Gusii

Ebitandawili LXXXI: Kaa Gento Ki Gekoagacha.....

    

Buna twakabeire: Na Petronillah Ogoti. Gusii.com Proverbs, Culture And Customs Editor. Rigwata [ April ] 29, 2013.

 

Abagusii Wisdom Revisited

 

Aya amwabo aya:

Ebitandawili LXXX: Abamura Bane........

Ebitandawili V: Kaa Gento Ki Kegochiera.............

Ebitandawili LXVIII: Inee, Kaa Gento Ki Gekomenta..........

 

Egetandawili minto Mwanyagetinge? Tega: Kaa gento ki gekoagacha mwaye, korende tikebwati magoko?

Nigo akong'etie koagacha, ko n' magoko tabwati. Inee, Google ngo Omobayeno oyo: Egetinkinye ekeng'aini keagache enyomba yaye.......

RICHIBU: Enyoni. Enyoni n'egetogwa ki'ogokumia. Nigo enyoni ekoagacha egeswa kiaye, erinde kiaba na komenya, neba buna enyoni eye teri na maboko ekoagachera! Enyoni nigo egosomba ebinto biokoagacha enyomba yaye, goikera biaisana na magoko y'okobogoria yatongetwe naro.

Ebitandawili LXXX: Abamura Bane........

  

Buna twakabeire: Na Petronillah Ogoti. Gusii.com Proverbs, Culture And Customs Editor. Rigwata [ April ] 17, 2013.

 

Abagusii Wisdom Revisited

Aya amwabo aya:

Ebitandawili LXXIX: Nimosibia...

Ebitandawili XIX: Egesagane Kia Moraa....

Ebitandawili LXIV: Nimbwate Agasaiga......

 

Egetandawili ngocha nde minto Mwanyagetinge? Tega: Abamura bane mbaroo abwo bare abamwabo. Bono, omonene nigo akominyoka, korende tanya korosa. N' oyokabere nigo akoragera korende tanya koigota!

Oyogatato ere nigo anchete konywa, korende erang'o tiyanya komoerera. Ase boigo, oyo kane nigo agotera korende ogotera oko nkwanya koba kuya. Bono abamura aba nabwo barabi?

Koigota tikoiyo. Aye noyoa endagera ekenyitita, echio n' chingaki osaretie. Morero tonya koigota.

Obe riarure! Omomura o kabere tanya koigota.

RICHIBU: Omomura omonene n' amache. Amache tanya korosa  gotara. Korwa abwo, omomura okabere n' omorero. Noutera omorero chinko chinyinge, morero tonya gokana  buna  chinko chiaisanire!

Omomura ogatato nere  ense , ense eye noegwa kera egento togoisaneka. Yaya. Bono omomura okane nere embeo. Embeo  nigo egouterera bororo. Mbeo tiyanya gouta buuya, yanchwe.

Ebitandawili LXXIX: Nimosibia...

  

Buna Twakabeire  Na Petronillah Ogoti. Gusii.com Proverbs, Culture And Customs Editor. Rigwata [ April ] 13, 2013.

 

Abagusii Wisdom Revisited

Aya amwabo aya:

Ebitandawili LXXVIII: Nimbwata Tingokebwata.......

Ebitandawili LXIV: Karuo Ng'ete.......

Ebitandawili LIX: Engiti Engoro.....

Egetandawili ngocha nde minto Mwanyagetinge? Tega: Nimbwate omwana ng'anchete, Ko nimosibia, tanya kuoma.

Obe! Endagera yatiokire. Oyio osokirie oromeme komena chimboto.

RICHIBU: Oromeme. Oromeme nigo okonyora rore n' amate kera engaki. Romeme ndwanya kuoma notwera amate inse boira!

Ebitandawili LXXVIII: Nimbwata Tingokebwata.......

    

Buna twakabeire: Na Petronillah Ogoti. Gusii.com Proverbs, Culture And Customs Editor. Rigwata [ April ] 9, 2013.

 

Abagusii Wisdom Revisited

Aya amwabo aya:

Ebitandawili LXV: Mokeira.......

Ebitandawili LXXVII: Omogondo One Ore.........

Ebitandawili LXXII: ......Endagera Eise Kobekwa Emesa Igoro, Kare Kare Oyo

 

Mwamogusii, egetandawili ngocha nde? Tega: Nimbwata tingokebwata koboko. Inee eke ninki?

Tirianya kobwateka. Notagete kobwata erioki? Rirorio obokongu mboreo. Kobwateka tikoiyo.

RICHIBU: Erioki. Erioki nabo oraribwate korende tiririkobwateka

Ebitandawili LXXVII: Omogondo One Ore.........

   

Buna twakabeire: Na Petronillah Ogoti. Gusii.com Proverbs, Culture And Customs Editor. Rigwata [ April ] 6, 2013.

 

Abagusii Wisdom Revisited

Aya amwabo aya:

Ebitandawili LXXVI: Inche Nigo Ng'anchire......

Ebitandawili LX: Abanyanyimbo B'.............

Ebitandawili XXII: Manga Ya Igoro....

Egetandawili ngocha nde minto Mwanyagetinge? Tega: Omogondo one ore omonene kegima. Korende risamora ndianya goisana kiage. Inee, eke ninki?

Omogondo omonene kegima. Korende nokora ki, risamora tirigoisana kiage

RICHIBU: Etuki. Etuki y' omotwe neba enyinge buna erabe, ekero okoegingera yana kororekana gose nenyinge ere.