Ebitandawili LXXI: Agoikaransera Ane.....
The Final Goodbye For Hon. Joshua Orwa Ojode

Tata N' Omochooberi. Agachoobera, Akarenta Baba: Happy Father's Day 2012

Emebayeno ende y' Abagusii nigo yarenge emiomo. Nche buna narorire, ebinto ebinge bigokorekana kera riituko mbiabwate omobayeno oye, ase Abagusii ba kare. Notagete goakera tata omino buna mbuya mono ase ekerero na komotebia "Happy Father' s Day?"  Bokongu tiboiyo. Abagusii nigo bagatogirie abaise, na kobatebia buna mbuya mono, konyora "Father's Day" ritarachikwa. Obosemia obonge.


Aya amwabo aya:

Mothers Day 2011: "Oyo Ogoaka Mama......Rirorio Tiga Amore Igo, Mbaka Obote Boere..."

Father's Day 2011: Weka Sauti Iwe Juu Kidogo. Wewe Kijana, Ongeza Volume Kidogo Tena

Ase Abatata, Happy Fathers Day

"Abana mbaragera?" Nabo tata akaboririe mama, gaiikire nka morogoba. Ntwe ebimwana nigo twakarageire ritang'ani, twabutiara. Go twabutiarire, twagenda isiko gotiena. Tata omanya koragera. Petronillah Ogoti nigo atebetigwe na ng'ina koro buna, "Tata N' omochobeeri. Agachobeera Akareta Baba".

Bono igo ninki aase Ekegusii? Ase ogototebia igoro y' omoino oyo, ngina koro Petronillah natoete omogano. Kobwatekana na ng'ina koro, eye n' enywomo yatogetigwe ase omobayeno oyo oito. Enywomo eyio yabete, nigo yaagerete omwana oyomo akaba n' omogoko, na gotogia ise.

Nigo ise omomura oyo arenge omogaka bwanchire ase enka amo n' ekenyoro kiaye. Bono omomura oyo gakiina na koba omonto omonene, akainyora obwanchani boria bwarenge ase enka yaye. Obwanchani boria bwachakerete gati y' ise na ng'ina, eyio yaagerete akaiborwa.  

Bono kaare n' omogoko, omomura oyo akainyora buna goetera ase ise konywoma ngina, akaiborwa.  Kainyora iga, agatera omoino oyo ase enchera y' omobayeno. Tari igo rioka. Korora ebiinto ebiya ise amokorerete, omomura oyo akarora buna tiga amotogie, ase eng'encho nere ogerete abeire omomura egesora ase ekenyoro. 

Goetera ase omomura oyo, Abagusii bakabwatera abwo n' omobayeno oyo ogoteba buna"Tata N' omochobeeri. Agachobeera Akareta Baba". Oyo noro omoino oito for this week, naende Happy Father's Day ase abatata bonsi babeta. Monywe mache maya and thank you for listening.

Happy Fathers Day 2012. Omwana omino, Fanuel Sedekia oyio.

Jared Nyaberi, Omosomba bwe Ekegusii nao agotoka ase Abagusii AT Gmail.com, Twitter.com/abagusii na Facebook.com/abagusii.

Welcome to Gusii.com @ Facebook Group

comments powered by Disqus