Mbuya Mono Tata Riiyo R' Ebasweti, Eng'iti Enene Ya Gusii: Christopher Monyoncho O Nyamwari na Kegogi Bands, 1945-2013.


Na Petronillah Ogoti, Gusii.com   Esagati [Sagati Ya Magonga ] October 04, 2013.
 

Aya amwabo aya:

Riyo Riebasweti

Omosike Christopher Monyoncho


Abaminto Mwanayagetinge twatebiigwe buna Riiyo R' Ebasweti, omogaka Christopher Monyoncho orarire. Nigo twatebigwa buna omogaka Monyoncho nigo abete omorwaire botuko, na koirwa nyagitari. Bono gaaikigwa aaria Christa Marianne Hospital, Kisii Town, ababwenia bateba buna omogaka Monyoncho orarire. 

Ritangani, ntwe ase Gusii.com nigo tokoa enka amo na abamwabo omogaka Christoper Monyoncho engora yaito. Ase boigo, pole sana ase amashabiki y' Riiyo R' Ebasweti ase abeta. Mbuya mono tata ase ogotogokia.

Konyora amatera amange y Ekegusii atararikwa na goterwa, ere nao arenge. Konyora emitambo emenge y' chiredio etarabekwa, nere ogatogokirie kera emorogoba ase ensa eyemo yoka, korwa ase VOK, Kisumu.

Christopher Monyoncho: Engiti enene ya Gusii.

Mbuya mono tata ase ogotobeka omoyo togancha omonwa oito. Mbuya mono tata ase ogotogokia. Tiga Omonene Tata Nyasae abeke enkoro yao ase achenu.

Mbuya mono omogaka Christopher Monyoncho. Tiga orare buya ase chisokoro


Riyo Riebasweti

Aya amwabo aya:

Mbuya Mono Tata Riiyo R' Ebasweti, Eng'iti Enene Ya Gusii: Christoper Monyoncho O Nyamwari na Kegogi Bands, 1945-2013.

Omosike Christopher Monyoncho

 

MonyonchoOmosike Christoper Monyoncho

Oterire ase goetania emiaka 40. Abana baiboirwe, bakinire na konywoma bagotegerera chingero chiaye. Omosike Christoper Monyoncho, oyomo bwa abagaka abanene bo orogongo ime ya Gusii.

Oyo nere Riyo Riebasweti. Omosike Monyoncho nigo aiboretwe omwaka o 1945 aaria Kitutu Chache. Nigo aansete esukuru ekero konyora aikire emiaka 14. Ase engencho yo obokongu, akagenda aaria Arusha, Tanzania gokora egasi ye chibao.

Ekero airana gocha Kenya, agasoa esekenderi. Rakini tachieti gokora esekenderi. Akanyora obokongu bwe chibesa. Omosike Monyoncho naende akairana ase egasi ye chibao. Ase boigo, omosike Monyoncho agaansa gotera amatera aye ase chinyangi amo na emeyega ao ao.

Nigo are gotera impaka abategereri baitera amariga. Ase Omwaka o 1970, akanganya gochia Kericho. Agaansa gotera amo na John Sitora na Nyamwari Band.

Nario erio aterete chingero chingiya buna Entereba Egatinda Ekarara,Ogosira gwa Joyce, Goika Otugute Oyomino, Ingine na Ingine na Bosibori Omurugi.  Yobensia Moraa na Emeremo Yamasamba.

Chingero nirenga Riyo Riebasweti riaterire? 10? 50? Chingero goetania 500! Imbuya mono omosike Christopher Monyoncho  na Nyamwari na Kegogi Band. Kanywe mache maya. Chisokoro.

Amangana Ye Riyo Riebasweti Korwa Wycliffe Nyakina bwe e Standard


Christopher Monyoncho

Aya amwabo aya:

Riiyo Rie Ebasweti

Mbuya Mono Tata Riiyo R' Ebasweti, Eng'iti Enene Ya Gusii: Christoper Monyoncho O Nyamwari na Kegogi Bands, 1945-2013.

Omosike Christoper Monyoncho nere otokinetie. Nigo tware kobekerwa amatera yo omosike Monyoncho ekero gie Ekerisimasi erinde twatenga. Ninginyorete sana ekiagera Ekerisimasi gioka nario tware koria omogati obwate Blue Band amo na amandasi.

Intwe abana twaegwa oboba na ekebwato kie engoko. Buya sana. Amatera aya aye nao are ase Youtube amo an ase ewebu saiti eye.

Nigo nare konya koabusa goeta goeta narora inga Omosike Monyoncho tiaga aegwe ensemo yaye bweka ase Categories. Ase Boigo, abateri bande abanene ba Gusii buna Abana Sungusia, Grandmaster Masese amo na Mr. Ongengo nabarabwo baeirwe chinsemo chiabo ase Categories. Tari igo rioka, Edwin Okongo, oyio ore Omogusii omotangani konyora e Webby Award, nere oeirwe e Category yaye. Imbuya mono ase abateri bonsi ba Gusii.