Ase Abana Ba Mwanyagetinge: Merry Christmas 2012
Emebayeno Y' Abagusii: Kebe K'aa Nkemese

Ase Abana Ba Mwanyagetinge: Happy New Year 2013!


 
 

Aya amwabo aya:


Ase Abana Ba Mwanyagetinge: Happy New Year 2012

Obe! Omwaka O 2011 Oengekanire

Omwaka Omuya 2010

Eamate yaito ya Gusii.com, nigo togochengera omwaka omogeni buna Mosamba mwaye oiboirwe! Egesunte kia Masaba, kwaheri. Nigo twayokorire omwaka o 2012 na komotogia Omotongi oito buna mbuya mono ase obomoyo. Nntwe ntori baya, aba twaikire omwaka oyo omonyia 2013, omotienyi oyo bw' Engatiato.

Bono rende ninki tosemereti?  Inyora buna abakoro nigo batotebetie omobayeno oria ogoteba buna Bamanya kerumbe, mbateganda kerumbe. Bono ninki batagete gototebia gose? Nigo barenge gototebia buna toganya embura etwe, omaye kogenda gotenya! Toganya omwaka oike gati, omanye gochaka kobanga eki otagete gokora omwaka oyo omonyia.

Omoyega o 2013 obwatire nse pi! Mbuya mono ase abana ba Mwayagetinge ase ogokinia ekebute eke kia Gusii.com. Ogochenga okuya, n' ebisio ebinge ase kera oyomo ase omwaka oyo omoyia o 2013. Na Petronillah Ogoti. Gusii.com Proverbs, Culture And Customs Editor. Egesunte Kende - Egesunte Kia Masaba [ December]  31, 2012.

Gusii Proverbs Editor

Inyora omwaka oyo nari ense yaito ya Kenya egocha gotwara obochori obotang'ani ase richiko eri riyia riaetigwa bwango iga. Ekurate enene neri buna Borai mboora nguru, boe kiige bori bwomo! Eng'encho ende, rigia abarai bari bare n' obomanyi erinde ense yaito techa gotakaa.

Mwanyagetinge, narorire buna omoyega oyo nigo obwatete inse pi, ebusa yayire, amandasi arosigwe, n' chimbori chianyenyirwe. Baminto ntonywa na koria bobe. Are mono, inyora buna Okobwatia egesingororo ko nambaba tori, chinswe chitagoseka  gokonywa amache! Igo toisa kobwatia abanto otamanyeti ase bagochia oche gweitia naende.

Nigo Gusii.com egoakera kera omosani oirete engaki yaye ya bene, gotarera ekebute eke na gosanga amange igoro y' Omogusii buna arenge engaki eria yaetire. Ogotara kwaino, nakwo kogererete ekebute eke gekagenderera.  Onye tari inwe, ewebusaiti eye tekoba moyo. Twasabeire kera omwana o Mwanyagetinge, ebisio b' Omonene ase omwaka oyo o 2013.

Amaiga y' omwaka omoyia ayio na Omonguru aseseni Abana ba Mwanyagetinge mwensi ase mwabeta kera aase. Happy New Year 2013!

comments powered by Disqus