Gusii

Ebitandawili XLIII: Abagaka Nyamagoro Matambe.........

  

Buna twakabeire: Na Petronillah Ogoti. Gusii.com Proverbs, Culture And Customs Editor. Esagati- Sagati Y' Magonga (October) 30, 2011

 

Abagusii Wisdom Revisited

Aya amwabo aya:

Ebitandawili V: Kaa Gento Ki Kegochiera.............

Ebitandawili XLII: Nariika, Tokorora.......

Ebitendawili IV: Kaa Ingento Ki........

Egetandagwiri minto Mwanyagetinge? Tega: Abagaka nyamagoro matambe babegete chikobi chibwekaine?

Nyamagoro matambe. Naende abwo babekire chikobi chibwekaine. Abagaka abwo aaria Sameta, Bobasi,  Kisii County. Picture na Petronillah Ogoti. Gusii.com files.

Richibu: Chibando.  Ekero chibando chire mogondo chiasomoiri nigo chikoreng'anigwa na abagaka nyamagoro matambe babegete chikobi chibwekaine.

Welcome to Gusii.com @ Facebook Group

Secure your domain name now!

Emebayeno Y' Abagusii: Obuya Mbore Seito, Ochiche N' Chiombe Norore.

 

  

Buna twakabeire: Na Petronillah Ogoti. Gusii.com Proverbs, Culture And Customs Editor. Esagati- Sagati Y' Magonga (October) 30, 2011

 

Abagusii Wisdom Revisited

Aya amwabo aya:

Emebayeno Y' Abagusii: Seito Nkauka Mote Mwomo Isabo Ria Mote Onde Otasang'ani Mote Onde, Mori Yaito Nkerobu Mbweri Gati Eteneine.

Emebayeno Ya Abagusii: Man'gana Mabe Nkige Igoro Agoeta

Totogia Momura Kieni, Motogie Nkoro

Nigo twakora gokama chiombe chiaito ekero omogaka sokoro ominto ateba buna Obuya mbore seito, ochiche ne chiombe norore. Bono abwo, sokoro ominto nigo ambacha. "Bono igo ekio ninki sokoro?" Nabo namoboria.

Ere nigo achete n' chiombe. Gati y chiombe chiria ikomi Ombati arwerete mokaye, nkorisia chire. Obuya mbore ase oboko bw' Ombati.

Omogaka nigo antebia buna, "ntomanyeti buna ng'aki ki Abagusii baansete ekemira ki' omomura korwa chiombe gochia sobo omoiseke ekero akonywoma". Ase boigo, sokoro nigo antebia buna chiombe nchiakarurwe, naende nkorugwa chire, nonya ndero.

Nigo omogaka sokoro ominto ateba buna ekero omosubati asokire chiombe, nigo omogaka oye agotogigwa korwa sobo omosubati. Komenta nayio, bono omomura oyo ekero akogenda sobo omosubati kobakwani, nigo akorototwa na kogokerwa mono na gotogigwa.

Korende sokoro nigo ateba buna omomura oyo nigo agotogigwa ekero arwete chiombe, gose akanerete mokaye enibo. Ase Abagusii, nigo sokoro ateba buna ekero otararwera mokao chiombe, nigo otari kororwa muya.

Igo obuya bwo omomura kororekana buya ase anywomete korwa, nebeterereti obae chiombe. kobwatekana na omogaka sokoro, eke nakio Omogusii omokoro ateberete buna Obuya mbore seito, ochiche ne chiombe norore. Sokoro nigo ateba buna chitoro chiamorire. Until next time, bwatera abwo, and thank you for listening.

Welcome to Gusii.com @ Facebook Group

Secure your domain name now!

Oboibi Bw' Chikahawa: Bono Kiabeire Buna Simbiri Nyamoibi Nigo Asinyetwe Kominchoria Erinde Aniantorie, Agakenyanwa.

 

 

Abagusii Wisdom Revisited

Bono kiabeire buna amatuko y' omoibi nigo aigete. Ase emiaka etato yaerire, abaibi ebiata bachandire abaremi b' chikahawa aaria ime ya Nyamira County n' oboibi. Kobwatekana n' abanyanyimbo, Eli obara, 32, amo n' abasani baye babere nigo bagaterete chikahawa chi' abaremi aaria Nyangena Farmers Cooperative Society, ime y' North Mugirango, Nyamira County.

Buna egotebekana, aba batato tibamanyete buna abarendi batano n' batato mbabaganyete. Eli Obara ere nigo abatwatetwe n' abarendi aba na gokenyanwa. Abasani baye babere rende? Abwo nigo baminchoreti, bakaniantora na goaka embuna. Igwa bono buna yabete korwa NTV, Nyangena, Nyamira County.

 

Welcome to Gusii.com @ Facebook Group

Secure your domain name now!

Abagusii Culture And Customs LXXVII: Bono Emonga Ninki Ase Omogusii?

  

Buna twakabeire: Na Petronillah Ogoti. Gusii.com Proverbs, Culture And Customs Editor. Esagati- Sagati Y' Magonga (October) 21, 2011

 

Abagusii Wisdom Revisited

Aya amwabo aya:

Abagusii Culture And Customs LXXI: "Okwo N' Ogoturutumba Ekegusii" Omogaka Sokoro Ominto

Abagusii Culture And Customs XXXIX: Emeyega Ao Ao Y' E Ekegusii

Abagusii Customs XV: Amasabo Ye Ribina

Omogaka sokoro ominto nabwate eng'ana. Nigo tware  kogamba igoro y' ogokea kw' amaremo aaiga nka Gusii ekero sokoro antebia buna abw' kare, binto tibiarenge iga. Sokoro ominto nigo antebia buna Emonga yakabire aroro ase Abagusii. Bono Emonga ninki? Nigo omogaka ateba buna abwo kare kare, konyora maremo atarakea, omogaka nyene omochie nigo are gwatera abakungu baye oboremo.

Emonga nigo yare koba ey' omogaka nyene omochie bweka. Omogaka oyio nyene, nigo arenge "kobariba", abangina baye bonsi. Abachokoro abwo bagosimeka emete ase Emonga y' omogaka Ondabu aaria Nyaturubo, Nyaribari Chache, Kisii County.

"Mochokoro, tiga ngotebie ase omobwekano". Nabo sokoro ateba okomenta buna "Onye omogaka nyene omochie onywomete abakungu bane, nigo omogaka oyo are kobaatera oboremo borengaine ase aba bonsi, omanya kobariba naende bosi pi".

Nche abwo bono sokoro nigo ambacha ekero ateba igoro yo "okobariba". Ekero namoboria, omogaka sokoro nigo antebia buna okobariba nakwo okobanacha oboremo abakungu aba bonsi, naende bwareng'ana. Ko ekero omogaka oyo akure, abakungu aba batabokia oboremo obo gochia kwabo .

Oboremo obo bware kobariba abakungu aba bonsi, nabwo bware korokwa Emonga. Naende Emonga eye nigo yare koba ey' omogaka oyo bweka ase eng'encho arenge na abakungu abange. Nabo omogaka sokoro ominto ateba buna nabo Ekegusii kiarenge igo ase chingaki echio, ekero amaremo arengeo. Mbaka chingaki chinde, mbuya mono and thank you for listening.

Welcome to Gusii.com @ Facebook Group

Secure your domain name now!

Aaria Boroko, Bonchari: Abeengi Echang'aa Mbabwate Obokongu

 

 

Abagusii Wisdom Revisited

Aya amwabo aya:

Aaria Suneka Town: Ng'ai Abagori Enyama Bare?

Aaria Bogiakumu: Oyomo Osambirwe

Aaria Isamwera, Boroko Sub Location, Bomariba Location, Bonchari, Kisii County, abeengi amarwa y' chang'aa mbabwate obokongu. Bono abanyanyimbo mbaigete ase rituko ria igoro na goitera echangaa yonsi. Abanyanyimbo abwo baetire ase emechie 30 n' gochia motwe korigia echangaa eyio. Igwa bono korwa KTN Leo, Kisii County.

Welcome to Gusii.com @ Facebook Group

Secure your domain name now!