gekoba inga Omochifu Angwenyi nigo agambete na korwa ogochika
kwo ogokeia enamba ye chiombe chie enyangi korwa 20 impaka 6!

"Eke nakio kiagerete Abasacha abange ba Gusii bagaansa konywoma naende". Nabo Ezra abuga akomenta naende. Konyora abasacha abange batigire konywoma ase engencho yo ogotatwara chiombe 20 na gochia igoro.   

Gusii.com iyakorete obotuki na konyora inga eserikali iyatagete kobeka Manga Escarpment ebe e National Monument. Emepango eyio teraba. Nigo ensemo eye ere engiya ase obotari rakini tebwati batari bange.

Ase okogamba no omowaziri bwe Egetamaduni naende omobunge o North Mugirango, Mhe. Wilfred Ombui, nigo egotebekana inga emeroberio neroo yo okorenda na koroisia  E Manga. "Nigo E Manga ebwate ekieni sana naende nabo erarente amagenderero sana toise koyerenda". Nabo Mhe. Ombui amentete.  

Assistant Minister For National Heritage and MP, North Mugirango Borabu, Mhe. Wilfred Ombui. Mwanyagetinge.com/2010

Ombui

 

Nigo Mhe. Ombui atebete inga naborie eserikali erwe ogokonya erinde Manga Cultura Center eagachwe. Ase boigo, nigo atebete inga netakeire orobago robekwe erinde emepaka yaye emanyekane.

 

comments powered by Disqus