Gusii

Emebayeno Y' Abagusii: Nigo Ogoseka Buna Otongoire, Okoria

  Buna Twakabeire na Petronillah Ogoti. Gusii.com Proverbs, Culture And Customs Editor. Egesunte-Egesunte Kia Masaba (December)  27, 2011.

Abagusii Wisdom Revisited

aya amwabo aya:

Emebayeno Ya Abagusii: Ekio Omogoko, No Omwana Ogatoire

Emebayeno Ya Abagusii: Motebigwa Igo, Tang'ana Moerorera

Ense Ya Bande, Nkenama Gesabire

Yaya mbobe. Ekero obokongu bwabeire, naye sanga n' abande. Teri buya gokora gose kwoorokia egosori. Ka abamino bare ne ebirero, naye rera. Ko bare no omogoko, naye goka. Abagusii abakoro nigo batebete buna Nigo Ogoseka Buna Otongoire, Okoria.

It was not always like this. Egiateko ngiakabeire, n' enchara yaita Abagusii abange. Ase chingaki chi' obokongu buna echio, mogoko na maseko tarengeo. Below: Endagera ekenyitita y' chichapati, omochere, sukuma wiki, amanyabwari... the works.

Bono ninki eng'encho y' omobayeno oyo? kobwatekana na omogaka sokoro ominto, Oyo n' omogoko okororekana korwa ase oyomo, ekero abamwabo babwate obokong'u. Ase omobwekano, abwo kare kare, ekero ki' egiateko gi' enchara, abanto nigo batare na mogoko, ekiagera mbare neki bare koria.

Nigo bare korara nchara bare n' obote bw'okonyora endagera erinde gose mbamenye. Korende nonya nabo igo, bakonyora oyomo obo kare n' omogoko, nigo bare komorora buna oyotari n' obokong'u bw' enchara. Ng'a ere tachandegeti buna Abagusii bande bamwabo.

Ase eng'encho ende, nigo agoseka buna ori ogesire endagera y' okoria. Ng'a igo, oyo nyagoseka ere tabwati bokongu buna Abagusii aba bande bare n' enchara. Kobwatekana no omogaka sokoro, eke nakio kiagerete Abagusii bagateba buna Nigo Ogoseka Buna Otongoire, Okoria.

Omogaka sokoro ominto nao arakoreire igaa, for this week. Abaminto bwatera abwo until next time. Mbuya mono and thank you for listening.

Welcome to Gusii.com @ Facebook Group

Secure your domain name now!

Emebayeno Y' Abagusii: Ng'uko Nyinge Nchiana Gokunya Mong'anyi oike.

 Buna Twakabeire na Petronillah Ogoti. Gusii.com Proverbs, Culture And Customs Editor. Egesunte-Egesunte Kia Masaba (December) 11, 2011.

Abagusii Wisdom Revisited

Aya amwabo aya:

Ekegusii Months Of The Year

Emebayeno Y' Abagusii: Chinko Chia Gwota Nchiasaranetie Bia Ndemo

Emebayeno Y' Abagusii: Tuga Ntakana A Ng'ombe, Totuga Ntakana A Monto

Nigo chikoamererania. Ker' eyemo nigo etagete koba entang'ani gokunya omong'anyi. Riria eng'uko entang'ani yaansire gokunya iga, ching'uko chinde nachirochio chiemigereria korwa ensemo na goturunkania eye entang'ani gochia ensemo buna po!

Nigo otigarerete nchera. "Bono onye motiga eng'areka nanga ntwakorete gokunya omong'ayi oyo? Bono twabwatirwe bira egetamero" Eng'uko eria entang'ani yaturunkatigwe gochiaa aaria, ngotebia ere ching'uko chiamwabo. "Ning'o gati yaino otagete koba egetoero n' omosori one bono morogoba?" Esese nkoboria ere. 

Bono obokunyi bw' omong'anyi bwatenena. Ker' eng'uko nigo etagete erorekane buna nero ere entang'ani. Eng'areka. Ke' egeitano giasoire, ker' eng'uko yemincha, yaimokia obokombe bwaye, na kogenda kobwaye. Korwa abwo, ker' eng'uko yachaka gokunya omong'anyi oye.

Omong'ina magokoro baba ominto nigo agoteba buna eng'areka tebwati buya bonde bwensi. Baba nigo agoteba buna eke nakio kiagerete Omogusii agateba buna Ng'uko Nyinge Nchiana Gokunya Mong'anyi oike.

Eng'areka gose ensega, tegokonya ekero egasi ere. Yaya. Chinsega mokorerane ekero more egesangio, gasi eyio tekoira magoro, gose tegokorwa buya. Ase eng'encho ende, chinsega, n' okoamererania nigo bire ababisa be egasi.

Kobwatekana n' omong'ina magokoro ominto, eke nakio kiagerete Abagusii abakoro bagateba buna Ng'uko nyinge nchianya korema mong'anyi oike. Abaminto, oyo noro omobayeno oito ase omokubio oyo. Mbaka ching'aki chinde, mbuya mono and thank you for listening.

Welcome to Gusii.com @ Facebook Group

Secure your domain name now!

Emebayeno Y' Abagusii: Tuga Ntakana A Ng'ombe, Totuga Ntakana A Monto.

  

Buna Twakabeire na Petronillah Ogoti. Gusii.com Proverbs, Culture And Customs Editor. Egesunte-Egesunte Kia Masaba (December)  6, 2011.

 

 

Abagusii Wisdom Revisited

Aya amwabo aya:

Emebayeno Y' Abagusii: Chinko Chia Gwota Nchiasaranetie Bia Ndemo

Emebayeno IX: Oyo Ogoita Ekerongo Takaga Inga Inkeri Na Amagwa

Echoke Enching'inani Nigo Ekobwateranigwa Ne Esike, Yakwa.

Omogaka sokoro ominto nigo are n' omogoko omonge ase eng'encho eng'ombe eria nyankororo yatigetwe entakana, bono yakinire na konyora emori. Tari igo rioka, nigo egokamwa amabere achiete aroro. Emetoriro n' emetoriro.

Sokoro o Gusii.com. Gotoinyoria buna Omogusii akamenyire.  "Mochokoro naende tomocha korika eng'ana eye nkogotebia" Omogaka sokoro ominto ngotega are omogano. Picture na Petronillah Ogoti, Gusii.com files.

Bono nigo twarenge kona kogamba n' omogaka sokoro igoro y' echiombe ekero ateba buna, "Tuga ntakana a ng'ombe, totuga ntakana a monto". Nche nigo nakumia nkoboria omogaka sokoro ng'a, "Kai! Ekio ninki omogaka?" 

Nigo sokoro ominto antebia buna korwa kare, Omogusii n' omonto obwate amabera amange. Abana chintakana mbare gochwarwa na gotigwa igo. Nigo abana abwo bare korendwa n'abaamate, mbaka bakina.

Nonya nabo igo, iyakabeire buna gwatigeirwe entakana, na komorenda buya ne enkoro enchenu. Korende abana bande chintakana mbarenge goisaneka nonya na asinini, neba buna gwakorire buya. Nonya kware gokora buya naki, nabo kwarenge koigwa ase omobwekano, abaamate bagoteba buna "Gaki moroche buna Nyaboke achandete etankana eria atigeretwe?"

Korende onye n' etugo ero, nabo ogotuga korende tokoigwa amang'ana korwa ensemo.  Naende kero kende nabo orakonye omwana entakana akine buya na konyora ebitoki, korende kagosesenigwa n' enibo, tagokoinyora nonya.

Nabo aragoonchokere na gokorama . Eng'encho ende, tari kera oria obande ogokonya, orache kogoteba buya. Mbake bararore buna gwakorire buya, na kogoakera buna mbuya mono. Eke nakio nakiagerete Abagusii abakoro bagateba buna Tuga ntakana a ng'ombe, totuga ntakana a monto.

Omogaka sokoro ominto nao akorera abw' ase omobayeno oito bw' omokubio oyo. Mbuya mono and thank you for listening.

Welcome to Gusii.com @ Facebook Group

Secure your domain name now!

 

Emebayeno Y' Abagusii: Chinko Chia Gwota Nchiasaranetie Bia Ndemo

 

Buna twakabeire: Na Petronillah Ogoti. Gusii.com Proverbs, Culture And Customs Editor. Egesunte-Egesunte Gia Chache (November) 23, 2011.

 

 

Abagusii Wisdom Revisited

aya amwabo aya:

Abagusii Customs XI: Gesarate Ninki?

Emegano Ya Abagusii X: Omong'ina Nyamisanchu Orikorire!

Emebayeno Y' Abagusii: Ng'ombe Ndogi, Chireta Morogi Na Moibi

Ngwota tware aaria echikoni ekero omongina magokoro baba ominto  antebia nmente chinko riiko. Ko namentire orobara oromo iga, baba nigo antebia buna "Chinko Chia Gwota Nchiasaranetie Bia Ndemo".

Obotuko naende bwaikire. Ko chiabeire chinsa chi' maiso abakungu, emerero nigo yare goutwa aaria gesarate kobekera chimori riberera nchikwa. Chimbwa chimbe. Abamura abatamu, batatagete gokora kende gose gotenya nko, nigo bare kogera chinsega chiaba.

Nche bono nigo nasinywa buna ninki magokoro agoteba. Nkomoboria buna "Baba ninki ekebe?" Nario erio bono baba ominto antebia buna oyo n' omobayeno bw' Abagusii abakoro ogotosemia igoro y' chinsega.

Nigo nagokoro ateba buna chinsega n' chimbe. Omongina nigo antebia buna abwo kaare ekero gi' chingaki chia Abagusii abakoro, nigo abamura bakamenyire gesarate. Abwo gesarate, emerero nigo yare goutwa.

Emerero eye nero yare korenta riberera ase chingaki chi' botuko ekero obokendu bwasoire. Tari igo rioka. Nigo baba ateba buna chimori chi' echiombe nachirochio nchiagauteure emekonge erinde obokendu mbochiita.

Bono aaiga gesarate, abamura nigo bare kobekerana kera omonto rituko riaye riogotenya chinko. Oyore koanga nigo are goserigwa taota omorero oyo goutirwe! Baba nigo agoteba buna nonya n' chimori chiabo omomura oyo omotamu, nigo chiare goserigwa gochia isiko chiaku obokendu!

Bono magokoro nario ateba buna chinsega buna echio, nigo chiare korenta egeitano gati y'abana abamo. Korwa erio, Omogusii agateba buna "Chinko Chia Gwota Nchiasaranetie Bia Ndemo". Mbuya mono ase ogotegerera omobayeno oito bw' omokubio oyo and thank you for listening.

Welcome to Gusii.com @ Facebook Group

Secure your domain name now!

Emebayeno Y' Abagusii: Ng'ombe Ndogi, Chireta Morogi Na Moibi

  

Buna twakabeire: Na Petronillah Ogoti. Gusii.com Proverbs, Culture And Customs Editor. Egesunte-Egesunte Gia Chache (November) 10, 2011.

Abagusii Wisdom Revisited

Aya amwabo aya:

Emebayeno Y' Abagusii: Totogia Momura Kieni, Motogie Nkoro.

Emegano Ya Abagusii XVII: Tosanera Mokamomura Otaramorora

Emebayeno Y' Abagusii XVIII: Nyang'era Ndotungi Na Mori Yaye Ndotungi

Eng'ombe eri nyabarati y' magokoro ominto yanyorete emori. Bono omongina magokoro nkoyekama arenge ekero andangeria morentere ekebuyu erinde abekere amabere. Ko naikia ekebuyu, baba ominto nigo antebia buna Ng'ombe Ndogi, Chireta Morogi Na Moibi.

Abaya amo n' ababe. Nigo ekoreta bonsi. Engombe eria nyabisembe y' sokoro ominto.

Buna botambe, nche nigo narora buna omongina magokoro nigo ambacha naende. Bono engana eyio engencho yaye ninki?" Nche nabo namoboria. Baba ominto nigo antebia buna oyo no omobayeno bw' Abagusii abakoro ogoteba buna n' enywomo ekoreta omosubati bwoye.

Chiombe nachio chikonywoma omokungu. Bono kanywomirwe, omokungu oyo nabo arabe omoibi simbiri, omosiomasiomi, gose omorogi egiata. Bono nabo eranyarekane buna omokungu oyo nabo arache koreta embu eye yaye embe ase enka eya enyia.

Eke nakio kiagerete Abagusii abakoro bakarora ng'a chiombe chiria chianywomete omokungu bw' embu eye embe buna chiombe echio nchiarenge ngiya, chikareta omokungu omobe. Korwa abwo, abangina amoi na abagaka abakoro bagateba buna Ng'ombe Ndogi, Chireta Morogi Na Moibi.

Oyo noro omobayeno oito ase ewiki eye korwa ase magokoro baba ominto. Mbuya mono and thank you for listening. 

Welcome to Gusii.com @ Facebook Group

Secure your domain name now!