Ebitandawili LXV: Ondusie Risabo...........
Abagusii Culture And Customs LXXXVI: Egechuuri N' Ekio Omogaka, N' Emiamba N' Y' Omongina!

Emegano Y' Abagusii XXXVI: Bakungu Mbatakeiri Koria Amabere Y’ Eng’ombe, Emori Etaramera Amaino A Igoro!

 
Buna twakabeire na Petronillah Ogoti. Gusii.com Proverbs, Culture And Customs Editor. Amaumuntia (May) 19, 2012.

Aya amwabo aya:

Emegano Ya Abagusii XIV: "Nabo Ndoche Nga Nabo Obwate Eriogi Rigiya" Ogasese

Emegano Y' Abagusii XXXV: Nigo Ogakondo Aansete Komingiriara Kera Aase!

Emegano Y' Abagusii XXVII: "Nanga Naria Agasase Akamo", Okagonkoru.

Abwo kare kare, omogaka oyomo narengeo na mokaye, ase ekenyoro kia Bomariba. Bono omogaka oyo nigo arenge korokwa Mogire. Na mokaye nigo arenge korokwa Nyaboke. Mogire na mokaye, omongina Nyaboke nigo barenge n’ bana batano. Abamura babere ne chinyaroka isato.

Ekero enyaroka enkogoti yarenge emiaka etano, enchara enene egaateka ase  ekenyoro eke kia Bomariba. Embura ekaba engaki etambe etari gotwa, n' morakera ogacha omotindi kegima. Ase boigo, chindooche chionsi chikooma pi, n' emete ne ebimeri bikooma.

Komenta nayio, etugo ekarea bobe mono mbaka ekang’ea gokwa mono. Abanto ba Bomariba bagachandeka kegima, ase enchara kobaita. Ase engaki eye, chingige  nachirochio chigaacherera abamenyi aba ba Bomariba. Bono chingige echi nachirochio chikamenta emechando ase emechando ende.

Ko obokongu bwaba obonge, ogosemeria  gokaera ase abamenyi aba. Bono bakaganya ogokwa ekiagera baganyete embura ase amatuko amange goika bakarosa. Bono omogaka oyo Mogire agachandeka kerage ase eng’encho  arenge n’ eamate enene, eyio arenge korageria.

Bono egasi yaye nigo yarenge ogotimoka gwoka.

Ase boigo, kera oyomo ase abanto baye, natageta aigote. Bono omogaka Mogire akarosa korigeria eamate yaye. Akaba  tari kogenda gotwara erinde anyore kende arentere eamate yaye eche koria. Nyaboke agachia komosegeta agende buna abagaka bande bare kogenda korigeria chiaamate chiabo, Mogire ere akaanga pi, kagotimoka abwo ase enka yaye.

Mogire akaba gakobera nyomba, na Nyaboke ogenda korigeria abana endagera. Bono abana aba ba Mogire nigo bare korora buna abaise ba abasani babo bare kogenda korigia endagera ya abana babo, babaretera baria.

Abana aba nabarabwo bakagania ng'a ise omwabo nere agende kobarigeria endagera ekiagera ng’ina tare korenta endagera ekobaisana. Engaki eyemo, Nyaboke akaba kagosiria ogosemeria gw’ okorageria eamate eye yaye.

Bono agatiana ng'a tarageria omogaka oyo oye Mogire otare korwa nyomba, oganyererete arenterwe endagera na Nyaboke, omanya goansa koinagera. Bono omogaka oyo Mogire nigo amenyete saiga mwaye.

Bono ng'ai mwaira amabere n' obonyansi bwakabucha iga? Mabere tarengeo akonywegwa. Emete amo n' obonyansi biakinire aaria Bomariba. Picture na special correspondent, Bomariba. Gusii.com files.

Aaria Bomariba, obonyansi bokaama, n' amabere akabucha

"Ndagera tiyarengeo, ekoriegwa" Nyaboke.

Nyaboke agachaka korosia endagera, na koyebisa. Nigo arenge koria n’ abana baye, takoirera  Mogire kende aaria saiga mwaye. Nyaboke akaba kagotoma omomura oye gochia ase ise amenyete saiga na komotebia ng'a ndagera yarenge ekoriegwa!

Bono Mogire akaba gakorara nchara ase amatuko atari make. Mogire agachaka gotwara chitang’utang’u buna nigo bare komong’aina. Bono akagenda ase abagisangio baye na kobatebia aya y’ okoba n' nchara ase amatuko amange.

Abagisangio baye koigwa igo, bakamotebia buna eamate yaye nigo ekomong’aina. Mogire akagechigwa kerage na gotiana gokora egesiomba gochia ase omorugi oyo oye. Engaki eye embura egachaka gotwa kemonyiriro.

Korwa abwo, ekaba enyinge n’endagera egachaka gosaboka. Ase boigo, obonyasi bokaama. Bono chiombe chikanyora endagera chikori, n' amabere akabucha  mono. Mogire bono nere akagoka ekero eng’ombe yaye yaiyeretie emori!

"Ayie! Timosaria na goturutumba ekemira. Bakungu mbatakeiri koria amabere y’ eng’ombe, emori etaramera amaino a igoro!" Mogire.

Koyaiyeria emori, Mogire agatebia omorugi oye buna ase ekemira kiabo, bakungu mbatakeiri koria amabere y’ eng’ombe, emori etaramera amaino a igoro!

Akamotebia buna takoyariera, ase eng'encho araturutumbe ekemira. Obwango obo nabwo Nyaboke ainyorete buna are gokorera Mogire engaki eri enchara yabetete inse aaiga Bomariba. Kare n' amarimu, Nyaboke akaimoka rituko riare kobwati rimaambia echuni n’ abana baye bari bare abake na kogenda sobo boiborwa.

Gaaika sobo boiborwa, agatebia ise aya Mogire atagete komokorera. Bono Nyaboke akarara  abwo sobo kabere. Rituko ria gatato, ise n’ abasani baye bakaimoka kwagachia gochia o Nyaboke erinde bagayane aya Mogire atagete gokora.

Mogire na Nyaboke oye baanchanire na komenya n' omorembe

Mogire akagoka korora Nyaboke oiranire korende ageekora koigwa bobe buna Nyaboke achiete sobo. Bono abagaka bagaikaransa na koyakwanera aya are gocha goetani eamate eye ya Mogire na Nyaboke. Omoerio oye Mogire agaancherana gotiga mokaye tanywa amabere y’ eng’ombe na koaberana korwa ase onsi aria konyora  aetire. Eeamate ya Mogire egatigara kemenyete n’ omogoko n’ omorembe korwa erio.

comments powered by Disqus