Bonchari Constituency 2014: Goikera Bono, ODM Terabugia Nonya
Bono Inwe Niigo Mwasiegete Ekebute Eke Kia Gusii.com Ekero Ki' Epasaka? Omong'ina Nyamboto

Abagusii Culture And Customs CXIX: Bono Petronillah Inee, Omokungu Ngosereta Arenge Na Kobuna Enyomba?

 
Buna Twakabeire Na Petronillah Ogoti. Gusii.com Proverbs, Culture And Customs Editor. Rigwata [ April ]  19, 2014 
 

Aya amwabo aya:

Abagusii Culture And Customs CXVIII: Inee Petronillah, Bono Omogaka Obwate Abangina Abange, Nkobatimia Arenge Bonsi Ebitinge?

Abagusii Culture And Customs LXXXVI: Egechuuri N' Ekio Omogaka, N' Emiamba N' Y' Omongina!

The Traditional Omogusii Homestead: Change Is Dynamic

 

Mwanyagetinge.com ntwaborigwa riborio. Bono nigo twaborigwa gose omokungu Omogusii ngosereta arenge enyomba. Bono riborio eri kiriaba riikongu, nche nigo naimogete nkagenda o sokoro, koboria. Kinaboria, nigo omogaka sokoro ominto antebetie buna Gusii yaito amang'ana  y' egekoro narengeo, ayio arenge ay' eng'encho  mono.

Amaridadi y' amaiso: Gusii.com at home aaria Menyinkwa Market, Nyaribari Chache, Kisii County. Picture na Petronillah Ogoti, Mwanyagetinge.com files.

Menyinkwa

Omokungu komumekeria egechuuri nigo yarenge chimuuma!

Bono onye amang'ana aya tare koba takorwa, nigo ebinto gete ebibe, biare koba. Ase omobwekano, ekero  omokungu akoagacha enyomba ebe, naende aseerete obonyansi, tarenge komumekeri enyomba igoro. Yaya. Okomumekeria nigo kwarenge kw' omogaka bw' enyomba.

Naboigo, inyora buna omogaka gakuure, nigo egechuri kiarenge kobunwa! Bono omosacha nyene enyomba, nere orenge komumekeri egechuuri, enyomba keyakorirwe goseretwa. Bono ko onye taiyo, nigo omosereti akoyemumekeri. Korwa abwo, etwani yanyenywa, abanto baragera.

Nigo omogaka akaganyirwe, goikera ekero akoirana bwoye, neba n' emiaka ikomi!

Ase boigo, nabo yarenge koba buna omogaka nyene tari aange, gose nigo akameneyete aare. Aaiga, onye omogaka oyo tari aang'e, nigo akoganywa, goikera  kaa ekero akworoka bwoye, neba n' emiaka ikomi!

Komenta nayio omosereti enyomba tarenge gosereta enyomba akore, tatigari orogoma (ensemo gotira y' enyomba ekona ). Aise gokora igo, nigo yarenge boba buna nigo omokungu oyio akoima omosacha oye,  eng'encho ende, atagete akwe. Omosacha nyene enyomba nere orenge gosereta na gokora orogoma rwe enyomba!