Aya amwabo aya:
Engana ekobwatia ne eyo obosemia. Gusii.com intori komenta monyo onde bwensi ase engana engiya buna eye. Ogotebererani korwa ase omogaka Keen Nyamwange: Mwanyagetinge@Groups.Yahoo.com.
Tochaya oyomino. Ogochaya no okobe. Ekero ogochaya ekerema igo aye nigo ogoteba buna tokoremara. Nigo okweng’aina aye omonyene ekiagera oborema igoro bore. Tosekera kerema kende. Tochaya oyomino.
Tochaya mwana omonto ekiagera aye tomanyeti ekio omwana oyio arache koba ekero abeire omonene. Nyasae bweka nere omanyete naende nere omotongete.
Tochaya mogaka onde gose mongina onde na komotinyeria inse na komoroka akagaka gose akangina akariri. Inyora iga: Bogotu ingesango no ogokina kore okuya. Eki ogosimeka nakio okogesa. Tochaya oyomino.
Tochaya binto bionde na kobitinyeria inse tokomanya ekero ebinto ebio ebio birakoiyore aye omonyene korwa ase obokong’u. Koranche tochaya binto bionde bwensi.
Tochaya morugi gose mosacha bw’ onde. Aye tokaga buna oyo obwate ne riraika. Nyasae agatonga Adamu na Awa bare abanuke kegima nomanyete ekio bakorete aaria Edeni. Nyasae nere bweka omanyete chinkoro chiaito. Tochaya monto o’monto.
Tochaya semi chionde. Nyasae nere okorwa chisemi. Tokaga buna aye naye kemanyi. Ogochaya no okobe. Semi tiching’ana nguru.
Tochaya obomenyo bw’ omonto onde. Tokaga buna aye ase omenyete aye ne baresi enene gose ekalu. Nonya mbwoo ebinyinyi imbire aroro Ogochaya nokobe.
Tochaya dini yonde. Tokaga buna aye naye okeroche. Nyasae nere bweka omanyete emioyo yaito.
Tochaya emeremo oyomino agokora. Aye oyorengereretie buna emeromo yao nero namba-wani nabande namanamba nigo okweng’aina. Ogochaya nokobe.
Yeso agateba iga: “Ere oyo okoigwa aria mogoteba onyigure nainche; nere oria okobachaya inwe igo ninche aeire ogochaya; noria ogochaya igo nigo agochaya oria ontomete.” (Luka 10:16)
Ogochaya nokobe. Tochaya onde.
Keen Nyamwange.
Comments