Esara Y' Abagusii
"Bono Gaki Ninche Bweka Natigara?" Omosomba Bw' omonene Naende Omwana Omino, Fenny Kerubo oyio.

Emebayeno Ya Abagusii: Esese Eaberi, Neero Yarusetie Entwoni Bogere!

Buna twakabeire: Na PETRONILLAH OGOTI. Gusii.com Proverbs, Culture And Customs Editor. Engatiato [ January  ] 15, 2014

 

 

 

Aya amwabo aya:

Emebayeno Ya Abagusii: Tata N' Omochooberi. Agachoobera, Akarenta Baba: Happy Father's Day 2012

Emebayeno Ya Abagusii: Motangi Ona Kondo Takwa Boiro Ase Egetinge, Agwe Ase Ororera, Keoreri Nkerora Mogayani

Emebayeno Y' Abagusii: Mokungu Obande Nyabarati Ere Bweri, Torusia Mokorogoto Oagage Nsoni, Chitamere Magaachi, Otang'ang'e Tureti Binyunso Bire Mioro!

 

 

 

Togaikaransete emogoroba eyemo konywa rikairo, omogaka sokoro ominto nantegerete omorabaro gete omorito. Nigo omogaka sokoro antebetie buna Esese Eaberi Neero Yarusetie Entwoni Bogere! Bono ninki engencho y' omorabaro oyo? Nche naboretie sokoro.

 

Nere n' omokia tata gokora keri kebeterereti. Nabo ebeterereti buna esese eye goika egende ase atambe. Esese y' omogaka Bogonko korwa aaria Marani, Bogetutu. Kare kare, yaikire  Bomariba, Bonchari!

Esese y omogaka bogonko

Nigo omogaka antebetie buna abwo ase amatuko a kare, chisese chintwoni nchiagatarire. Naende amatuko amange, chisese echi nigo chiarenge gotara orogendo orotambe. Nabo kwarenge konyora buna esese y' omogaka Bogonko, korwa aaria Marani, kare kare yaikire Bomariba! 

Nigo chisese chintwoni chiarenge kogenda aare, erinde korigia chisese chiaberi. Ande onsi ase esese eaberi ere, nigo kwarenge konyora chisese chintwani  chigocha koyetarera, esese eye eaberi neba aare.

Bono chiakorire esababu!!

Bono chisese echi gichiakorire esababu yabo,  naende nigo chikoirana gochi aaria ase chiarwa!! Yaani manya. Aaiga, eganga enene y' omorabaro oyo neri ng'a, omokia n' omuya.  Onye omokia toiyo, rirorio tokonyora keri otagete, gose kebeterereti.

Omokia noro oragere aye onyore keri kegochandete ase enkoro yao.

Gosegeta abanto gokora omokia, nakio kiagerete Abagusii abakoro bagateba buna Esese Eaberi Neero Yarusetie Entwoni Bogere! Korwa ase omogaka sokoro ominto, oyo noro omobayeno oito for this week.

Mbuya mono and thank you for listening.