Abagusii Culture And Customs LXXXIII: "Bono Amanyinga Y' Oboko Ninki Ase Abagusii?"
Emegano Y' Abagusii XXXIII: Kai !! Omoonchoreri Gochia Korigereria Ime Y' Chigunia Echi, Akanyora Ng'a N' Obomaene Chigunia Nigo Chire Riibu Rioka !!

Emebayeno Y' Abagusii: Mokungu Obande Nyabarati Ere Bweri, Torusia Mokorogoto Oagage Nsoni, Chitamere Magaachi, Otang'ang'e Tureti Binyunso Bire Mioro!

 

 

 

Aya amwabo aya:

"Totogia Momura Kieni, Motogie Nkoro."

"Tibari Na Nsoni", Omogambi Mhe. Mwai Kibaki

Emebayeno Y' Abagusii: Batiga Bareri, Na Nchera Chigoetwa N'Ase Getinge Naarekerwa, Abe Gieseri Mbairania Bogambi.

 

 

Tata rero ayaiga n' amakong'u pa pa pa. Nonya amang'ana aya are amarito bori, omogaka sokoro ominto nigo agoteba ng'a goika ekegori eke giato egeke keyamanye. Bono gaki mang'ana ki aya? Aye nabo oratware riborio.

Sokoro nigo agoteba buna amangana aya na y' chinsoni. Nigo omogaka sokoro agoteba buna Mokungu Obande Nyabarati E' Bweri Torusia Mokorogoto Oagage Nsoni Chitamere Magachi, Otang'ang'e Tureti Binyunsa Bire Mioro.

Ebina bia mpango wa kando mbiakagambirwe aaria ase Etureti. Obosoku mono, naende wachilia mbali. Nigo abagaka barenge kobeka ebinyunso ase chimioro, bamanya kogayana ekina eke ki' omosacha oyo omonyaka. Below: Abakungu ba bande baikire echiro koonia endagera.

Ebinyuso nigo biarenge kobwekwa, omosacha omanya kogambigwa. Abakungu ba bande nkoonias bare ebimeri

Yaani gwaa!

Nonye niche nigo neyagia omotwe ekero omogaka antebia omobayeno oyo. Bono nche nigo naboria sokoro angoorobererie aake, erinde nario ndamanye eng'encho y' omobayeno oyo bwa Abagusii. Bono omogaka nigo ateba buna korwa kare kare, omokungu obande nigo arenge kobwekanigwa  n' eng'ombe nyabarati.

Bono ase ki? Ekiagera omokung'u oyo nigo are oyo bw' omosacha oye oyomo bweka. Bono omosacha aise gokora obonyaka n' omokungu obande ( yaani korusia omokorogoto ), nigo arenge gosiria amasikani  gochia ase enywomo eye. Ekero  akobekwa  ase Etureti y' ekenyoro, nigo arenge gotang'ang'a.

Atari n' kiamboria ( gotang'ang'a magachi ).

 

Kibagendererete kogayana, abagaka nigo barenge kobeka ebinyunso ase chimioro!!

Bono omosacha oyo omonyaka nigo arenge korobekanigwa, na kogambigwa n' abagaka aba  b' Etureti, abwo ase chingaki echio chinkoro. Gaikigwe ase Etureti, nigo abagaka aba barenge kobeka ebinyuso ase chimioro chiabo, erinde bagamba ekina eke ki' obonyaka!

Bono ebinyunso n' ebiaki tata? Ase omorabaro oyo, okobeka ebinyunso chimioro nigo ere omobwekano bw' ogwetanga koru ase obotioku obo bwabeire ase ekenyoro, kobwatekana n' obonyaka bwo omosacha oyo.  Kobwatekana n' omogaka sokoro, eng'encho enene y omobayeno oyo n' ogoteba buna obonyaka nigo bokorenta  obosoku ase omonto amo n' ase ebinyoro.

Bono eke nakio kiagerete Omogusii agateba buna Mokungu Obande Nyabarati E' Bweri Torusia Mokorogoto Oagage Nsoni Chitamere Magachi, Otang'ang'e Tureti Binyunsa Bire Mioro.

Oyo noro omobayeno oito korwa ase sokoro gochia ase abana ba Mwanyagetinge for this week. Mbuya mono and thank you for listening.

comments powered by Disqus