Chinkomoro Ninki?

Na Petronillah Ogoti. Gusii.com Proverbs, Culture And Customs Editor. Monunguno O Barema (February) 22, 2011.


Abagusii Wisdom Revisited

Chinkomoro 1

Kobanga chinkomoro

Nomanyete similes buna chikorokwa ase Ekegusii? Eee bono. Nigo chikorokwa chinkomoro. Rero tiga torakwana ingo igoro ye chinkomoro ibere na amo ne emebayeno ebere:

CHINKOMORO:

1.Kora emerondo buna eye ekeguye. Yaani nigo andama bono? Engecho ende omonto obwate amagoro amanyerere mono. Aya nigo agotumeka ekero okorama oyonde gose abande bateba ekenyamerondo.  

2.Omwororo buna riruma. Abaminto nonya korwa emuma ime riruma nigo rigotebekana rire riororo, riitongo, ndibwati mangana. Bono amangana aya nigo agotumeka ekero ogokwana igoro yo omonto omoitongo gose omwororo. 

EMEBAYENO:  

1.Moeta mono onyora mara are iiga. Bakoro mbaroche aya onsi. Kona goeta kera ase nabo gokorenta chindwari chinyinge. Kera omonto nigo agokurerwa aya tiga obonyaka gose tagotwara abasani abange mogosanga kemobere ekiagera korakore obonyaka mara are iiga nakonyora endwari.        

2.Tuga ntakana a ngombe, totuga ntakana a monto. Nabo orakonye  omonto korwa emechando ime magega yaye nonya mbuya mono tagotebia, naende agokorere ogochaya na takoa esiko eria kwamokonyete ekero achandegete.