Gusii

Abagusii Culture And Customs LXXVIII: Bono Ekerero Ninki Ase Abagusii?

 Buna Twakabeire na Petronillah Ogoti. Gusii.com Proverbs, Culture And Customs Editor. Egesunte-Egesunte Kia Masaba (December)  21, 2011.

Abagusii Wisdom Revisited

Aya amwabo aya:

Abagusii Customs XV: Amasabo Ye Ribina

Abagusii Culture And Customs XXXIX: Emeyega Ao Ao Y' E Ekegusii

Abagusii Culture And Customs: Enyangi Ya Iburu (Circumcision) Ase Ebimura.

Omongina magokoro baba ominto nigo are n' omogoko omonge ase engencho agenetigwe buya mono ekero achiete ase Ekerero ki' ogokwania omochokoro oye aaria Bonyansiaga, Bobasi. Bono Ekerero ninki? Nabo oraborie.

"Omongina Baskaria Nyaboke, otagonchiesia esabari? Enyaroka yane yanyorete omwana"

Nigo omongina magokoro agoteba buna Ekerero n' omoyega orenge kwaariganigwa na abasubati ekero omong'ina akogenda ase moiseke oye, asogete. Ekerero tikiarenge koba ngaki ende yonsi. Yaya. Nigo Ekerero giakabeire ekero omoiseke ore bwoye aiboire omwana.

"Abageni baikire. Nche tindi gochia aande. Ndoche ng'a endagera nenyinge ekare igaa".  Abageni nigo barenge korototwa korwa nchera na abanyene omochi, korende korera nigo arenge kobaganyera bwoye.  Picture na Petronillah Ogoti. Gusii.com files.

Bono omoiseke oyo kaiboire, korwa sobo boiborwa  nkogenda barenge, gochia gokwania omwana. Ritangani, omoiseke oyo nigo arenge komanyi abasobo, amo na aba bwoye, chitariki chi' omoyega oyo erinde chiaamate echi ibere chianya koearigania n'ebitoro ao ao erinde  obogeni boikerane.

korwa sobo omoiseke, nigo ng'ina omoiseke arenge gosia obosi bw'obori. Korwa abwo, bwetweka n' ekenyorini, kogenda bw' omosubati oye. Ase boigo, nabaria bakomochiesia, nkobogori barenge ebinywegwa bitarenge bike.

Ase chingaki chia abagusii ba kare, ebinywegwa ebio nigo biarenge koba amarwa, amabere amaroranu amo n' amabere amayio, gose erongori. Ase chingki echi chia rero, ebinywegwa ebi nigo bire chisoda chikireti chitari nke, amabere amayio, amo na amandasi egekabu ime.

Magokoro baba ominto. gati y' emeyega ende emenge, Ekerorero n' omoyega orenge bw' omogoko ase Abagusii ba kare. Kogenda gokwania omochokoro oye.  Omongina obogoirie obosie kwagachia kogenda aaria Bonyansiaga, Bobasi. Picture na Petronillah Ogoti. Gusii.com files.

Magokoro nigo agoteba buna omong'ina oyo amo na abagisangio baye nigo barenge goika bwo omoiseke oye, kibwamuramurire, korende teba botuko moono. Ko baikire, nigo abageni aba bare korototwa korwa nchera na abanyene omochi, korende korera nigo arenge kobaganyera bwoye.

Bakorototwa gochia o korera yaye, ng'ina omosubati amo na abagisangio baye tibare gochikana kogenda bw' enyaroka yaye. Yaya. Korera gaetwegete obosi, nigo arenge gotorwa na korera yaye omokungu, isiko nabageni bari bare nere bakonywa emesigo babogoreti.

Ase boigo, ekeegwa ki' omwana ne chikorera na abageni bande mbiare koegwa onde abakonye. Yaya. Ebiegwa ebi nigo biarenge kwerisererwa igo, mbaka abanyene babiegwe. Korwa abwo, nigo abageni aba bare koirwa basoa nyomba, na goikaransa eero rogoro.

"Mosubati o Moirongo, otagotomentera amache a morero?"

Keri keri, ko baikaransire, abagaka nabarabwo nigo bare gosoa nyomba, basogerania na goikaransa korwa eero mate banya kogosori bakonywa egechuri, bakona goteba buna "Naende menta amache a morero". Ase chingaki echi chi ekerero, echae gose esoda nabio bikonywegwa.

Nyuma y' egeka egeke, abageni nigo bare gosaba baegwe omwana bakwani. Bono manya nga omwana tarenge korentwa gokwanigwa nchera ende yonsi. Ase Abagusii abakoro, omwana nigo arenge korentwa kabogoiri kwaa!

Tari igo rioka. Nigo arenge gotubwa buuya, oeterigwa korwa egesieri kio omong'ina, tari egesieri ki' omogaka! Goeteria omwana egesieri nki omogaka nigo yarenge ogoturutumba Ekegusii. Bono oyo omobogoreti nigo arenge koiririata gocha eero, erio abang'ina bonsi batenena nakoiririata komorotota omwana.

Erio erio, ngina koro bw' omochi oyo nigo arenge koererigwa omowana oyo nere na komobeka kwaa. Korwa abwo, nigo arenge koereria korera yaye, oyo ore korwa ng'inarome, omwana. Bono nigo chikorera echi chiarenge koererania omwana ritangani, nyuma yaye omwana oboigwa eyanga enyia.

Yaani nonya n' omogaka bw' enka nkoegwa arenge ekeegwa!

kaboirwe ne eyanga enyia, omwana bono nigo arenge koererigwa abasubati bari bonsi bacha gokwania omwana. Korera ng'ina omosubati, orwo oo oa korera omogaka bw' enka ekeegwa kiaye! Magega yaye chikorera chienana ebiegwa, ebio birabe eyanga gose oborangeti.

Bono abasubati nabarabuo babwatia korwa magega na koenana chireso. Ase boigo, abageni na abanyene enka eye nigo bare koenana chireso. Bono aaiga nao obwansu bw' Ekerero bwarenge kobera. Ekero okoenana ebiegwa kwaerire, nigo abageni barenge goikaransa na koegwa endagera n' ebinyugwa ao ao bachenga, na gotenga mbaka bwakia se, gose nabo barare.

Endagera eng'asu bori. Ase chingaki chia kare, Ekerero nkiare koba onye egechuri tikerabekwa. Yaya. Ase chingaki echi chi ekerero, echae gose esoda nabio bikonywegwa. Picture na Petronillah Ogoti. Gusii.com files.

Rituko riakabere n' riomoerio ndiri na mang'ana mange. Abageni nigo barenge koariganigwa n' endagera naende, erinde bamanya komanora koirana  sobo. Kobwatekana na magokoro baba ominto, eke nakio ekegeni gi' Ekerero ki'abang'ina baito ba Gusii. Mbuya mono and thank you for listening.

Welcome to Gusii.com @ Facebook Group

Secure your domain name now!

Abagusii Culture And Customs LXXII: Bono Ninki Engencho Y' Ekegusii Eke?

 Buna Twakabeire na Petronillah Ogoti. Gusii.com Proverbs, Culture And Customs Editor. Egesunte-Egesunte Kia Masaba (December)  8, 2011.

Abagusii Wisdom Revisited

Aya amwabo aya:

Ekegusii Months Of The Year

Abagusii Culture And Customs XVI: Egeturera Igoro

Abagusii Culture And Customs LXXI: Inee, Nomanyete Ekegusii Eke?

Omongina magokoro ominto nigo agoteba buna nonye togoteba buna obogima bwakong'ire ase ogokinia abana ase chingaki echi chia rero, nigo yarenge akongu mono ase chingaki chia kare kobua rero. Nyagitari tichiarenge aroro. Ase boigo, Amarwaire amange akabeire, bono anyoreirwe obobwenia.

Gokoigwa omoibori okorangeraia omwana oye ng'a "Mariachana omwana one....", igo aye manya buna obokongu mbwabete.

Kagendererete n' egambo, omongina magokoro nigo amboria gose, "Nomanyete buna erieta Mariachana ninki ase Ekegusii?" Ekero natang'ang'a, nigo magokoro ominto antebia buna Mariachana n' erieta rio omwana omomura gose omonyaroka ore koiborwa ekero ng'ina aiborete omwana omotang'ani agakwa, amo n' oyokabere nere agakwa. Bono oyo ogatato abe moyo, nigo are koegwa erieta rikorokwa Mariachana.

Koraigwe omonto omonene ogoteba buna "Nigo namorogete erieta r' Ogokorora", igo manya ng'a obokongu mbwabete.

"Bono mochokoro, nomanyete buna Ogokorora ninki ase Ekegusii?" Gotamanya buya, nche nigo natebia omongina buna Ogokorora engencho yaye n' ogotwara rikuba. "Yaya". Omongina nigo akana ogoteba buna ase Ekegusii ekeronge, Ogokorora eng'encho yaye neri ng'a nabo oraibore omwana, naende omwana oyo akwe. Korwa abwo, oibore oyonde, omanye komoa erieta riori osirete ase eng'encho y' obwanchani bwe erieta eri, nari togoteba Ogokorora ase Ekegusii.

Nche nkoiraneria bwango, nigo namotebia buna, "Omwana buna oyio nigo arenge kong'atwa enchara".  Nigo omongina magokoro akana ogoteba ng'a, "Kai! Yaya mochokoro". Picture na Petronillah Ogoti. Gusii.com files.

Omongina magokoro tachieti gokorera abwo. Nigo amboria buna, "Aye nomanyete buna omwana ore gotwara  oborito boetaneti emiaka yaye buna are gokorwa egere akee?" Ase obwango, nche nigo nairaneria magokoro ominto ngoteba buna, "Omwana buna oyio nigo arenge kong'atwa enchara".

Omongina nigo akana buna, "Kai! Mwana tarenge kong'atwa enchara buna nario arakee"

Magokoro nigo akana ogoteba nga, "Kai! Yaya mochokoro. Omwana buna oyio nigo are kobekwa oroteru ime erinde bwerwa! Amaene gakorirwe iga, nabo are gokea omobere". Mbuya mono. Naro aya oka omong'ina abwate for today and thank you for listening.

Welcome to Gusii.com @ Facebook Group

Secure your domain name now!

Abagusii Culture And Customs LXXI: Inee, Nomanyete Ekegusii Eke?

  

Buna Twakabeire na Petronillah Ogoti. Gusii.com Proverbs, Culture And Customs Editor. Egesunte-Egesunte Kia Masaba (December)  4, 2011.

 

Abagusii Wisdom Revisited

Aya amwabo aya:

Ekegusii Months Of The Year

"Imobwate Ekegusii-English Dictionary?", Nyamusi

Abagusii Culture And Customs: Bosoku Tiboiyo Ase Ekegusii

"Bono Ninki Mokonya Korikera Igoro Y' Outdated Customs And Traditions?" Omongina Clemencia Mokeira

Nigo tware kogamba n' omong'ina magokoro igoro y' enywomo ya rero n' ebinto buna biaonchokire ekero magokoro ateba buna "N' abakungu abake mono barenge konyora ebimegi ase chingaki echio chinkoro".  Ko nasinywa, nche bono nigo naboria omongina baba buna "Ebimegi ninki?"

Magokoro o Gusii.com. "Aye mochokoro, yarike nse. Tiga nche ngotebie buna twakamenyire" Gotosemia buna twakabeire ase chingaki echio chinkoro. Omongina magokoro ominto ngotega are omogano. Picture na Petronillah Ogoti. Gusii.com files.

Bono nario erio omong'ina magokoro ominto antebia buna  tiga ansemie igoro y' Ekegusii ake igo. Nigo omong'ina aansa ogoteba buna:

(I) Ekemegi n' omwana oria oiboirwe n' omosubati ore bwoye korende oiboire omwana oyio korwa isiko ye enywomo. Omong'ina magokoro tachieti gokorera abwo. Nigo agenderera gonsemia Ekegusii kende ogoteba buna:

Takweti. Yaya. Omogaka oyio nigo abutoka

(II) Omosacha onywomete naende obwate abana gasirire, tarigotebwa buna okure. Yaya. Nigo gekoba buna nigo abutoka egekogera natiga abana.

Korende onye taranywoma, nigo togoteba buna nigo akwa ore bogesi. Oyo otaranywoma nabo naende egotebekana buna takwete ore kiore. Oyo nigo akwa kamenyete saiga. Magokoro tachieti gokorera abwo. Nigo ateba naende buna:

(III) Omotakanwa n' omosubati orire (osireirwe) omogaka oye. Eng'encho ende, tari gokanwa ne eamate gose abamwabo. Gakogenderera, magokoro nigo ateba buna:

(IV) Ekero omosubati agosoka akogenda bwoye, aiborere omwana ase ang'ao, atari aiga aase anywomire, omwana oyio nigo akorokwa ekerentane. Eng'encho ende arentanete omwana oyo. Korwa abwo, omong'ina magokoro nigo ateba buna:   

Ekero ng'ina abana akobaboria buna "Ng'ai iso are?", Ise abana nigo agoteba buna "Aaaa to! Mosubati bw' Ombati!"

(V) Omogaka onywomete eng'aki akorangeria omorugi oye, nabo akomorangeria buna ase omobwekano, "Aaaa to! Mosubati bw' Ombati!" Ase ogoteba enchera ende, erieta ria ise ori omoiborete. Tari igo rioka. Magokoro nigo ateba buna nabo omosacha akoboria abana buna, "Ebimwana ebi, ng'ai nyoko are?".

karatiga. Mangana taraera. Omong'ina nere ekero akoboria abana baye igoro ya tata omwabo nigo agoteba buna, "Ngai iso are?"komenta nayio, magokoro nigo ateba buna:

(VI) Ase Ekegusii, baba nere nyoko. Magokoro nere ng'ina iso gose ng'ina nyoko. Ase boigo, magokoro ominto nigo antebia buna mama ndiri rieta rie Ekegusii. "Naende tidakora mochokoro" Nabo omong'ina magokororo amenta, ogoteba buna:

(VII) Ase Ekegusii, omokungu nigo agokunga ebinto bio omosacha. Nere omosacha nigo agosacha ebinto ebio omokungu akungire. "Bono ekio ninki? Omosacha osacha n' omokungu okunga aya ninki gose?" Nche nabo natang'ang'a, nkoboria magokoro.

Nigo omong'ina antebia buna  enchera ende, omosacha, nigo akogenda korigia enibo. Nabo aragende nonya n' ense yaare. Atambe! Gakonyora enibo, oira nka ase omokungu egere ayegache gose ayekunge.

Abaminto, obo nabwo obosemia bwaito ase Ekegusii korwa ase magokoro ominto ase omokubio oyo. Until next time, mbuya mono and thank you for listening.

Welcome to Gusii.com @ Facebook Group

Secure your domain name now!

Abagusii Culture And Customs LXX: "Tiga Riasioke, Rigende Bogere Maate" Ninki Ase Omogusii?".

Buna Twakabeire na Petronillah Ogoti. Gusii.com Proverbs, Culture And Customs Editor. Egesunte-Egesunte Gia Chache (November)  27, 2011.

 

Abagusii Wisdom Revisited

Aya amwabo aya:

Abagusii Culture And Customs LXXIX: Bono Okoremera Ebiranya Ninki Ase Omogusii?

Abagusii Culture And Customs LXXVII: Bono Emonga Ninki Ase Omogusii?

Abagusii Culture And Customs XXXIX: Emeyega Ao Ao Y' E Ekegusii

Omogaka sokoro ominto nkobeka arenge ekenyuso chimioro ekero aasimora. Bono nche ekero namotebia buna, "Masoge!" sokoro nigo antebia buna "Tiga riasioke, rigende Bogere maate!"

Oroche nkoayerera rore kwagachia gochia Bogere. "Nigo kware korigia eng'ondi emwamu ti, etanachiri omokera, amo no oroteru korwa Bogere..." Nabo omogaka sokoro ominto ateba. Picture na Petronilla Ogoti. Gusii.com files.

Nche bono nigo narora buna omogaka sokoro ominto nigo ambacha. "Riasioke rigende Bogere maate ninki?" Nche nabo nabororia. Sokoro nigo antebia buna abwo ase chingaki chia kare, Abagere mbakarwanire n' Abagusii mbaka baitana.

Eng'ondi emwamu ti korwa Bogere etanachiri omokera, amo n' oroteru n' amaemba a Bogere

"Eise koba buna gwaitire Omogere," Nabo sokoro aansa okomenta buna, "Nigo kware korigia eng'ondi emwamu ti korwa Bogere, etanachiri omokera. Ase boigo, nigo kware korigia oroteru, amo n' amaemba aria Abogere, n' engoko emwamu ti.

Korwa abwo, kwaira ebi bionsi roche na konyenya eng'ondi amo n' engoko eyio. Go kwabinyenyire, nigo kware kobisamba, gwatiga ebirecha roche egere bigende sobo Bogere n' amache!

Bono ng'a naki ekero ogwasimora ogoteba buna "Tiga riasioke rigende Bogere maate".  Omogaka sokoro ominto nao akorera abwo na komenta ekenyuso kende ase chimioro. Monywe mache maya and thank you for listening.

Welcome to Gusii.com @ Facebook Group

Secure your domain name now!

Abagusii Culture And Customs LXXIX: Bono Okoremera Ebiranya Ninki Ase Omogusii?

  

Buna Twakabeire na Petronillah Ogoti. Gusii.com Proverbs, Culture And Customs Editor. Egesunte-Egesunte Gia Chache (November)  21, 2011.

 

Abagusii Wisdom Revisited

Aya amwabo aya:

Abagusii Culture And Customs LXXI: "Okwo N' Ogoturutumba Ekegusii" Omogaka Sokoro Ominto

Abagusii Culture And Customs LXXVII: Bono Emonga Ninki Ase Omogusii?

Bosoku Tiboiyo Ase Ekegusii

 

Ase omokubio oyo oera, omogaka sokoro ominto natosemia igoro y' Omogusii oria orenge korokwa Omorominta. Ntwarora buna omorominta nigo are Omogusii oria oitete Omosigisi.

Ase boigo, tokarora buna ogoitana gwaito ntwe Abagusii n' ebisaku binde nigo kwarengeo ase engencho ebisaku ebi binde biatoetanaine, biatagete gotoita.  Ase rero, omongina magokoro ominto nigo atagete kobwatera abwo korwa ase sokoro atigerete.

Tigwachiete nyangi? Rirorio tiyarenge konyarekana ogende ase ekeigoroigoro gi' okoremera ebiranya ase engaki eyio. Abangina nkoiririata bare aaria Keumbu. Picture na Petronillah Ogoti. Gusii.com files.

Omongina baba ominto nigo agoteba buna ase chisegi chiato amo n' Abasigisi, ebiranya nkoremerwa biare. Bono okoremera ebiranya ninki? Nabo oraborie. Ebiranya nigo biare koremerwa erinde Abasigisi aba ababisa baitwe ase obonge. Ase okoinyora, ntwaroche ase eganki y' omotienyi bw' Egetamo (March) omwaka oyo, buna ebiranya biaremeretwe mbaka Abasigisi abange bagaitwa ase Esegi Y' Osaosao amo na Kabianga.

Ebiranya nigo biare koremerwa nse. Biamanya koragererigwa n' abagaka abanene

Bono baba nigo agoteba buna oyore gosicha ebiigoro igoro nere ore kogenda oremera ebiranya egere bing'use abasigisi. Bono ebiranya ninki? Kobwatekana n' baba ominto, eye n'emete yare gosunyuntwa baremera inse. Ko biaremeirwe nse, abagaka abakoro nigo bare koragereria Abasigisi.

Bono Abasigisi  bakonyagoka baete rioka, nigo biare kobasiekera, baitwa baera pi! Ebiigoro igoro n'omong'ina Omogusii ogasichire oba buna egosori yare gokorwa botuko korende torenge borogi. Komenta nayio, bari bare koyokora nigo bare koba getirianda!

Mosacha tatakeire igaa! Ebiigoro igoro nigo biare gokorwa n' abakungu boka.

Abaminto inyora buna aba n' abakungu boka bare koyokora. Oyo otamanyete, tare kogenda. Tari igo rioka, oyotachieti nyangi, taregochi aroro na torekoirwa nka. Chinyabubu nigo chiare gosicha, na aiga obosemi obonge nigo bware koregwa buna enyangi ye ebitinge, kera ekemo kie ebimira bio Omogusii na nigo yaregosicherwa orosana ime na abakorerani ao ao. Nabo omoyega bw' okoremera ebiranya orenge gokorwa igo. Until next time, omongina baba nigo ateba buna bwatera abwo and thank you for listening.

Welcome to Gusii.com @ Facebook Group

Secure your domain name now!