Emebayeno Ya Abagusii: Motangi Ona Kondo Takwa Boiro Ase Egetinge, Agwe Ase Ororera, Keoreri Nkerora Mogayani
Ebitandawili XCV: Kaa Gento Ki Kegosoka.....

Emegano Ya Abagusii LXVI: Kai! Ebimoni Bikarora Obooro Bogasaine Gokea, Kera Engaki Ogakondo Akoboroma Ensemo Eyemo!

 

 

 

Aya amwabo aya:

Emegano Ya Abagusii LXIX: "Yaa Ogasusu, Naki Okare Koragera Aye Bweka Iga? Omansamu

Emegano Ya Abagusii XV: "Nigo Iso Ateba, Oire Omogeni Nka, Nyoko Amonyenyere Etwani Eria Enene" Ogasusu

Emegano Y' Abagusii XXXVI: Bakungu Mbatakeiri Koria Amabere Y’ Eng’ombe, Emori Etaramera Amaino A Igoro!

 

Abwo kare kare, ebimoni bibere mbiarengeo. Bono ebimoni ebi emaambia eyemo, ngotamboka biare rikori, gochia ekeng'umbu. Keri keri, ebimoni ebi bikarora obooro bogwete inse y' omote, oyio orenge mbarabare.

Bono ebimoni biasoire enyameni

Ebimoni ebi bibere bikaminyokera obooro obo, bire n' erang'o y'okoboria. Obwango obwo, ebimoni ebi bikang'ea korwanerera obooro obo, na goitana enyameni, kera ekemo kegoteba nakio kiaroche obooro obwo ritang'ani. Ebimoni ebi bikaba bikorwanerera endagera eye ase egeka getari geke, egaikera ase bikoigwana, kobagana obooro obo gati gati.

Nonya nabo igo, bigasinywa kobobagana gati gati !!

Ogakondo oyio ogwesigori gocha

Abwo omote igoro, Ogakondo natengerete ebimoni ebi buna biare gosumbuana igoro y' obooro obo. Ogakondo oyo agaakera obooro obo esabu, abobeke mboto bwensi. Bono Ogakondo agaika korwa omote igoro na gwesigoria gochia ase ebimoni ebi biare korwanerera endagera.

Ogakondo agaika ase ebimoni ebi ogoteba buna "Abasani bane, naki ninyare kobakonya emechando eye mobwate?" Ekemoni ekemo kegaitaberia kegoba buna "Eee gaki kabe omogayani oito erinde otobagere obooro obo gatigati"

Kai tata! Yaa Ogakondo, otagotigera abwo? Okamoni nkoboria are, kagendererete goitera chindende.

Yaa Ogakondo otagotigera abwo. Okamoni

Bono koigwa iga, Ogakondo agasasoka na kobutora obooro obo, korende ensemo eyemo, akaunera eyende tibwabutoka gati gati ! Aaiga nario Ogakondo atebete buna koboreng'ania, nere buya arome boria bonga bonene, erinde boreng'anane!

Bono Ogakondo osasokire, na gochaka gotiachora obooro

Ogakondo akaroma boria bonga bonene korende tibwareng'ana ekiagera aromete obonene mono! Bono bogakea mono. Nario erio naende Ogakondo atebete buna koreng'anania, nere buya arome boria bonde botigarete erinde kera ekemoni keire obooro borengaine. Korwa abwo, Ogakondo agatiachora obooro obonene kerage, goikera bokaamba koera.

Kai! Ebimoni bikarora obooro bogasaine gokea kera engaki Ogakondo akoboroma ensemo eyemo, gose nereng'ane eyende.

Kai! Ogakondo okwerekereire gotiachora obooro bwensi pi!

Ogakondo agakwerekerera koroma ensemo yatigarete, goikera obooro bokaera. Aaiga nario Ogakondo aimogete na gosaba ebimoni ebi okwabera, ogoteba buna "Gaki nyabere, nigo yabeire akong'u koreng'anania obooro obo erinde kera oyomo aire boreng'aine"

Agacharoka agasoa omote igoro, ebimoni bigatigara biichanete.