Gusii

Emebayeno Y' Abagusii: Boreba Mobisa Mbokorura Ocharoke Ko Na Igesa Iganya

  Buna Twakabeire na Petronillah Ogoti. Gusii.com Proverbs, Culture And Customs Editor. Rigwata (April)  29, 2012.

Abagusii Wisdom Revisited

Aya amwabo aya: 

Emebayeno Y' Abagusii: Bororo Nkamati Ya Maseko

Emebayeno Y' Abagusii: "Amachore Namariri, Agwetinyeria Obosuguni"

Emebayeno Y' Abagusii: Egetinkinye Ekeng'aini Kerigie Oboundi Keagachere, Embura Kegotwa Gesoe Nyomba

Omogaka sokoro ominto nabwate eng'ana. Nigo sokoro agoteba buna Boreba Mobisa Mbokorura Ocharoke Ko Na Igesa Iganya. "Bono ekio ninki omogaka?" Nche nigo natang'ang'a nkoboria.

Omoremi nkogenda are gosamora chibando aaria Nyanguru Hill, Kisii County. Kang'wanigwa n' rise n' chinyanduri, omoremi oyo agaansa gokura, ogotumatuma na gochachana! Nyanguru Hill eyio. Ng'ai miino ere? : Picture na special correspondent, Gusii.com files.

Nigo sokoro ominto antebia ng'a oyio n' omobayeno oito ntwe Abagusii korwa bokoro. Ase ogotosomia igoro y' omobayeno oyo oito, omogaka sokoro nigo antebia omogano.

Nigo omogaka ateba ng'a abwo kare na kare, omoremi oyomo narengeo. Bono omoremi oyo akamanora gochia kogesa chibando chiaye korwa ase endemero yaye. Keri keri, kare nchera kwagachia, akaumerana n' omobisa oye nchera abwo mbarabare. 

Obe! Omobisa oyio n' rise n' chinyanduri!

Bono ko baumerana n' omoremi oyo gochia korigereria ensemo iga, omobisa oyo akamong'wania ne rise n' chinyanduri!

"Aaachie che che...bono ngaki ngokora?........."

Omoremi oyo agaansa gokura, ogochachana na gotumatuma gaansa korurwa. Korwa abwo, omoyo okaamba gokwa nga tagenda mogondo, airane gochia bwoye. Nonya nabo igo, mbarabare abwo, omogaka oyomo narengeo oyatengerete amakore aya onsi.

Tobwatekania omobisa. Aye manya ekerenga kiao.

Bono omogaka oyo agatebia omoremi oyo takwa omoyo, korende agenderere ne esabari yaye y' okogenda mogondo kogesa chibando. Omogaka oyo akamosegeta buya. Bono omogaka sokoro nigo agoteba buna omobisa nigo agotaka gokobogeria korwa ase emeremo yao eri bwanchente gokora.

Korende nebeterereti ng'a goika omanye ekerenga kio omobisa erinde bweatanane korwa ase are. Eng'ana eye nigo egosegeta omonto otware omokia erinde omobisa tanyora ribaga ri' okomokorekania, egere atige emeremo yaye.

Eke nakio kiagerete Abagusii abakoro bagateba buna Boreba Mobisa Mbokorura Ocharoke Ko Na Igesa Iganya. Korwa ase omogaka sokoro ominto, oyo noro omobayeno oito for this week and thank you for listening.

Welcome to Gusii.com @ Facebook Group

Secure your domain name now!

Ebitandawili LXIV: Karuo Ng'ete.......

 

 Buna Twakabeire  Na Petronillah Ogoti. Gusii.com Proverbs, Culture And Customs Editor. Rigwata (April) 19, 2012.

Abagusii Wisdom Revisited

Aya amwabo aya:

Ebitandawili LXIII: Omogambi Nya'Riso........

Ebitandawili LIX: Engiti Engoro......

Ebitandawili XVII: Sabiri........

Egetandawili minto Mwanyagetinge? Tega: Karuo Ing'ete. 

Nyomba nka. Omorangu bw' enyomba y' Omosomba Bw' Ekegusii, Jared Nyaberi. Noita ki, aye n' chinsa osaretie gotaka koyoigora. GS4 nabwo boka babwate ekebunguo! Picture provided by omosani o Gusii.com korwa ase Facebook, omosike Albert Ombiro.

 

RICHIBU: Omorangu. Omorangu ekero osiekire, goika oyotuome oigoke, egere osoe nyomba.

Welcome to Gusii.com @ Facebook Group

Secure your domain name now!

Emebayeno Y' Abagusii: "Amachore Namariri, Agwetinyeria Obosuguni"

  Buna twakabeire amo na Petronillah Ogoti Gusii.com Proverbs, Culture And Customs Editor. Rigwata (April) 18, 2012.

Abagusii Wisdom Revisited

Aya amwabo aya:

Abagusii Culture And Customs LXV: Chinyoni Ao Ao Chimenyete Nka Gusii I

Abagusii Culture And Customs LXVI: Chinyoni Ao Ao Chimenyete Nka Gusii II

Emebayeno Y' Abagusii: Egetinkinye Ekeng'aini Kerigie Oboundi Keagachere, Embura Kegotwa Gesoe Nyomba 

Ayie, wait a minute! Yaani ng'a aro kaigotire, nao akobeka obochabu aaria ase aragerera. Tari igo rioka. Aro tari korigia nonya n' amato gose egechanchabe erinde yetinyerie ebigeri, gaki rende kaigota. Yaya.

Endagera tekari enyinge? Rero ntori korwa' aaa. Kwagachia, amachore arinire egari kogenda kobweria chibando chiabande.

Gatindire n' endagera, nigo agoansa gwetinyia ebigeri, agotumia obosuguni bwabo! Amamocho amanene. Bono kagendererete gwetinyia abwo ase aragerera, omonyene omogondo oyanyora na koyabwata.

Oboriri.

Omogusii nigo atebete buna "Amachore Namariri, Agwetinyeria  Obosuguni". Bono ninki ekerenga ki' omobayeno oyo oito? Manya buna okong'ainereria nakwo ekerwanero ekenene ki' omobisa. Onye gotagete gotama  korwa ase omobisa oo, nebwenerete otame korwa ase are, ase obwango buna ekonyarekana.

Ntoba buna amachore. Ninki? Ase eng'encho amachore ne chinyoni chiri chianchente koria chibando korwa mogondo. Korwa abwo, chiaansa goseka. Go chire n' omotindo bw' endagera, nigo  chikweba, chiachaka gwetinyeria obosuguni bwabo. Bono chiateberera gwetinyia mogaso bokaira, mbaka chiabwaterwa abwo mogondo  n' omonyene, ribaga nanga chiatamete kare, rende go chiaigotete.

Bure kabisa.

Ogotosegeta ntoba abariri, gose abagosaria chingaki, nakio kiagerete Abagusii abakoro bagatosemia bagoteba ng'a "Amachore Namariri, Agwetinyeria  Obosuguni". Korwa ase magokoro baba ominto, oyo noro omobayeno oito for this week. Mbuya mono and thank you for listening.

Welcome to Gusii.com @ Facebook Group

Secure your domain name now!

"Maguta Motwe Nigo Ere Mamincha Y' Amaganio Y' Chinyaroka". Jolo Agencies

 Na Petronillah Ogoti. Gusii.com Proverbs, Culture And Customs Editor. Rigwata (April) 17, 2012.

Abagusii Wisdom Revisited

Aya amwabo aya:

Aaria Ibencho: The Unity Of Omogusii

Nokabwate Eng'ana N' E Sub Chief? Aye Nchwo

Abagusii Culture And Customs XXXVIII: Konywoma Omoiseke Otaarogeti

Bono ngokanigwa tore. Okogenda iburu gose gochia Maguta Motwe nigo ere okogenda mamincha y' amaganio y' chinyaroka. Ase boigo, okogenda iburu ase abaiseke nigo kore na amang'ana  amange  atari amaya gochia ase emebere yabo.

Jolo agencies: Anunda Charles, Reuben Kibegwa, Anna Caplan amo na Dr Grace Okong'o.

Nabo twatebiigwe amo n' ekeombe ki' Jolo  Agencies ekio giesokiri maiso marore na gokana ng'a abana chinyanyoka mbagenda maguta motwe. Nigo Jolo Agencies bagoteba ng'a abwo kare, abasari nigo bare gosara n' ekioma ekemo ekio ase ensemo y' obochenu, getari buya.

Naboigo, ekero enyaroka  eye yabeire enene na koba morito, nigo akonyora emechando emenge ekero akoibora. Eke nakio kiagerire ekeombe eke giesokirie na goteba buna yaya, abaiseke mbairwa bware. Jolo Agencies nigo bakwanete amangana aya ase rituko ria igoro ekero baumeranete amo n' abamenyi ba Gachuba, ime ya Kitutu Masaba, Nyamira county.

Abageni bande barengeo ase omosangerekano oyo nigo bare Anunda Charles, Reuben Kibegwa, Dr Grace Okong'o, amo na Hellen Njoroge korwa ase ekeombe kia Foundation For African Women Kenya. Ase boigo, omogeni korwa Foundation For African Women korwa New York, omosubati Anna Caplan nere nao arenge.

Abamenyi ba Gachuba amo n' abateneneri ba Jolo Agencies, ase rituko ria igoro.

Welcome to Gusii.com @ Facebook Group

Secure your domain name now!

Ebitandawili LXIII: Omogambi Nya'Riso........

 Buna Twakabeire  Na Petronillah Ogoti. Gusii.com Proverbs, Culture And Customs Editor. Rigwata (April) 16, 2012.

Abagusii Wisdom Revisited

Aya amwabo:

Ebitandawili LIX: Engiti Engoro.....

Ebitandawili XLIV: Metobo Gakoega......

Ebitandawili X: Nyarinda Ara Riiyo............

Minto Mwamogusii, egetandawiri ngocha nde? Tega: Omogambi nyariso ibariri. 

Obe! Naende omogaka nyariso ibariri oyio gocha

RICHIBU: Risase. Bono risase nario rikorenta omogaso. Nigo rikobara rikobarira. Ase boigo, nigo rire buna eriso.

Welcome to Gusii.com @ Facebook Group

Secure your domain name now!