Gusii

Omogano Bw' Abagusii: Nchwo. Mwaariganigwe Komanya Ase Twarwete

 

Abagusii Wisdom Revisited

Aya amwabo aya:

Bosoku Tiboiyo Ase Ekegusii

Imobwate Ekegusii-English Dictionary?

"Timogotiga Kera Egento Kebe Ase Facebook?" Omogaka Okioma

Nigo nkoira ribaga eri kobaarigania abageni ba Gusii.com mwensi ase mwabeta. Nche nigo nde n' omogoko omonene ase ogoika engaki eye. Bono nabo togoteba maiso marore buna twakorire korika omogano oito Bw' Abagusii.

Magokoro baba ominto, omongina Kwamboka Mireri.  Amangana goetania enusu twarikire y' ekemira n' Ekegusii giato buna ntwe Abagusii twakabeire, nigo are goetera ase omongina Kwamboka. Mbuya mono baba ase kera egento.

Nonya titomanyeti kera egento, twamanyire make, kobwa ekero twachagete. Nigo twaansete obotuki ase omochakano bwo omwaka oria oerete. Bono nigo yaaira omwaka oyomo n' enusu, kobeka obotuki obo aamo.

Gaki ka moranche twabere ase okoira chingaki chintambe. Ekerenga nigo twatagete kogamba n' abangina n' abagaka ba Gusii bari bare moyo, naende bainyorete buna batebetigwe igoro y' omogano oyo oito. Tiyarenge egasi ere engororo igo.

Ntwe nigo twanyorete ng'a ase bono, Abagusii n' abake batigarete, abwo bamanyete omogano oito. Obokongu bonde twanyorete mbori ng'a, buna otarigetwe aande onsi, emegano yaito ntwe Abagusii n' emenge.

Omogaka Kenyanya Marube. Ntware gocha komanya igoro y' Mokendu O' Iruma, onye tari aye. Mbuya mono sokoro ominto.

Ase engencho emegano eye ere ao ao, ekabetereria buna goika abariki baikaranse aamo naende, goitona na kobeka obotuki obo aamo, erinde korika omogano oyomo. Ase okogenderera gotuka, nigo yaikerete buna nonya kere emenge, emegano yaito emenene nigo ere ebere.

Omogano oyomo nigo ogoteba buna nigo twarwete aaria Misri (Egypt). Omogano onde ogateba buna nigo twatirete korwa aaria Mokendo O' Iruma [Mombasa]. Bono ekabetereria buna goika Petronillah amo na Abner barigie abagaka n abang'ina abakoro, baria bainyorete buna batebetigwe.

Gatigati: Omogaka Samuel Omare Nyambisa ngotega are omogano. Mbuya mono tata ase ogotosemia. Bono twamanyire buna Abamanyi mbabwate amanyinga y' Abagusii.

Nche nigo ngoakera Petronillah Ogoti amo na Abner Nyaberi, buna mbuya mono ase egasi engiya. Kende tikiare gocha korikwa ase ebulogi eye igoro y' omogano oito, onye tari barabwo. Ase boigo, nigo ngoteba buna mbuya mono ase abagaka n' abang'ina abange, abwo batotebetie amange igoro y' omogano oito.  Mono mono, tiga toakere abakobwatia ase okorwa chingaki n' oboremereria bwabo, gotosemia:

Omongina Kwamboka Mireri, (Ichuni) Bomobea, Nyaribari Masaba;

Omogaka Samuel Omare Nyambisa, (Gesure) Bosansa, Bobasi Chache;

Omogaka Kenyanya Marube, (Otamba) Bogeka, Nyaribari Chache;

Mbuya mono ase okoremeria amaborio aito, na gotoa obosemia. Obotuki bw' Petronillah amo na Abner obwo, ase blog posts chikobwatia.

Next In This series: Omogano Bw' Omogusii [Abagusii History]

Ka moranche rigereria:

{I]. Ase engencho y enchera blog posts chikorikwa, nigo twaansete korika korwa magega, bono twakoreire gochia omochakano. Enchera engiya y' ogwesomia omogano oyo bwensi no ogoansera e post eye y' Omogano bw' Omogusii na kogenderera Next ase kera e series goikera okorere ase e post egoteba buna Ingai Twarwete?.

[II]. Kobwatekana n' ogotarikwa kw' omogano oito n' Abagusii ntwe tweka, emegano yaito nigo ere emenge, naende ebwate "versions' ao ao. Kerabe buna obotutukanu mboreo ase oboriki obo, ka moranche totebie, erinde tobogorore. Nigo togoteba iga ase engencho tomanyete buna ntomanyeti kera egento. Mbuya mono ase kera oyomo and enjoy.

Jared Nyaberi, Omosomba bwe Ekegusii nao agotoka ase Abagusii AT Gmail.com, Twitter.com/abagusii amo na Facebook.com/abagusii. Duluth, Georgia, United States. Amaumuntia (May) 26, 2012.

Welcome to Gusii.com @ Facebook Group

Omogano Bw' Omogusii [Abagusii History]

 

 Buna twakabeire amo na Petronillah Ogoti Gusii.com Proverbs, Culture And Customs Editor. Obotuki bonde amo na Abner Nyaberi, Kenyatta University.

Abagusii Wisdom Revisited

Omogano Bwo Omogusii:

Oral Sources On The Ground:

Omongina Kwamboka Mireri, (Ichuni) Bomobea, Nyaribari Masaba;
Omogaka Samuel Omare Nyambisa, (Gesure) Bosansa, Bobasi Chache;
Omogaka Kenyanya Marube, (Otamba) Bogeka, Nyaribari Chache;
Amaumuntia (May) 26, 2012.

Aya amwabo aya:

Abagusii: Ingai Twarwete?

The First Gusii.com Blog Post On February 22, 2009.

"Bono Ninki Mokonya Korikera Igoro Y' Outdated Customs And Traditions?" Omongina Clemencia Mokeira

Emegano y' ororeri rwaito ntwe Abagusii n' emenge.  Nigo togotebigwa buna ntwe Abagusii twensi nigo twarwete aaria Misri. Kobwatekana n' omogano oyomo, ororeri rwaito nigo rore iga:

Omonto akaibora Enonko. Enonko akaibora Ribiaka. Ribiaka akaibora Magoma. Magoma akaibora Osogo. Bono Osogo nere akaibora Mogusii. Bono sokoro yaito Mogusii, akamanya koibora Mogusero, Mochorwa, Mobasi, Nyaribari, Mogirango, Mogetutu, Monchari, na Momachoge.

Okonywoma n' okonywomwa gochia ase ebisaku binde nkare gwaansete: Aaiga Transmara nao omosubati oyomo o Gusii orenge korokwa Koinania anywometwe n' Omomanyi na gotigara. Gatigara oo, ntwe tokagenderera n' orogendo rwaito gochia Botende. Ase igo, twensi n' abamo n' Abamanyi egekogera mbabwate amanyinga aito.

 Abangina b' omogaka Mogusii

Mogusii nanywomete abakungu batano buna ekobwatia:

1. Moguche Ibu ore korokwa Kemunto akaegwa erieta rie ebitinge akarokwa Bonareri.
2. Nyamisanchu ore korokwa Kwamboka oetwe Nyaboke, koba  erieta rie ebitinge.
3. Bosibori nere obwate omomura okorokwa Mocharwa.
4. Bwari nere oiborete omomura okorokwa Omache, o Monchari. Omache nere naende orogetwe Onchari Omache, Chindiba Chia Bokendu.
5. Mokeira, oyio oiborete Sereti ore Omogusero.
Emegano yo ogocha n' okonganya kwa Abagusii nigo ere emenge. Ase boigo, emegano eye tiyarigetwe aande. Ntwe nigo tokoyerika bono buna togotebigwa. Ase boigo, nigo togotebigwa buna ase chingaki echio chionsi , eganga ya Abagusii nigo yarenge konganya ase okorigia ense entobu ase ebimeri.

Gotenena nkwarengeo. Onye ememiso gose mesabakwa tiyarengeo, abagaka nigo barenge goteba nga "Togenderere gochia motwe".

Ase okonganya kwabo, nigo barenge korigia ase ememiso amo n' emesabakwa ere emenge. Ebi nabio biare kobaorokia buna ase ayio natobu. Omogano omotangani nigo ore iga:

Omogano oyo nigo ogoteba buna Omogusii nigo arwete korwa chinsemo chia Irianyi gose ensemo ya Mombasa, mbaka agacha goika aiga nka Gusii.  Ase Abagusii, Mombasa eyio, nigo naende yare yare korokwa Mokendo o' Iruma.

Nigo togotebigwa buna Mogusii narenge na momura omwabo ore korokwa Otere oyio onaende ore korokwa Mogikoyo. Abamura aba babere nabwo batirete korwa Irianyi ya Mokendo o Iruma (Mombasa) na gocha gatigati ya Kenya.

Aiga gatigati ya Kenya, Otere nao atigarete. Mogusii amo na basubati bamwabo bakanyora buna ememiso amo n' emesabakwa tiyarenge aaiga gatigati ya kenya. Korende Mogusii, kare na abasubati bamwabo bakagenderera ase okong'anya ko batiga Otere aaira gatigati ya Kenya.

Omosubati oyomo ore korokwa Moragori, nigo atigarete aaria aange na Mt Elgon (Boruya) ase okonganya, akaba ngina Abamaragoli. Omosubati onde, Mosoba agatigarera igaaria Suba. Ase boigo, omosubati onde omwabo Mogusii, ore korokwa Mokogoti, naende gose Mokoro, nigo achiete agatigara aaria Botende (kuria).

Korwa gatigati ya Kenya, Mogusii nigo atorete aaria Boruya. Nonya nabo igo, nigo banganyete naende korwa Boruya na komotiga Moragori  aroro. Korwa abwo, bagatirimboka gochia chinsemo chia Irianyi ya Boruya na goika Egesumu (kisumu).

Below: Beautiful Mokendo O' Iruma: Omogano onde bw' Abagusii nigo ogoteba buna Mogusii amo na abamura babwabo abwo barenge Otere [Mogikoyo], Momeru, Mokamba, Moragori amo na Moembu nigo baimogete ase orogendo korwa aaria Mokendo O' Iruma [Mombasa]. Ntomanyeti buna ninki kiagerete Mogikoyo, Momeru Mokamba, amo na Moembu bagatigarera aaria Central kenya, korende Moragori amo na Mogusii barabwo bakagenderera n' orogendo. 

Aaiga ase ensemo ya Egesumu, bakaagacha egesarate gio okomenya (ebisumu) abwo Egesumu (Kisumu), korende chimori chikaagacherwa ebisumu ebinge. Mogusii akaroka asaya, Egesumu (Kisumu) korwa ase ebisumu ebi baroseti.

Buna togotebigwa, aaiga Kisumu nao omomura oyomo orenge korokwa Orechi [Enswe ase Ekegere] aiboreretwe. Ase boigo, aaiga nao omoiseke orenge korokwa Kemunto (gulf ase Ekenyamorero) aiboreretwe.

Mogusii tachieti komenya abwo Kisumu ase amatuko amange. Ogocha kwa Abagere amo n' riroba gotaba riitobu gokagera Abagusii naende bakanganya korwa Egesumu kogenda ase akorokwa Gwasi. Aaiga Gwasi, riroba itobu ndiarenge aroro nonya.

Ase engencho eyio, Abagusii amo na abande naende bakanganya na gotiga Mosoba (Abasuba) aroro. Aaiga Bosoba nao omwana omomura orenge korokwa Mosoba aiboreretwe.  Korwa Kisumu, Mogusii bagaeta na gotamboka ase Ekemunto (gulf) na kwamboka gochia ase ebitunwa bia Gusii.

Ko baika Gusii, bagaatanekana. Mokoro akagenda Botende (kuria) na Mosoba akamboka kogenda Bosoba (Suba). Nonya nabo igo, Mogusii ere agatigara Gusii na mbaka rero nao are Gusii. Oyo noro omogano bw' okonganya gwaito omotangani.

Aba bonsi n' abaminto. Omokamba, Omoragori, Omogikoyo, Omoembu, Omomeru, Omotende, Omosoba: Nigo tokona goitana bosa. Aba mbamura n' baiseke baminto.

Omogano onde bw' omochakano bwo Omogusii nigo ogoteba buna Abagusii nigo barwete Misri (Egypt ase rero). Ritangani, nigo togotebigwa ng'a Mogusii, oyio ore ise bw' Abagusii bonsi, narenge amo na bamura babwabo abwo barenge Moragori, Mokamba, Mogikoyo, Moembu, amo na Momeru.

Baminto ng'ai twarwete?

Nigo togotebigwa buna Mogusii, kare na bamura bamwabo, nigo atirimbogete ase chingegu chi' oroche rwa River Nile na goeta gati gati y ense ya Ethiopia. Korwa abwo, akagenda Sudan na gosokera aaria Uganda. Korwa Uganda (Boganda), Mogusii nigo agendererete n' orogendo mbaka agaika aange na Mt. Elgon.

Nigo togototebigwa aaiga Mt. Elgon, nao Mogusii aatananakenate amo na abamwabo, na kogenda kobwaye. Moragori ere agatigara aaria ange na Mt Elgon, na koba ase egesaku kia Abaluhya. Gatiga abamwabo, Mogusii akang'anya na kogenda komenya aaria aange na Siaya, eyio ere Bogere ase rero.

Ntomanyeti buna ninki kiagerete Mogusii agatiga abawabo ase okonganya oko. Ase engencho y' chisegi korwa ase Abagere be ense eyio ya Siaya, Mogusii akang'anya naende, korwa abwo na kogenda komenya aaria Egesumu (Kisumu).

Erieta "Kisumu" n' rie Ekegusii

Aaiga, Egesumu, nigo Abagusii baagachete ebisumu ebinge bie chiombe, ekagera bakayaroka (Gesumu) Kisumu. Nigo togotebigwa buna aaiga Gesumu nao Mogusii amo na ng'ina, oyio ore korokwa Nyakomogendi basirerete na gotindekwa.

Nonya nabo igo, chiombe chigaansa gokwa n' enchara enene ekaba abwo Egesumu. Ge enchara yaba, abana ba Mogusii tibachieti komenya igaa ase amatuko amange. Ase engencho y enchara eye, abagaka abanene b' egesaku giaito ase engaki eyio, abwo barenge Mobasi, Oibabe, Mochorwa na Mogusero bakaroberia okonganya kwa Abagusii korwa Egesumu, kogenda gochia ase ebitunwa bia Gusii ya rero.

Ke emeroberio eye y' okonganya yaera, bagatamboka ase ekemunto (gulf) na goika ase ebitunwa bia Gusii ya rero. Korwa ase ebitunwa bia Gusii, bakagenderera konganya mbaka bagaika Kericho [eye nero naende ekorokwa Kabianga].

Ko baika Kabianga, obokongu bokaba. Ndagera tiyare kwama. Tari igo rioka. Esegi korwa ase Abamanyi amo no Abasigisi ekaba entindi. Komenta nayio, oborwaire obonge ase etugo amo na abanto bokabucha. Bono emechando eye yonsi ekagera Abagusii bakaroka ase aya, Kabianga.

Ke emechando emenge yaba aaiga Kabianga, Abagusii bakanganya naende na koirana bagotirimboka gochia Sotik, Gelegele, Ikorongo, Trans Mara [ Emara gose Transmara, Mara Motobo, Igena ria Gamba].

Naende nigo tokona goitana bosa. Abamanyi mbabwate amanyinga aito ntwe Abagusii.

Aaiga Emara Motobo nao omosubati oyomo bwa Abagusii orenge korokwa Nyakoinania anywometwe amo na Abamanyi na gotigara Bomanyi. Korwa abwo, Abagusii bakagenderera ase okonganya gochia Migori (Botende), Nyangarora, Nyakoe, Getembe [ ange na Marani], Manga Isecha (Emanga y' Ogeto, na Monyerero) ime ya Central kitutu, amo na aaria Emanga nse ya Ikuruma.

Egesaku getabwati abarai nigo kegotagoka. Abarai mbakabeiroo korwa kare

Abwo ase obomenyi n' okonganya gwaito gwensi korwa Egesumu, Abagusii ntwabwate abagaka abanene abwo barenge korwa oborai amo n' obosemia. Gati y'  abagaka abwo ase chingaki echio nigo barenge koraa chinyomba chia Abagusii nigo barenge buna ekobwatia:

[I]. Abanchari [Omogaka Oisukia nere orenge omorai].

[II]. Ababasi [Mogichoncho, oyio orenge omomura omonene o Mobasi nere orenge omorai].

[II]. Abasweta [ Omogaka Manyanta nere orenge omorai]. Ka moranche inyora buna Abanyaribari amo na Abamachoge nabwo Abasweta. Abagusii mbebagete amarieta gete ye chingiti ao ao, amarieta ayio akabwata. Omogaka Manyanta nigo arenge koraaa Abanyaribari amo na Abamachoge bonsi.

[IV]. Abagetutu [ Omobani Sakawa nere orenge omorai]. Ase okoinyora naende, Omobani Sakawa nigo arwete ase enyomba ya Abageka aaria Bogetutu. Abageka nabwo barenge enyomba enchorwa ya ababani ase Abagusii. Tochiesera Abageka.

Next In This Series: Omogano Bw' Omogusii [Abagusii History]: Chinyomba Chio Omogusii [Abagusii Clans ]

Welcome to Gusii.com @ Facebook Group

Omogano Bw' Omogusii [Abagusii History]: Chinyomba Chio Omogusii [Abagusii Clans ]

 Buna twakabeire amo na Petronillah Ogoti Gusii.com Proverbs, Culture And Customs Editor. Obotuki bonde amo na Abner Nyaberi, Kenyatta University.

Abagusii Wisdom Revisited

Oral Sources On The Ground:

Omongina Kwamboka Mireri, (Ichuni) Bomobea, Nyaribari Masaba;
Omogaka Samuel Omare Nyambisa, (Gesure) Bosansa, Bobasi Chache;
Omogaka Kenyanya Marube, (Otamba) Bogeka, Nyaribari Chache;
Amaumuntia (May) 26, 2012.

Chinyomba chio Omogusii:

Aya amwabo aya:

Omogano Bw' Omogusii (Abagusii History): The History Of Abagetutu [ Enda Y' Enchogu ]

Amarieta Y' Okwebaka Ase Chinyomba Chia Abagusii

Abageka: Enyomba Ya Ababani.

Ntwaroche nga aaiga Egesumu (Kisumu), nao ng'ina Mogusii [ omongina Nyakomisaro oyio naende orenge korokwa Nyakomogendi ] asirerete. Ase boigo, ntwatebetigwe buna omwana o Mogusii okorokwa Orechi (Enswe ase Ekegere), nao anyoreretwe aaiga Egesumu.

Ase okogenderera gotebigwa omogano oyo oito, temanyekanetie gose Orechi ere nigo atigarete aaiga Egesumu ase okonganya konde gwaito, na gotwara ororeri rwaye aroro, gose nigo asirerete aroro.

Erieta "Kisumu" n' rie Ekegusii. Twaikire Downtown, City Of Kisumu [Egesumu]. Tiga tosike omochie o Kisumu. Aaaiga nao esokoro yaito enene, Mogusii asirerete. Ase boigo, aaiga nao ng'ina Mogusii, [ magokoro oito omonene Nyakomisaro, oyio naende ore korokwa Nyakomogendi ] asirerete.  

Ase okogenderera n' omogano oyo oito, nigo togotebigwa buna abamura ba Mogusii baria banganyete korwa Egesumu nigo barenge batano na babere. Orechi ere tari gokwanwa ase achiete. Bono nigo togotebigwa ng'a Mogusii narenge ne chinyomba isano na ibere buna ekobwatia.

Chinyomba echio nigo chire:

[I]. Mogusero: Mosinto Omogusii omomura omonene, nigo arenge korokwa Mogusero. Mogusero nigo aiboretwe n' omongina Mokeira Bwari, oyio orenge oyomo bw abangina batano b' Mogusii. Omomura oyo Mogusero nere otang'ete komena egesero mogondo! Komenta nayio, Mogusero nere naende togotebigwa orenge korokwa Sereti.

Abana b' Mogusii nigo barenge buna ekobwatia:

Ase okounenkia omogano oyo oito, temanyekanetie gose Mogusero ere nayorete enyomba yaye buna Monyaribari gose Mobasi, konyora atarasira gose nigo asirete bogesi. Nonya nabo igo, ekero tokobwatia abana ba Mogetutu, Abagusero mbareo.

Omwana oyo o' Mogetutu okorokwa Mogusero nabo erabe ng'a nigo nigo aetwe erieta ria ise moke [ Mogusero oyio konyora osiriore magega ].

[II]. Omogetutu: Ase abana ba Mogusii baria baigete kwamboka korwa Egesumu gocha ase ebitunwa bia Gusii na gochia motwe, Mogetutu nere omomura omonene. Omogetutu gose Mogetutu Mw' Nyakundi ere nigo arogetwe iga korwa ase omongina Mogoisera oyio otamete.

Bono Mogoisera nigo arenge otare konyora bamura. Ekabetereria ng'a omongina Mogoisera [ mosubati omwabo Gichana ] goika anywome omoiseke oyio oramonyorere omwana.  Ekero omosubati oyo anyora omwana, akamonengeta ng'a " Na aganto g' Enkundi...Agatutu". Omwana oyio akarokwa Mogetutu Mwanyakundi.

[III]. Mogirango: Mogirango ere nigo arogetwe iga ase engecho y' omongina Bwoisera ore koanga koria engo koyaitirwe. Omongina oyo ere nigo are kogira na gokana pi pi pi buna takoria engo. Gachia konyora omwana bakamoroka buna Gendabu Mw' Mogirango Okogira Engo. Bono aba bakarokwa Abagirango gose "Bakogira engo".

[IV]. Monyaribari: Nyaribari amagenga rende barabuo ninki barokeretwe iga? Abamura ba Nyaribari abagaka na abana babo kibare kogenda esegi yo oroari rwa Sigisi na Gusii nigo bare gotanga Mosigisi taira chiombe chia Gusii bakarokwa Nyaribari Amangenga.

[V]. Mobasi: Ababasi nigo baitete eng'era na koyebasa korwa omogongo rika bare koyenyenya korwa ritana. Bakarokwa Ababasi.

[VI]. Momachoge: Abamachoge rende? Omwana omoiseke Bwoisera akagenda Bomachoge rinani ime. Buna togotebigwa, eng'oge ekamonyoria omwana akarokwa Machoge Osweta Ngoge.

[VII]. Monchari: Bonchari na abana b' omosubati o Mogusii orenge korokwa Kebenchari. Omosubati oyo Kebenchari nigo asogete Bogere, korende magega yaye akairana nka Gusii. Ororeria rw' Kebenchari narwo rokorokwa Abanchari.

Next In This Series: Omogano Bw' Omogusii (Abagusii History): The History Of Abagetutu [ Enda Y' Enchogu ]

Welcome to Gusii.com @ Facebook Group

Omogano Bw' Omogusii (Abagusii History): The History Of Abagetutu [ Enda Y' Enchogu ]

 Buna twakabeire amo na Petronillah Ogoti Gusii.com Proverbs, Culture And Customs Editor. Obotuki bonde amo na Abner Nyaberi, Kenyatta University.

Abagusii Wisdom Revisited

Oral Sources On The Ground:

Omongina Kwamboka Mireri, (Ichuni) Bomobea, Nyaribari Masaba;
Omogaka Samuel Omare Nyambisa, (Gesure) Bosansa, Bobasi Chache;
Omogaka Kenyanya Marube, (Otamba) Bogeka, Nyaribari Chache;
Rigwata (April) 14, 2012.

Omogano Bw' Abagetutu

Aya amwabo aya:

Abageka: Enyomba Ya Ababani.

Abagusii: Baminto Ngai Twarwete?

Kabianga Amo Ne Esegi Yo Osao Sao

Omogetutu, oyio naende okorokwa omwana bw' Enda Y' Enchogu, nere omomura omonene bw' Omogusii. Buna togotebigwa, Onyangore nere ise Omogetutu. Tari igo rioka tata. Buna twatebetigwe, omogaka Onyangore naende nere ise Omonyaribari. Omogaka bw' chinguru naende omokongu.

Abachokoro b' Enda Y' Enchogu nyabana bange. Aye noita ki tokobara okore. Omogaka Onyangore n' enchogu enene bori. Omogaka Onyangore nere tata omwabo Abanyaribari amo n' Abagetutu.

Ritangani, omoiseke bwo Omogetutu- omong'ina Mogoisera (oyo omwabo Gichana amo n' Ogeto ) akaiborera nyomba ataranywomwa n omosacha. Nigo omosubati oyo aiborerete nyomba ase eng'encho anywometwe n' omosubati oyo omwabo Gichana, oyio otarenge konyora bana.

Bono omosubati oyo akaibora na konyora omoisia. Bono abaamate ki bakonya koborani ng'a mwana ki oiboirwe, omosubati oyo akabatebia ng'a "Gaki mwana onde mwamwanyire. Gete na Agatutu, Akana Enkundi".

Korwa aaiga, Mogetutu rigachakera abwo. Abagetutu na abana ba Nyakundi korwa ase erieta "Akana Enkundi". Ase igo, Nyakundi n' erieta ninene mono ase Abagetutu amo na Abagusii bonsi ase babeta.

Buna togotebigwa, Nyakundi akanywoma amanywomo ane na koibora abamura buna ekobwatia korwa ase kera omokung'u:

Korwa aaiga, Abagetutu bagasara na koba chinyomba chinyinge. Nigo bare chinyomba chinyinge mono, eyio yagerete bakarokwa naende buna abana b' "Enda Y' Enchogu" twamanyire. Chinyomba chi abana b' Enda Y' Enchogu nigo chire buna ekobwatia:

Abaminto echi echi nachio chinyomba chire Bogetutu. Korwa ase omongina magokoro Kwamboka Mireri, amo na abagaka chisokoro Samuel Omare Nyambisa amo n' Kenyanya Marube, mbuya mono and thank you for listening. 

Next In This Series: Omogano Bw' Omogusii (Abagusii History): Chinyomba Ch' Abanyaribari (Abanyaribari Clans)

Welcome to Gusii.com @ Facebook Group

Secure your domain name now!

Omogano Bw' Omogusii (Abagusii History): Chinyomba Ch' Abanyaribari (Abanyaribari Clans)

 Buna twakabeire amo na Petronillah Ogoti Gusii.com Proverbs, Culture And Customs Editor. Obotuki bonde amo na Abner Nyaberi, Kenyatta University.

Abagusii Wisdom Revisited

Oral Sources On The Ground:

Omongina Kwamboka Mireri, (Ichuni) Bomobea, Nyaribari Masaba;
Omogaka Samuel Omare Nyambisa, (Gesure) Bosansa, Bobasi Chache;
Omogaka Kenyanya Marube, (Otamba) Bogeka, Nyaribari Chache;
Rigwata (April) 13, 2012.

Omogano Bw' Abanyaribari

Aya amwabo aya:

Omogano Bwa Abagusii

Abagusii: Baminto Ngai Twarwete?

Kabianga Amo Ne Esegi Yo Osao Sao

Baminto, totaragenda aare, nigo twatebetigwe buna ase abana b' Omogusii, tiga toinyore egento ekemo ekenene mono. Egento ekio nkeri nga ise Abagetutu amo na Abanyaribari n' oyomo! Bono omogaka oyio nere ng'o? Oyio nere omogaka Onyangore.

Omonyaribari nere obagete Omogusii bwensi ase abeta. Ase Boigo, abagambi korwa Nyaribari nabwo babarete Abagusii bonsi ase omobaro bw' ritangani. Below: Goaka chitiero aaria Kiogoro, Nyaribari Chache.

Onyangore nere ise Omogetutu amo n' Omonyaribari. Aase okoinyora naende, Omogetutu nigo aiboretwe korwa ase omosubati otabwate mwana momura. Omosubati oyo otarenge konyora bana nigo arigeti enyaroka akayenywoma. Ke enyaroka eye yanywomwa, ekaibora omwana oyio obisetu nyomba akarokwa Mogetutu gose Nyakundi.

Igo Abagetutu amo na Abanyaribari nigo bare basinto b' omogaka Onyangore. Bono chinyomba chire Nyaribari nigo chire buna ekobwatia: 

Nyaribari Clans:

Gati ye chinyomba echi twarorire abwo igoro, chinyomba nchireo chiri chitari konywomerana. Echi nachio chinyomba chiri chikorokwa Kamba Nane. Chinyomba echio nigo chire:

1.Nyakoni na Bomobea
2.Nyameyio na Monda
3.Gesicho, Moriango na Boto
4.Bogeka na Nyagatanyi.

Obe! Bono naki ngokora n' enyaroka eye nyakieni nao erwete seito ase enyomba ya Kamba Nane?

Abasubati aba bane bana babo mbanya konywomerana egekogera n' abamo. Aba nabwo bakorokwa Kamba nane. Kamba Nane na abana b' Omoraa Ochondwa Nyabana Bange Etari Gokwerwa, Etari Gochi Ime! Bono chinyomba chia Kamba Nane nechi:

 Namba Nane:

1.Bomobea
2.Moriango
3.Onyakoni
4.Onyameyio
5.Monda
6.Boto
7.Bogeka
8.Gesicho

Abako ba Kamba Nane mbareo. Eee bono. Gati ya abana ba Nyaribari bari bakonywomerana na abana baria barwete ase abangina ba Kamba Nane, nabwo aba:

1.Abasigisa
2.Abakimotwe
3.Abatondo
4.Ababura
5.Abaguche.

Abaminto echi echi nachio chinyomba chire Nyaribari. Korwa ase omongina magokoro Kwamboka Mireri, amo na abagaka chisokoro Samuel Omare Nyambisa amo n' Kenyanya Marube, mbuya mono and thank you for listening. 

Next In This Series: Omogano bw' Abagusii: Abanchari and  Omogano Bw' Omogusii (Abagusii History): The History Of Abanchari

Welcome to Gusii.com @ Facebook Group

Secure your domain name now!