Na Petronillah Ogoti. Gusii.com Proverbs, Culture And Customs Editor. Monunguno O Barema (February) 13, 2011.
Intwe nigo togwesigori ebara igoro buna abarwoti. Chingondi chitabwati edeni yonde echio ebara igoro.
Mogano ngochande? Abwo kare kare, abasani mbarenge aroro batato. Nigo banchaine ekianda gia ikomi. Eee esese, eng'ondi ne embori nigo batagete gotwara obonda bwa bwango batari korigamora. Bakanyagotebania buna barabonyore.
Esese ne embori bagateba bagende koiba ne engondi egateba batarere omonyamosira abae egete kio obonda.Korende batato aba mbabwate besa bare korinera omotoka kibakogenda esabari yo obotenenku. Bakaigwana bakore oboonchoreria bwe emesi.
Embori ero egateba nebwate chibesa are gocha gotumia korende aba bande babere bagachaka koonia emesi. Keri keri, chibesa chigaisana na komanora emambia eyemo gochia egetaseni kie emetoka na korina omotoka gochia bwo omonyamosira.
Aiga omotoka ime embori ekagenda egaikaransa nyuma pi mbarabare ne etirisa na aba bande bakabera nsemo yo omogendi. Geka getari, enibo ye egari ekaba yachakire korwegwa, Engondi ekarwa chibesa chisaine igoro korende esese ekarwa chietaneti na koganya airanerigwe chintigari.
Ekero eke omotoka nogendererete korunda chimbero. Embori kiyachia goikerwa goakana enibo yaye egasokera etirisa na kominchoka gochia isiko. Korende esabari ekagenderera.Esese ne engondi egaika omoerio obo na goika korwa ase egari.
Nyuma baikire esese ekainyora chibesa chintigari na gochaka kominyokia egari korende sese techietie goikera egari eye. Korwerio esese nigo ekominyokia egari korwa magega egere eegwe chibesa chiaye chintigari ne embori kiyarorire egari nigo egotama tesabwa chibesa etarwete egari ime.
Naboigo naki gekogera engondi ekero egotamboka epara nigo egwosigori ekiagera tebwati edeni ye egari.
Recent Comments