Abagusii Culture And Customs LXXXVII: Chinsemo Ao Ao Chi' Enyomba
Ebitandawili LXVII: Egetunwa....

Emebayeno Y' Abagusii: Mang'ana Ntuboka Mogayani Obora Tureti Yaikaransa Yatebia Keore.........

Petronillah Ogoti Na Petronillah Ogoti: Mwanyagetinge.com Proverbs, Culture and Customs Editor. Amaumuntia [ May ] 5, 2012.

 

 

 

 

 

Aya amwabo aya:

Emebayeno Y' Abagusii: Eyabande, Morogoba Egoosia

Emebayeno Y' Abagusii: Ey' Ekeranya Timoyechongeria, N' Ekeng'wanso Eganyete

Emebayeno Y' Abagusii: Mokungu Obande Nyabarati Ere Bweri, Torusia Mokorogoto Oagage Nsoni, Chitamere Magaachi, Otang'ang'e Tureti Binyunso Bire Mioro!

 

 

Kai! Ekegusii n' egekong'u, naende omobayeno oyo korwa ase omogaka sokoro ominto nigo ore omwomo pa pa pa. Ninki baba nyaituga ominto? Nabo oraborie.

Nigo sokoro antebia buna  Mang'ana Ntuboka, Mogayani Obora. Tureti Yaikaransa Yatebia Keore Na Ombere Omwabo Konya Bwango Gose Masio Are Korigererania. Keore N'  Ombere Omwabo Batebia  Banyene, "Komwangire Bagambi Bw’Abanto Na Gucha Mwayesinya?" Gucha Ngaasama Nkagayana Kina Kia Miaka Amechinini. Mokonywa Oteba Kogwankonyire Bogima Bwa Roche A Gucha Nainche Mboremo Nyakebuna Ndakoe. 

Below: Onde tatigareti. Etureti nigo yaimogetie emekono igoro, egateba ng'a yaaachire. Abagaka abanene b' etureti nigo batebete nga "Aaaa tooooooo!!!!..Aya n' amakong'u!!" na koirana chinsobo. Nigo kiabete buna tiga Keore N' Ombere omwabo, bagayane ekina eke, egekogera aba mbachiete nguma.

Abagaka ko basinywa kogamba ekina eke, bakaimoka bonsi bakagenda

Baminto igwa bono. Nigo omogaka sokoro antebetie buna abwo kare kare, abanto babere mbarengeo. Bono aba babere nigo barenge kobuna oboremo. Bakagambigwa igo, korende mbaigwana. Bono etureti kiyasinywaaa, ekaereri Okeore n' Ombere omwabo bakegambe. Ase ki? Ekiagera aba babere nabwo bachiete nguma kogayana ebina biri biare gosinya etureti.

Korende aye tegerera.

Kogenderera kogayana, aba nabarabwo bagasinywa !! Bono erio nario abagaka abanene amo n' etureti batebete buna onye aba basinyirwe, gokonywa n’ abanto n’ Egucha nero nebasinye?

Amang'ana amakong'u korwa ase abagaka. Tochaya enkwana y' abagaka.

Bono naki omogaka oria aayerera iga?

Obwango obwo obwo, abagaka babere bakarwa ase obosio bwabo. Omogaka omotang’ani akaayerera. Naki aayerera iga? Noria  otigarete, nere akabwatia korwa magega. Omogaka omotang’ani agachia kwamboka oroche  rw’ Egucha, akagwa iime.

Nonya nabo igo, egobia abegete egacheng’enena amache igoro. Omogaka oria otigarete magega nere gachia goika ase oroche oro, akarora egobia y’ omogaka oria otang’aine gecheng’eneine roche igoro! Bono ogakare korengereria buna kero kende, nigo agwa roche iime gakwamboka abwo ase Egucha.

Ogakare gotiira ase obwango, amaene akanyora buna nigo egucha yamoirete. Keri keri, agaaka Egucha eye ime na komorusia aroro !!

Oboremo oobwo........Nagotigeire bono gose noisaneke, na gontiga.....

Kamorusia aaiga nario atebete buna omotigeire oboremo, nyakebuna!

Enchera ende, oyo ogwete roche nere otagete korianani oy' omwabo oboremo. Esegeto enene neri buna abanto bari bagosinywa kogamberwa ekina na abamwabo, nigo bagotigwa, n' ekina kiabo kianyorwa n’ omobasokano omobe.

Bono aya naro agerete Omogusii ominto omokoro agateba buna Mang'ana Ntuboka, Mogayani Obora. Tureti Yaikaransa Yatebia Keore Na Ombere Omwabo Konya Bwango Gose Masio Are Korigererania. Keore N'  Ombere Omwabo Batebia  Banyene, "Komwangire Bagambi Bw’Abanto Na Gucha Mwayesinya?". Gucha Ngaasama Nkagayana Kina Kia Miaka Amechinini. Mokonywa Oteba Kogwankonyire Bogima Bwa Roche A Gucha Nainche Mboremo Nyakebuna Ndakoe. Korwa ase omogaka sokoro ominto, oyo noro omobayeno oito for this week.

Mbuya mono and thank you for listening.

comments powered by Disqus