Ebitandawili LXIV: Nimbwate Agasaiga......
"Nche Tingotwara Obogesaku" Mhe. Peter Kenneth

Abagusii Culture And Customs XCVIII: Onye Eeri Eye Tiyarenge Goika Chiombe Chiinde Aange, Eyio Mbosa


 
Buna Twakabeire: Na Petronillah Ogoti. Gusii.com Proverbs, Culture And Customs Editor. Esagati [Sagati Ya Magonga] October 17, 2012.
 


Aya amwabo aya:

"Bono Ninki Mokonya Korikera Igoro Y' Outdated Customs And Traditions?" Omongina Clemencia Mokeira

Abagusii Culture And Customs XXXIX: Emeyega Ao Ao Y' E Ekegusii

"Timogotiga Kera Egento Kebe Ase Facebook?" Omogaka Okioma

Buna chingaki chigendererete goonchoreria, naintwe Abagusii twagendereire goonchoreria. Ebinto bike bi' ekemira amo n' Ekegusii giaito mbigendererete gosira. Nonye ebinto bianchokire, ekerenga giato ase Gusii.com n' korika Ekegusii giato buna giakabeire, erinde nario ebigori ebiike biramanye buna twakamenyire, abwo ase chingaki echio chinkoro. Ase enchera ende, komanya aase twarwete, nario toragende n' orogendo rwaito gochia motwe, buya.

Ngai tokorwa, naende ngai togochia? Koinyora buna Abagusii twakamenyire. Abagusii Otenyo Cultural Group. Picture na Petronillah Ogoti: Gusii.com files.

 

Otenyo cultural group koinyora buna twakabeire

Ase amatuko aetire, omogaka sokoro omointo nantebetie buna Abagusii ntwagatwarire ekemira ki' ebingwanso ao ao, ase amatuko amange. Ebingwanso ebi nigo biare gokorwa ase ogoikerania Ekegusii. Ase ogokora ebingwanso ebi, etugo nero yare gokorerwa ekeng’wanso.

Etugo emwamu tiyarenge gokorerwa Ekegusii nonya

Ase boigo, tari etugo ende yonsi yange gokorerwa Ekegusii.  Yaya. Chitugo chionsi chie chirangi ao ao nigo chiare gokora ekemira, otatiga etugo eri ere emwamu. Etugo emwamu nigo yare gokorerana n’ Abaromenta, Abasigisi, gose Abagere.

Kobwatekana n' omogaka sokoro, gati y' chitugo chiagakorire Ekegusii giaoto nigo chire:

Embori y' Sokoro: Ase chingaki chiaetire, chisokoro chiato nigo chiare gotwara ebing’wanso ao ao. Ebing’wanso ebi nigo bare goita etugo erinde bakorerana chisokoro. Inee bono mbori ki gose yare gokorerwa ase ekeng’wanso gia sokoro? Naende nabo oraborie.

Tari mbori ende yonsi. Yaya. Nigo embori yare korigigwa, eri y’ ekeng’wanso. Embori eye nigo yare koba egoree yooka. Ase boigo, nigo embori eye yare koba egoree ebegete  ekobia. Egoree eye gose nereri? Egoree nyagobia neri emerete amarionya gochia motwe y’obosio, akororekana buya, buna ekobia.

Goika egoree eye yarenge gotwara egesinge

Komenta nayio, embori eye nigo yare gotwara ching’unchara. Naboigo, embori eye goikera yare gotwara egesinge. Bono egesinge ninki? Naende nabo oraborie. Egesinge n’ amarionya ayio are kobera mbarabare n’ amakere. Eng’encho ende, embori eye nere n’omobere omuya. Manya buna onye tebwati
egesinge, igo keng’wanso ekio tikegokorwa!

Emingichi y' Sokoro: Tari embori yooka yarenge gokorerwa ase Ekegusii gi' chisokoro. Emingichi nero nigo yare kong’wanswa n' chisokoro chiato ase engaki yaetire. Bono emingichi yarenge kong’wansu nero tiyare koba mingichi ende  yonsi. Emingichi eye nigo yare koba ebutoire omokera! komenta nayio, emingichi eye nigo yare gotwara  ching’unchara.

Onye eeri eye tiyarenge goika chiombe chiinde aange na gochiaa chimori, eyio mbosa


Eeri y' Geita: Eeri ya geita nigo yare koba neri ekonyori chiombe chinde chimori. Onye eeri eye tiyana goika ng’ombe ang’e erinde eyee erieme, eyio mbosa! Bure kabisa. Eeri buna eyio tiyarenge gotakerwa gokorerwa ekemira  ki’Abagusii.

Ase boigo, eeri eye nigo yare  gotwara amagunchara, naende goika ebe eeri entangana. Eeri entang’ana neri yaakire amagasi [castrated], ekiagera  nigo yare  gotiokerera eng’ombe eyaberi korwa  aare,  yagenda  koyerigia, erinde eyee erieme. Eye nigo yare gotindia na koenena, yagera yaakwa  amagasi.

Bono ningo orenge gokorerwa Ekegusii? Ekemira tikerigokorwa getabwati omonyene. Buna twarorire, chisokoro nchiagakoreirwe Ekegusii. Ase boigo, Onye n’omoiseke otebigwe akorerwe ekemira, nigo agokorera embori etaranyora emanwa ekiagera nere tabwati mwana.

Onye  n’ omongina omogotu ogokorerwa ekemira, nigo agokorerwa n’ embori rikongo, ekiagera  ogotire! Onye  n’omosubati ore bwoye, nigo  embori egendererete konyora chimanu yarenge goitwa, erinde ekemira gekorwe. Nabo sokoro antebetie buna nabo twakamenyire igo. Mbuya mono and thank you for listening.

Welcome to Gusii.com @ Facebook Group

comments powered by Disqus