Gusii: May 2012

« April 2012 | Main | June 2012 »

May 2012

Abagusii Culture And Customs LXXXVIII: Amarieta Y' Amakonde N' Ebichuni Ao Ao Ase Ekegusii [III]

Buna twakabeire na Petronillah Ogoti. Gusii.com Proverbs, Culture And Customs Editor. Amaumuntia (May) 31, 2012.

Abagusii Wisdom Revisited

Aya amwabo aya:

Abagusii Culture And Customs XXXX: Amarieta Ye Chirwenyi Ao Ao Ase Omogusii

Abagusii Customs: Traditional Regalia (Ebibekerero Ao Ao Bie Ekegusii).

Abagusii Customs XV: Amasabo Ye Ribina

Buna Abagusii barenge gotara ase orogendo na komenya ase chinsemo ao ao, mbaumerete ebichuni amo n' amakonde amange, abwo aase bamenyete. Omogaka sokoro ominto nigo antebia buna Abagusii mbabwate amarieta ao ao y' ebichuni amo n' amakonde ayio, buna ekobwatia:

Ekebaganyama ekio geikaransete aaria keoreri ase amaoga igoro. Ntwe nabo twamanyete buna makomoke, omongina Mokeira ngotoroiseria are ekeriero.

23. Ekegwankwa: Butterfly. Ekegwankwa eke ngekari n' ekieni!

24. Ensogono: Cockroach. Kai! chinsogono nchikari chinyinge aaiga mw' omong'ina Nyamboto?

25. Riikonde: Maggot. Rikonde eri riasire koba ekegwankwa.

26. Riige:Termite. Obe! Amage abusiri nyomba ime.

27. Ensuri: Bedbug. Onduso na mokaye mbari korara bwakia, ase engencho egetanda kiabo kebwate chinsuri emeganda.

28. Entuga: White ant. Ayie! Chintuga chiabokire. Tiga magokoro arachibwata toriere rero.

29. Enda Y' Okogoro: Jigger. Gaki chinda chi' amagoro chianyarire omwana oyo.

30. Enda Y' Omobere/Chianga: Lice. Matundura nigo are omochabu, mbaka abwate chinda chi' omobere.

31. Enda Y' Omotwe: Lice. Orioki tari gisibia etuki yaye, bono mbaka yatwarire chinda.

32. Ekebaganyama: Preying mantis. Ekebaganyama ekio. Igo rero ntooche toriere ekeriero.

Omogaka sokoro orakoreire igaa ase bono. Ntooche togenderere n' amarieta ande next week. Korwa ase sokoro ominto, mbuya mono and until next time, thank you for listening.

Welcome to Gusii.com @ Facebook Group

Posted by Petronillah Ogoti on 05/31/2012 at 08:56 PM in Ekemira Gie Ekegusii | Permalink | Comments (0)

Technorati Tags: amakonde, amarieta, ebichuni, ekebaganyama, ekegwankwa, enda y omotwe, enda' omobere, ensogono, ensuri, entuga, riige, riikonde

Emegano Y' Abagusii XXXVII: Nigo Arenge Koinagera Endagera Igo....., Ekagera Bakamobaka "Nyanda Nene-Gesokera"

Buna twakabeire na Petronillah Ogoti. Gusii.com Proverbs, Culture And Customs Editor. Amaumuntia (May) 30, 2012.

Abagusii Wisdom Revisited

Aya amwabo aya:

Emegano " Abagusii XXXVI: Naende Ogasusu N' Omansamu Baetanire!

Emegano Y' Abagusii XXIII: Mansamu O' Bomwanda Oniantoirie

Emegano Y Abagusii XXI: Omoibi Egiata, Aaria Iruma.

Abwo kare kare, emiaka n' emiaka, omwana oyomo narengeo ase eamate eyemo aaria ase ekenyoro kia Nyamasibi. Bono omwana oyo nigo abwate ogwaatananeka korwa ase abana bande mono. Nigo omwana oyo arenge koinagera endagera enyinge mono, mbaka abaibori baye mbare konyara komoisaneki.

Nyanda nene-gesokera ere nigo atigarete. Abamenyi baumatire na gokumia buna omwana oyo agotiachora endagera. Ekero obokongu bwabete aaria Nyamasibi, nigo abamenyi batamete gochia aase ebigoro.

Abanto b' Nyamasibi bakaumanta nagokumia mono. Nonya nabo igo, bagatwara oboamo bw' okorageria oyo nyanda nene-gesokera, buna bamobagete. Abaibori b' omwana oyo bagatarera abaruti chinche nse, egere bamoragore.

Korende egasinya pi pi pi.

Bono egaikera buna goika omogambi bw' ekenyoro eke achike abamenyi, erinde bagenderere gosangereria endagera, egere omwana oyo arie. Omwana oyo akaragerigwa aase emiaka emenge mbaka akaba omonto omonene.

Kaba omonto omonene, agatwara chinguru chinyinge, n' omobere oye okamera amarionya! Engaki eyemo, ababisa korwa Bomanyi bagacha abwo Nyamasibi kobarwania. Ekero Abamanyi baaika, abanto bonsi bagatama gochia ase ebigoro igoro.

Bono ka abanto batama, oyo nyamarionya ere akaimokia ekebenoka n' ritimo, na kobaita Abamanyi aba na kobwa esegi. Eye ekagera abanto b' Nyamasibi bagatorigwa korwa ase ababisa. Omwana oyo obwate ogokinia ogokong'u, naende omanyire buna nyanda nene-gesokera, akaba bw' eng'encho enene mono, gochia ase ekenyoro kia Nyamasibi.

Welcome to Gusii.com @ Facebook Group

Posted by Petronillah Ogoti on 05/30/2012 at 08:17 PM in Emegano Ya Abagusii | Permalink | Comments (0)

Technorati Tags: bagatarera, endagera, engaki, gesokera, nyanda nene, omonene, omwana

Emebayeno Y' Abagusii: Baba N' Omuya, Mbuna Akondwa Gieseri Buna Bori

Buna twakabeire na Petronillah Ogoti. Gusii.com Proverbs, Culture And Customs Editor. Amaumuntia (May) 29, 2012.

Abagusii Wisdom Revisited

Aya amwabo aya:

Emebayeno Y' Abagusii: Kina Obirore Okage Mbinde

Emebayeno Ya Abagusii: Yare Gokia, Matiebo Oyasaririe

Emebayeno Y' Abagusii: Kia Nyabamo Nyama Yachire Rino.

Abagusii nigo babwate obosemi obonge goetera ase emebayeno. Ase abanto abanene abakoro, emebayeno nero yarenge enchera engiya y' ogokwana amang'ana amakongu, erinde ebimwana, gose abasae abake tibakomanya ng'a ninki abanto abanene bagokwana.

Mabera tarengeo. Omorogi nabo arenge korwa omwana oye buna egieseri, gochia ase ekeombe kia abarogi bamwabo. Nka Gusii: Picture na special correspondent, Gusii.com files.

Abagusii mbatebete ng'a Baba N' Omuya, Mbuna Akondwa Gieseri Buna Bori. Kobwatekana n' omogaka sokoro ominto, oborogi nabwo bokwaneire aaiga. Omorogi nigo okonyora aranche omwana oye mono mono kobua bari bande.

Nonya nabo igo, kegoikera engaki abarogi bare abagisangio baye baramosabe omwana oye, nigo akobaa ori anchete mono mono. Bono ekero omonto asirire naende yaikire engaki y' ebirero, nigo okonyora omobayeno oyo ogoterwa goteba buna oyo okuure nigo arwetwe egieseri gochia ase abarogi, bakamoita agakwa.

Aye koraigwe abanto bagotera ng'a Baba N' Omuya, Mbuna Akondwa Gieseri Buna Bori, gose omobayeno oyo kogoterwa ase amabe abeire, aye manya ng'a oyo ng'ina gose ise monto obayenetwe. Oyo noro omobayeno oito fot this week. Korwa ase omogaka sokoro ominto, bwatera abwo and thank you for listening.

Welcome to Gusii.com @ Facebook Group

Posted by Petronillah Ogoti on 05/29/2012 at 06:25 PM in Emebayeno | Permalink | Comments (0)

Technorati Tags: abagusii, abanto, Baba N'Omuya, emebayeno, kobwatekana, Mbuna Akondwa Gieseri Buna Bori, ominto, omogaka, omorogi, sokoro

Obokongu Mbwabete Aaria Kamagambo, South Kisii County

Na Petronillah Ogoti. Gusii.com Proverbs, Culture And Customs Editor. Amaumuntia (May) 28, 2012.

Abagusii Wisdom Revisited

Aya amwabo aya:

Mwembe Tayari Accident, Kisii Town

Omobasokano bw' chigari nobete ase rituko ria igoro na goita abanto bane aaria ange na Kamagambo ase enchera ya Kisii-Migori. Nigo egotebekana buna omobasokano oyio nigo obete ekero egari etegisi, eyio yatagete goetania eyende, yatwomanete amo n' ematatu.

Omobasokano oyio aaria Kamagambo Market, South Mugirango, nigo otigete abanto bande ikomi na batato bare ne chingoma chinene. Bonsi nigo baminyogetigwe gochia ase enyagitari ya Kisii Level Five Hospital.

Buna egotebekana, omogendia ematatu eyio, omosike Christopher Masese nigo asirete ekero aaigetigwe aaria Kisii Level 5 Hospital. Igwa bono ayande korwa ase KTN na Standard Group, Kamagambo, South Kisii County.