Omosike Joel Ogutu Nyakwama
Karibuni: Nyamira University

Kabianga Amo Ne Esegi Yo Osao Sao

 
 

Na Petronillah Ogoti. Gusii.com Proverbs, Culture And Customs Editor. Egetamo (March) 5, 2011.

Kericho

Konyora Omosongo atarareta echae Kericho, intwe Abagusii konyora twaikire aroro.

Imomanyete inga Abasigisi na abaminto? Ingai erieta ria Kabianga riarwete?  Esegi yo Osao Sao (diarrhea) rende?  Ase e semesta ya rero, ingoitona tore omochakano bwe erieta Kabianga, Gamama amo ne Esegi yo Osao Sao buna yare.

Buna ebisaku binde ebinge, Abagusii nigo twarenge konganya na korigia ase agiya ase obomenyo.

Kabianga

 

Ase okona konganya, Omogusii nigo aigete na komenya aaria an'ge na Kericho. Nigo twabebekaine na Abanyamato gose Abasigisi.  Korende ebisaku ebi bibere mbiamenyete na morembe nonya ne entune eyemo.

Nigo bare koiberana etugo, barwara botambe ne chingaki chie ebiro chikaba chimbe. Tari igo rioka. Ndagera ekaba terikwama. Ebinto bikaba biangire aiga ase bamenyete. Nario erio Omogusii atebete inga Kabianga rende, titokorwa aaiga.........

Bakarwa abwo ase ensemo eyio Kabianga aiga na koyaroka erieta erio (Kabianga) na kogenda gochia Ikonge, Metamaywa na Keroka gochaka komenya korende. Ase okonganya korwa Kabianga, Omogusii agatamboka oroche rware korokwa Emogori rakini ase rero rero rokorokwa Isonto. Morembe tochia koba aiga.

Abasigisi bakaba bagooncherera Omogusii. Aiga nao ebiranya bia abakoro biarigetigwe egere gokonya Omogusii korwa ase omobisa. Abagaka abakoro bagatebigwa inga goika babeke ebiranya ebi na koganya ababisa bache.

Abasigisi  bagachaka esegi korende Abagusii bakaemotia. Abasigisi bagatirimboka inse batagete goita Abagusii.  Abagusii bakaeboia buna abanyamato. Bakamanya kobarongera chinsinyo chiosi na kobabeka gati.

Osao Sao

 

Gaki bagaita emeganda ya Abasigisi enamba etare kobareka abwo ase oroche rwe Emogori impaka rokaba amanyinga oka. Abagere baria bamenyete ase ensemo ya Sondu bagakumia na goteba buna esegi yasairi Abasigisi.

Ekio nakio kiagerete esegi eye ekarokwa esegi yo Osao Sao.  Tari igo rioka. Abasacha abange ba Bosigisi nigo baitetwe. Sigisi ekaba etabwati abasacha gekogera nigo baitetwe ekero gie esegi eyio yo  Osao Sao na Abagusii.

 

Renta Abamura Ebisore Korwa Gusii Na Gamama

Abamura ebisora korwa Gusii bagachi Sigisi na kobiaria abakungu ba Bosigisi. Korwa ase engaki eye, nario bono Omosigisi achagete korangeria Omogusii okomoroka Gamama engencho yaye oyo obiareti mama. Impaka rero nabo Omosigisi akorangeria Omogusii inga Gamama. Ase boigo intobwate a town ekorokwa Kabianga. Nabo magokoro atebete igo impaka naende ase esemesta yende.

Next In This Series: Abagusii Customs VII: Abageka (Enyomba Ya Ababani Ase Abagusii).

Welcome to Gusii.com @ Facebook Group

Secure your domain name now!

comments powered by Disqus