Obe! Omwaka O 2011 Oengekanire
Ebitandawili LVII: Sokoro N' Amangana.......

Ase Abana Ba Mwanyagetinge: Happy New Year 2012

 Na Petronillah Ogoti. Gusii.com Proverbs, Culture And Customs Editor. Eng'atiato (January) 1, 2012.

Aya amwabo aya:

Omwaka Omuya 2010

Ekegusii Months Of The Year

Gusii.com Family: Happy New Year 2011

Minto Mwamogusii, mbuya mono ase Omonene Tata Nyasae, ase ogotoikia omwaka o 2012. Nigo nyegenete ng'a nakera oyomo nare n' obote bw' okwarigania omwaka omoyia buna omosubati okoarigania omwana okoiborwa. Naintwe aiga Gusii.com ntori gotigwa magega yaye. Naintwe nkoyochengera tore.

"Ntakana ekebwata bobe egasira, ntakana ekebwata buya ekaba aroro". Tiga ntwe abana ba Mwanyagetinge twebwate buya in 2012, erinde tochabumbe. Happy new year 2012, ase abana baminto mwensi

Happy new year 2012

Bono nigo tokoganeria mwensi amaya na omorembe O' Yeso obe nainwe ne chiamate chiano chionsi, Gusii yaito, n' ense engima. N' omogoko omonene buna twabwaterana  twensi ase okogokera buna egekoro giato kiare ase omwaka oyo oera. naende ntogenderere gosemanian ase omwaka oyo o 2012.

Nigo tokobasaba togenderere kobwaterana  nario omonwa oito oragenderere. Omwana gakonya gokina nigo akonya kong'ainia ake ake. Naintwe nkonya gokina tore. Nigo tososaba buna tiga togenderere gokina aamo.

Abagusii baminto tiga tobwaterane twensi toegokere na koinyorerani buna twakabeire. Teri igo rioka. Tiga Ekegusii giato gechabumbe gaki nonya emenwa ende yachiire nguma. Aya takoba ,otaiyo buna omwana ominto.

2012 n'omwaka bw'obochori seito Kenya. Tiga tosabe omorembe oichore egati yaito twensi  ekiagera abakoro mbatebete buna, "Ntakana ekebwata bobe egasira, ntakana ekebwata buya ekaba aroro".  Tiga toebwate buya, tonya koba ororo. Aya na amaiga y' omwaka omuya 2012. Happy new year abana baminto Mwanyagetinge mwensi. Nyasae abe nainwe.

comments powered by Disqus