Abagusii Culture And Customs CXX: Bono Embiru Ninki ase Ekegusii?
Nintagete Chikura Nka Bonchari In 2014

Emebayeno Ya Abagusii: Ng'ombe Na Mbori Chikane Korigia Magega Yaya, Korera Tarera Boreri Bobe, Bwoye Tagochongeria Mobere Osinye Bikoe !!

 
 
Na Petronillah Ogoti. Gusii.com Proverbs, Culture And Customs Editor. Amaumuntia [ May ]  20, 2014
 
 

Tokare kogenda ase enyangi ya Buyaki aaria Kegogi, Bosamaro, Omongina magokoro baba ominto nantebetie buna Ng'ombe Na Mbori Chikane Korigia Magega Yaya, Korera Tarera Boreri Bobe, Bwoye Tagochongeria Mobere Osinye Bikoe.

Bono ninki eng'encho y' omorabaro oyo ase ntwe Abagusii? Aaiga, aya nigo arenge gokwanerwa ekero omoiseke arenge gosoka na kogenda bwoye. Ekero omoiseke arenge kogenda bwoye, nigo arenge gotebigwa aremereri komenya abwo ase enka yaye enyia, naende tabaisa konya kong'anyang'anya. Ase enchera ende, nigo ere buya amanye buna akomenya.

Konara kong'anya korwa bwoye, tikiarenge gento kiya

Amangana aya nigo aregotebigwa ekero ki'enyangi yaye, na ng'ina omoiborete. Onye ochire bwoye teri buya arigie magega, ekiagera chimbori amo ne chiombe chiaakanirwe. Bono tagwenereti kong'anya korwa bwoye. Okomenya okuya nigo gokogokia ng'ina biara na koorokia buna ng'ina omoibori mbuya amorerete.

Na ngina biara nere nigo arenge gotebigwa buna takongeria moka momura obogima

Ase boigo, ng'ina biara omoiseke nere ngotenbigwa arenge buna takong'eria omosubati oyo obogima erinde asinywe komenya ase enka eye enyia. Omosubati, ekero agochongerigwa, nigo agoichana, goikera oita ebikoe ekiagera nigo agosinywa buna ense eye achiete naki ere gose.

Nka sobo Buyaki aaria Keumbu, Kisii County. Komenya n' omorembe n' egento ekiya. Chikorera nigo chiarenge koborigwa buna tichikongeria moka momura obogima.

Chikorera nigo chiarenge gwanchana

Obosemia obo bwarenge korwegwa gochia ase omoikeke na ng'ina biara ekero ki enyangi, nabio biagerete Abagusii abakoro bagateba buna Ng'ombe Na Mbori Chikane Korigia Magega Yaya, Korera Tarera Boreri Bobe, Bwoye Tagochongeria Mobere Osinye Bikoe.

Oyo noro omobayeno oito ase ewiki eye. Mbuya mono and thank you for listening.

Aya amwabo aya:

Emebayeno Y' Abagusii: Seito Nkauka Mote Mwomo Isabo Ria Mote Onde Otasang'ani Mote Onde, Mori Yaito Nkerobu Mbweri Gati Eteneine.

Emebayeno Ya Mwanyagetinge: Abande Namokwanwa, Timonga Chinkore Chia Maeba, Chigocha Chiaichora Enyongo!

Emebayeno XVIII: Nyang'era Ndotungi Na Mori Yaye Ndotungi