Aya amwabo aya:
Abagusii Customs XIII: Enyangi Ye Ebitinge (Abagusii Customary Marriage)
Onde taiyo orenge kobibeka ase ense engima
Omongina baba magokoro ominto nabwate eng'ana. Nigo ere eng'ana enke, ko n' endito. Nigo omongina baba agoteba buna gesaku kende nkeiyo ase ense eng'ima kiare kobibeka. Eee bono. Ebitinge. Ogotimigwa (okobekerwa) ebitinge nigo kiarenge egento gesaku kende gionsi ase ense engima getare gokora, otatiga Abagusii.
Mwamogusii bweka, naende bene, nere okabekire gose gotimigwa ebitinge. Omosubati Omogusii nigo arenge gotimigwa egetinge ekero are gosoka gochia bwoye, na gokorerwa enyangi y' bitinge.
Abana ba Mwanyagetinge babekire emeyabo. Kemunto, Kerubo, Moraa amo na Kwamboka nao bare ase omoyega bwe enyangi. On the far right, omongina bwe esiko ase ekenyoro, omosubati kwamboka otimigwe ebitinge. Picture na Petronillah Ogoti. Gusii.com files.
Ase boigo, nigo baba agoteba buna omoiseke orenge kobibekerwa nigo arenge omosubati bw'e esiko ase ekenyoro. Esiko eng'ana buna ki? Nigo yarenge esiko enene, mbaka omoiseke obibekeirwe nigo arenge gochora erieta ri' okwebaka!
Amarieta y' ebitinge nigo are ane oka!
Komenta nayio, nigo omongina baba agoteba buna abasubati ba Gusii nigo barenge kwebaka amarieta ane oka, ko batimigwe ebitinge. Kobwatekana na magokoro, amarieta ayio ane omoriakari o Gusii arenge kwebaka nigo are: Kemunto, Kerubo, Moraa amo na Kwamboka.
Egetinge nigo kiare kobekwa magoro, ase egeting'iro korwa igoro, asiniiini. Erieta Egetinge ndibwate omoreng'anio, "Tinga". Eng'encho ende, omosubati nigo areng'e goting'wa kogoro (obwatanigwa). Bono oyo okobekerwa (ogotimigwa) egetinge orokwa Nyagetinge, erinde egesaku eke nakio Mwanyagetinge.
Omongina baba nabo ateba buna bwatera abwo bono, ase okwegera ase twarwete. Mbuya mono and thank you for listening.
Embarambamba iko juu sana. Mwanyagetinge amo n' omwana omino, Nyang'wara Mosioma eyio.
Naki mbuya more igaa Mwanyagetinge? Nagokire gosoma Ekegusii ekenuke as internet. korwa bono nimbe ngosoma amang'ana amaya ase e page eye. Nyasae abasesesenie.
Posted by: J Morara | 05/11/2012 at 02:01 AM
Mbuya mono omosike Morara ase ogotosegeta. Naintwe twagokigwe ase ogototarera. Egasi engiya korwa ase omoriki Petronillah Ogoti, ase ogotoinyoria omonwa oito bw' Ekegusii.
Posted by: Jared Nyaberi | 05/12/2012 at 02:33 PM
J Morara, aiga nao togosemani omonwa oito. Mbuya mono ase ogototarera. Tiga tobwaterane, tosemani omonwa oito o Mwanyagetinge.
Posted by: Petronillah Ogoti` | 05/14/2012 at 12:13 AM