Made In Gusii: Karibuni Kwegokia Na Gusii Coffee
Emebayeno Ya Mwanyagetinge: Boina Mbori Kina, Mbaba Chiabora Abagotu Basemberwe.

Emegano Ya Abagusii LXXXI: "Kai !! Ani Bwanchi Mbwa Maiso, Mioyo Etamanyaini" Egioto Ekemo Korwa Aaria Nyabitunwa Bine

  
Buna twakabeire na Petronillah Ogoti. Gusii.com Proverbs, Culture And Customs Editor. Tureti Ya Kebaki [ September ] 7, 2014. Chingaki chinde, egekoro giaito, emebayeno, amo ne emegano yaito ntwe Abagusii nigo biabwataine aamo. Aaiga, omogano oyo nigo obwataine, na gotwara omorabaro oye.
 
 

 

Aya amwabo aya:

Emegano ya Abagusii: Omoibi Egiata, Aaria Kianyabinge

Emegano Ya Abagusii LXXVI: Aaria Rianyakangi, Omogaka Maranga Otigire Ebikondo Biaasamete !!

Emegano Ya Abagusii LXVI: Kai! Ebimoni Bikarora Obooro Bogasaine Gokea, Kera Engaki Ogakondo Akoboroma Ensemo Eyemo!

Abwo kare kare ebioto mbiarenge aroro aaria Nyabitunwa Bine. Ebioto ebi nigo biarenge goeta ase emete emenge yarenge. Kibigedererete goeta, ebioto ebi bibere bikagwa ime ye engoro yarenge etambe.

Amaridadi ya amaiso: Gusii.com at home aaria Nyabitunwa Bine, South Mugirango, Kisii County. Mwanyagetinge.com/2014

Gusii.com at home aaria Nyabitunwa Bine, South Mugirango

Bono ebioto binde ekero biachiete korora ebi biamwabo bibere bigwete engoro ime bikabisekerera na kobitebia buna mbigosoka korwa engoro eyio ime bire moyo. Aaiga nario ebioto ebi bibere biekorete buna mbigweti aya yokobisekereria na gotema buna biare konyara erinde birwe engoro eye ime. Ebioto ebi biagwete engoro ime mbiakwete moyo, ekiagera nigo bierwete kerage, gosoka korwa engoro eye yarenge etambe mono.

Egioto ekemo gekarosa na goaka inse na gokwa, abuo abuo.

Egioto keri giatigarete engoro ime kegatema gocharoka gose ngesoke korwa engoro eye ime, korende gekaba kegosinywa. Erio erio, ebioto biri binde nigo biare goseka na goita egioto kiamwabo omoyo, bigoteba buna egioto ekio nagetiga gwechanda ekiagera ngokwera kere engoro eye ime.

Bono ebioto ebi biamwabo, biagokire buna egioto eke tikiaigwete buna biagetakerete amabe !!

Bono egioto eke kegatema igo, goikera kegasoka korwa engoro eye ime. Biri binde kibiachia korora aya bikamoboria buna gose nkoigwa arenge buna biare gokwana. Egioto eke gekabatebia buna ime y' engoro eyio ime, nigo amato atinete !! Ebioto ebio bikagoka buna taigwete buna biamotakerete amabe.

Egioto eke korwa erio, gekamanya buna Bwanchi Mbwa Maiso, Mioyo Etamanyaini.

comments powered by Disqus