"Nigo Nenyorete Ng'a Timbwati Abaibori, Enka, Gose Kende Gionsi" Omosike David Ogega Ntabo Korwa Aaria Suneka Town.
Kenyan MP's Might Give Themselves A Raise: Is It 2012 Yet?

Emegano Ya Abagusii XV: "Nigo Iso Ateba, Oire Omogeni Nka, Nyoko Amonyenyere Etwani Eria Enene" Ogasusu

 

Na Petronillah Ogoti. Gusii.com Proverbs, Culture And Customs Editor. Ebwagi (June) 22, 2011.

 

Aya amwabo aya:

Emegano Ya Abagusii XII: "Tanga Ninche Mbwate Etugo Engana Swanya Iga...." Omansamu

Emegano Ya Abagusii XIV: "Nabo Ndoche Nga Nabo Obwate Eriogi Rigiya" Ogasese

Emegano Ya Abagusii VIII: Ogasusu Amo No Omongina

Kabekire endagera emesa

Gosenyenta ebitoche. Ogasusu obekire endagera emesa.

Abwo kare kare, emiaka ne emiaka, omogaka oyomo narengeo aroro ore korokwa Ratemo. Bono Ratemo nabwate endemero enene mono. Abwo ase endemero eyio, omogaka oyo nigo asimegete emesi emenge kegima.

Simbiri nyamoibi oyio!

Bono Ogasusu nigo arenge gokemba ekero Ratemo atari aange na kwaye, omanya koba emesi ime na koyeria abwo mogondo ime. Ratemo akagechigwa n' Ogasusu oyo, simbiri nyamoibi. Omogaka oyo akaroisia omogwekano o mwanyabanto na koyoaka egamu na koyobeka mogondo gatigati.

Korwa abwo akaganya.

Aye Ogasusu, amamocho mono kegima koruta chitege

Ogasusu agacha buna botambe na goansa gosenyenta emesie. Korende kagendererete koria emesie eye, akarora omonto oteneine omosonchete. Obe! obe! Agakumia kegima korende tamanya buna oyo no omobwekano. Ogasusu agasuka ange na goansa goita omobwekano oyo chitege.

Amamocho amanene.

Buna aansa koyoaka chitege iga, Ogasusu akananterera ase omobwekano oyo. Bono tiga achake goaka ekurate. Ogasusu agakuura na goichana mono na gwekora buna nigo akwete. Omogaka Ratemo kagocha kwaye, akanyora Ogasusu onantererete ase omobwekano oyo !!

Bono Ratemo mbarenge no omwana oye. Omogaka oyo agachwata Ogasusu ne enyimbo na komorusia  ase omobwekano oyo. Gakora komochwata, akabeka Ogasusu oyo egekabu ime. Ka amobeka egekabu ime, akaereria omwana oye airere ng'ina achi aiyeke, nario gakogenda nyomba, anyore endagera kere tayare.

Omwana akaimokia egekabu kogenda kwagachia.

Kibare ange na mwabo, Ogasusu akabugia korwa egekabu ime na koboria omwana oyo, "Inee mwana, nkwaigwa buna iso ateba?" Omwana agaitaberi ng'a ee naigwa. "Ntebie buna iso atebango naende?" Ogasusu akaboria omwana oyo naende.

Nyoko amonyenyere etwani eria enene!

Omwana agasinyu goteba.

Ogasusu akairaneria bwango ogoteba ng'a "Nigo iso ateba, oire omogeni inka, nyoko amonyenyere etwani eria enene, oe omogeni arie amanye koegwa egetanda arare atimoke na iso gakoirana aegwe endagera entigare bamanye kogosoria no omogeni".

Omwana akagoka na gotebia Ogasusu ng'a mbuya mono ase okomoinyoria aya ise amotebetie ekiagera konye bwebire !! Kibaika sobo, omwana oyo agatebia ng'ina aya Ogasusu amotebeti. Ngina agakora bo. Ogasusu akagoka, akaragera akaigota na kobutiara.

Korwa abwo, Ogasusu akairwa borere gotimoka na magega yaye, agaaka embuna!

comments powered by Disqus