Gusii

"Nabo Ogoteba Ebinto Gete Ase Omonwa Oito, Ebio Otanyare Goteba Ase Ekenyamorero" Omosubati Inee Slaughter

 

 

Abagusii Wisdom Revisited

Aya amwabo aya:

Nigo Akwegambia

Ekegusii Preservation: Nigo Neyagia Omotwe

Endangered Language Fair: New York, New York, USA.

 

"Nabo ogoteba ebinto gete ase omonwa oito, ebio otanyare goteba ase Ekenyamorero" Yaya, ayio tari mang'ana aito igaa ase Gusii.com. Ayio n' amangana atebetwe amo n' omosubati Inee Slaughter, Executive Director of the Indigenous Language Institute aaria Santa Fe, New Mexico, USA.

Gati y' emenwa 300, eyio yakabeire ase USA amo na Canada, emenwa 100 yasirire.

Omosubati Slaughter nigo akwana amang'ana aya gochia ase Boston.com, ekero arenge koborigwa igoro y' emeremo y' okorenda emenwa y' Abaindi b' America, eyio egendererete gosira. Nigo abatuki bagoteba buna gati y' emenwa 300 y' Abaindi ase USA amo na Canada, emenwa 100 yasirire pi.

Ase enkwana eye, Boston.com nigo egoteba buna ebisaku ebinge nigo bigotumia apps, chikompiuta buna chi ipad amo n' tablets chinde, erinde gosemia ebisaku ebinge tibieba emenwa yabo aaiga Amerika.

Komenta nayio, chiyunivasiti chinde buna California State University, San Bernardino, California, chiachakire gosomia emenwa eyio. Rora bono the full report korwa ase Boston.com igaa.

Jared Nyaberi, Omosomba bwe Ekegusii nao agotoka ase Abagusii AT Gmail.com, Twitter.com/abagusii na Facebook.com/abagusii. Gusii.com, Duluth, Georgia, United States. Rigwata [ April ] 21, 2013.

Ase Mwanyagetinge Abeta: Thank You!

 

 

Abagusii Wisdom Revisited

 

Aya amwabo aya:

Bosoku Tiboiyo Ase Ekegusii

Mbuya Mono! We Are Two Years Old

Abagusii Culture And Customs LXIV: Ase Mwamogusii, Ninki Eng'encho Y' Mwanyagetinge?

Nigo nabogete rimaambia echuni buna botambe, kogenda ase ekebago. Goika aroro, abakori emeremo b' e group yaito twensi togatebigwa togende ase e conference room. Bono ntwe nigo twakagete buna oyo noro n' omosangererekano onde, buna ende yakabeire botambe.

Kai! Rero nkomentwa tokare eng'eria

Bono goika ase e conference room, tokanyora buna abanene korwa Human Resources nao barenge. Ntwe nigo twakagete buna gose n' eng'eria tokomentwa!  Kai! Nigo twamanyete bobe. Ng'eria tiyarenge aroro. Eri nario riarenge gocha koba rituko riaito r' omoerio ase egasi eye ase ntwe twensi. Egasi abange baito twanchete.

Ninki kiabete? Ebibago biato bionsi, bono konyora biatomirwe gochia India. Ase Ekenyamorero, nigo bagoteba buna "Outsourcing". Togaakanwa eng'eria y' emekubio ebere, na koegwa okwaheri. Eye nero eyemo y' chingaki chinde ase obogima bwane, ekero natigarete ntang'ang'ete.

Bono totabatebetie inwe abanyene, totebi ngo? Mbuya mono ase Mwanyagetinge abeta.  

Bono tokeeyagia emetwe emambia eyio, na kogenda ase chiinka chiato totabwati ekiamboria. Nigo nanchete ekebago eke mono. Emeremo yane nigo yarenge ogokonya abanto n' emechando yabo y' chikompiuta ase IBM. Nonya nabo igo, Omonene Tata Nyasae akanyorera ekebago kende ase NCR, nyuma y' emekubio etato, abwo ase nde nonya mbono.

Bono ninki kiagera nateba omogano oyo iga? Nabo oraborie. Eng'encho yagera nateba amang'ana aya onsi neri buna, rituko erio egasi yaerete ase IBM, nario nasoete ase eintaneti, nkona gotagataga ntabwati kende ngokora.

Gusii.com nigo yagoretwe ase rigori ria $8.00

Keri keri, nkanyora buna naikire ase Melbourne IT na kogora erieta ria Gusii.com ase rigori ria $8.00. Oyio nigo orenge omwaka o 2005. Tinchieti gokora kende n' erieta erio, goikera omwaka o 2009. Nigo natigete Gusii.com rikana koyia buna amarwa are enyongo ime, goikera Monuguno O' Barema [ February ] 22, 2009. Emiaka ene emegima.

Omwaka oyio, nario ekerobu giatongetigwe ase obongo bwane na gontebia buna tiga tochake korika ebulogi. Ase boigo, obomanyi obwo naetwe bogantebia buna goika ebulogi eyio ebe, na korikwa ase omonwa bw' Ekegusii gioka.

Bono buna Abanyamorero bagoteba, "The rest is history". Ekero gi' chingaki echio, ntwanyorete amauko na goakerwa emerande n' abasomi abange buna mbuya torike amang'ana aya ase Ekenyamorero, egokogera nario abanto abange barayasome. Buya mono.

Amangana ya Abagusii na Gusii, Arikwe Ase Ekegusii No Oboremu!

Bono ntwe nigo twaroche buna ntwabwate okobwa kw' ogoonchora obomanyi obo twaetwe. Obomanyi obo nigo bwarenge goteba buna tiga amang'ana aito ntwe Abagusii Na Gusii, Arikwe Ase Ekegusii No Oboremu! Eng'ana eyio techieti korwa motwe. Bono korwa erio, eng'ana eyio ekaba e tagline y' ebulogi eye.

Eng'encho ende tiyarengeo, y' korika amang'ana aito ase Ekenyamorero. Ninki? Abangina n' abagaka baito nao bare, batagete gototebia buna twakamenyire, ase Ekegusii. Bono ntwe niingo, totagete korika amangana aya onsi ase omonwa obande? Gosaria obwansu bw' ogotebigwa Ekemira giaito, ase omonwa oito?

Kerenga kende gionsi nkiarengeo ase okorika amangana aya ase Ekenyamorero? Ntwe nigo twometie emetwe, togateba buna, "Bokongu tiboiyo".

Bono ninki kiagera nateba amangana aya onsi? Abaminto nigo nkoyateba aya onsi ekiagera ebulogi neba aroro, ayio onsi ni bure kabisa onye onde tari koyesoma. Onye onde tari gotarera ebulogi yao, rirorio notariika. Abagusii mbareo abange, banchete gosoma ase Ekegusii, nonya mbaria bamanyete Ekenyamorero mono.

Gati y' Abagusii abwo, abange nigo banchete gotarera Gusii.com. Ntwe nigo togoakera abasomi ba Gusii.com buna mbuya mono ase omokia bw' ogototarera kera riituko. Onde bwensi bwanchete gosoma ase Ekegusii, intwe oyio nere togokorera emeremo. Mbuya mono ase abasomi baito bonsi.

Mwanyagetinge mbuya  mono, ase ogotoikia emiaka 4

Ase chitariki 22 omotienyi o Monugumno O Barema [ February ] 2013, ebulogi eye nigo yaba emiaka 4! Omwaka o 2009 nigo okororekana buna moiso onde. Baminto ntwarenge gocha kogenderera koyerika ase emiaka eye yonsi, onya tari inwe mokoyesoma.

Goetera ase omokia motoete, ebulogi eye nigo ebwate 2,102 articles, goikera ase bono iga! Ase omwaka o 2011, ntwarentete omoriki Petronillah Ogoti ase ebulogi eye. Goetera ase oboriki bwaye obuya, nigo tobwate 109 articles chi' Ekemira giato! Aya n' amang'ana amaya, ayio arenge gocha gosirera nse, onye Petronillah atakoreti omokia omonene.

Emebayeno emiansu , korwa ase Petronillah nigo echiete aroro

Ase boigo, nigo tobwate Ebitandawili 80. Emebayeno ero rende? Aye Google erieta "Emebayeno Ya Abagusii", erinde omanye korora etichi ya Petronillah. Emeremo emiya.

Komenta nayio, Petronillah otorikeire goetania emegano 66, eyio abande totarenge gocha komanya, erinde togokigwe. Ase ogokina gw' ebulogi eye, nigo tobwate okoegerera okonene mono, gochia ase Ekemira amo n' Emebayeno, goetania ase amang'ana ande onsi.

Bono nase ki motangi? Naende nabo oraborie. Ntwe nigo twaroche buna abagaka n' abang'ina baria abakoro, naende bamanyete Ekegusii buya, mbagendererete kogota. Baminto nigo totagete baratosemia kende gionsi bamanyete igoro y' Omogusii, amatuko abo ataraera.

Eke nakio kegerete tokwerekererete korika Ekemira n' Emebayeno emenge, nario abachokororia n' ebichembene biato, batache gotoboria buna, "Bono inwe nigo mwaikaransete bosa, timwakora kende?" Ase okogenderera gokina, obomanyi twaetwe nigo bore okorigereria motwe gochia emiaka 20-40, na kogenderera.

Yaya. Ntwe ntori koonia oboremo boria twarieretwe eira

Chindoto n' emeroberio yaito, neri buna tiga ebulogi eye ebe ey' amatuko amange gochia motwe. Nonya n' ekero ntwe twachiire. Ase okorenda amang'ana n' Ekemira giato, Gusii.com nebwate associated internet properties buna:

[ I ] Mwanyagetinge.com,

[ II ] Mwamogusii.com,

[ III ] Abagusii.com,

[ IV ] Mogusii.com,

[ V ] Gusiionline.com, amo n' chinde.

Bono nabo tokonyora amauko n' goakerwa emerande botambe, tokoborigwa gose ntotagete goonchoreria amarieta aya, na koegwa eng'eria. Richibu?  Ntwe yaya tata. Koonia properties echio, tikoiyo. Toise koonia amarieta ayio, okwo n' okogenda mamincha y' obomanyi boria twaetwe back in 2009.

Ase boigo, koonia amarieta ayio nigo ebwekaine buna omomura, oria okoonia oboremo boria ise amorierete omwando, na koonia goikera ekeoreri igoro. Kaoniri goikera gesona, otigara bosa, nonya n' abana baye batabwati ase bagotienera.

Ewebusaiti eye nero ekeoreri giato, abwo ase togotienera. Komenta na associated properties, Gusii.com finally ntwabegete e logo ase omotienyi o Monuguno O Barema. Nigo twatagete e logo ebwate enguba yaito y' Abakenya.

Thanks to Tia Wood for the beautiful logo

Ntwatwarete okoraria korigia onde bwensi omanyete gochonga chi logo, erinde atochongere e logo yaito. Nigo twabete n' egesio, na konyora omosubati Tia Wood, oyio otoroiseretie e elogo eye. Tia wood nigo atoroiseretie amanchingi bori.

Bono ninki kiagera ogototebia aya onsi? Abaminto nche nigo nataka kobatebia aya onsi ritangani, ase ogoteba buna mbuya mono ase ogotobeka omokia. Eriakabere, nigo narora buna nigo ere buya, mbamanyie aya agendererete ase ebulogi eye, egekogera niinwe mokoyesoma.

Bono ntabatebetie inwe abanyene, niingo rende naende ndatebie?

Mbuya mono abaminto, and thank you for listening.

Jared Nyaberi, Omosomba bwe Ekegusii nao agotoka ase Abagusii AT Gmail.com, Twitter.com/abagusii na Facebook.com/abagusii. Gusii.com, Duluth, Georgia, United States. Rigwata [ April ] 20, 2013.

"Bono Nigo Mwasiegete Ebulogi?' Omogaka Okindo

 

 

Abagusii Wisdom Revisited

Aya amwabo aya:

"Ngai Mwachiete?

"Nigo Mwatigete Korika Ase Ekegusii?" Omogaka Onchiri.

"Bono Inwe Mobwate E Facebook Group?" Omongina Kemunto.

Sokoro tata ominto gaki yaya. Amagoso nayane. Amamocho nabeteo ekiagera tinarwete ekuurate buna Gusii.com nkonganya yarenge korwa 1AND1.com kogenda aaria ase Godaddy.com. Gochakera omochakano bw' ebulogi eye, edomain ya Gusii.com nigo yamenya aaria ase 1AND1.

Obotutukanu mbwabete, korende abaminto nao tore aamo. Nao bare aamo. Abangina ba Nyakwerigeria Group korwa ase ekenyoro kia Mwamisoko, Kisii South, Kisii County.

Bono nigo yaigete engaki y' okong'anya ase engencho Godaddy ebwate abakori emeremo amo n' emitambo emiya. Ntwe nigo twakagete buna okong'anya oko nigo kwarenge gocha koira chitageka 30 chioka.

Kai! Bono nigo yairete goatania chinsa 48. Ka moranche twabere ase obotutukanu obo bwabete. Nao tore aamo, naende baminto twabere. Chisokoro eechio, naende mosesenigwe n' ewikendi engiya.

Jared Nyaberi, Omosomba bwe Ekegusii nao agotoka ase Abagusii AT Gmail.com, Twitter.com/abagusii na Facebook.com/abagusii.  Duluth, Georgia, United States. Egesunte [ November ] 9, 2012.

"Bono Ninki Mokonya Korikera Igoro Y' Outdated Customs And Traditions?" Omongina Clemencia Mokeira

 

 

Abagusii Wisdom Revisited

Aya amwabo aya:

Ekegusii Preservation: Nigo Neyagia Omotwe

"Bono Inwe Mobwate E Facebook Group?" Omongina Kemunto.

Nigo Yangirete Twenty Years to Understand The Importance Of Preserving Culture.

Eee mbuya. 500 years from now. Abachokororia amo ne ebichembene bonsi mbamanye buna Omogusii narengeo. Nigo Omogusii agambete erwenyi engima korwa Bomanyi, goetera Tabaka ase chigware, mbaka Bogere. Mogusii tarenge mworo naende tarenge kwegesa.  Below, kobacha chigware aaria Tabaka Town.

Omong'ina Clemencia: Bono ninki mokonya korikera igoro ya outdated culture, customs and traditions? Ebinto ebi mbibakonye?

Jared Nyaberi: Obe! Omongina baba ominto, Nintwe bono okoboria?

Omong'ina Clemencia: Ee mwana. Gete ninwe mokorika abw' ase Gusii.com?

Jared Nyaberi: Ee gaki omong'ina nonye some traditions and customs chiabeire outdated, ntwe okogania gwaito n' ogochirika nse, erinde abande bagotobwatia nario barache komanya buna Omogusii akamenyire. Buna Omogusii narengeo. Kogacha amariko y' Abagusii ase ebigori ebike.

Omong'ina Clemencia: Nche ndoche buna ne chinsa  mosaretie. Igo bono timobwati gasi ende mogokora?

Jared Nyaberi: Gaki omongina mako moke, ntobwate chigasi togokora. Ekero twakorire chigasi echio, nario togocha twamanya kona konanageria aaiga, ase Ekegusii.

Omong'ina Clemencia: Bono rende mwana, onye mosomete buna mogotebaa, timokorika amangana aya ase Ekenyamorero nario kera omonto arayasome? 

Jared Nyaberi: Eee mama ominto mbuya ogoteba. Korende okogania gwaito n' okorika amang'ana y Omogusii ase omonwa oye. Omonwa bw' Ekegusii. Tari omonwa o bande. Ntwe nigo toroche buna omonw' oito n' omwansu, naende nigo obwenerete gwetenenera bwoka. 

Omong'ina Clemencia: Bono rende onye mokona korika ase omonwa bw' Ekegusii, iga mwana mosomete bori?  Iga mwakorete esukuru mwana?

Jared Nyaberi: Aaa! baba ominto rero nabo okamineti bori! Eee nonye ntochieti aare, ntwabichoreti togasooma aaasininiini.

Omong'ina Clemencia: Mwana nche nigo narenge korakoigwa. Nagookigwe ne ewebusaiti eye iga. Inwe genderera ne egasi eye engiya y' okorika na kogacha amang'ana aito y' Abagusii.

Jared Nyaberi: Mbuya mono mama ase ogototarera. Naende twakoariganirie oirane gosoma Gusii.com koranyore ribaga. Chingaki chingiya. 

Jared Nyaberi, Omosomba bwe Ekegusii nao agotoka ase Abagusii AT Gmail.com, Twitter.com/abagusii na Facebook.com/abagusii.

Welcome to Gusii.com @ Facebook Group

Secure your domain name now!

 

"Bono Inwe Mobwate E Facebook Group?" Omongina Kemunto.

 

Buna Twakabeire na Petronillah Ogoti. Gusii.com Proverbs, Culture And Customs Editor. Tureti Y' Kebaki (September) 4, 2011

 

Abagusii Wisdom Revisited

Aya amwabo aya:

"Timogotiga Kera Egento Kebe Ase Facebook?" Omogaka Okioma

Mobwate Ekegusii-English Dictionary?

Yes. Nothing Is Free

 

" Ngai more ase Facebook? " Omongina Kemunto

Omongina Kemunto: Inee nyaituga, bono inwe more ase Facebook gose?

Petronillah: Ntwe? Eee baba ominto gaki. Yaani ntomoche! Gose kera onde bwensi obwate esimi ya koboko nao are ase Facebook.

Omongina Kemunto: Bono rende mwana onye more ase Facebook, igo mobwate e Facebook Group?

Petronillah: E Group? Eee baba naintwe ntwaansa e Facebook Group. Ntwe twakoariganirie to join erinde otoe obosemia obo bwao obuya na gotomenta riberera.

Omongina Kemunto: Ayio na amaya nyaituga one. Bono rende e link ya Gusii.com Group at Facebook ng'ai ere?

Petronillah: Omongina baba aye tokumia. E link eyio nao ere igaa and welcome to the Gusii.com Group at facebook. Mbuya mono. 

Omongina Kemunto: Mbuya mono mwana. I will join.

Petronillah: Karibuni baba.

Secure your domain name now!