Abagusii Culture And Customs CXXI: Emegiro Ya Mwanyagetinge VI

 
 
Na Petronillah Ogoti. Gusii.com Proverbs, Culture And Customs Editor. Amaumuntia [ May ]  29, 2014
 
 

Bono inee, rero Omogusii ominto nang'anye korwa ase erwenyi yaye, ase eng'encho ekebwe [ Jackal ] kiaigwekanete kegokuura? Buna amaremo akeeire iga, I doubt it. Korende ase amatuko amakoro, ebinto nigo biarenge ebiao.

Ekebwe kiarorekanire. Abagusii baminto ntong'anye korwa ase erwenyi yaito ase chingaki echi chia rero? 

Ekebwe ngokuura kere

Omog'ina magokoro Nyaboke ominto nigo antebetie buna Abagusii abakoro nigo twarenge kwegena amang'ana gete gose egento gete ekero kiarorekanire, erinde twakebwekania buna egento gete ekebe buna amakweri, nabo kerabe ase ekenyoro eke.  Amang'ana aya ntwe Mwamogusii twakeegenire, nigo arenge korokwa emegiro.

Magokoro nigo agoteba buna ase chingaki echio, ekebwe nigo kiaoboire mono. Ase Abagusii, ekebwe geise gokuura, nigo yare gotebekana buna eng'ana embe, goikera yarenge gocha gokorekana. Bono ninki abanyakenyoro aba ase ekebwe eke kiare kobuga barenge gokora? Nigo barenge konganya, bagenda oroao!

Mwanyagetinge nigo twagatamire, erinde twang'anya, erinde amang'ana aya amabe tatobwata. Korwa ase magokokoro Nyaboke ominto, oyo noro omogiro oito ase ewiki eye. Mbuya mono and thank you for listening.

 

Aya amwabo aya:

Abagusii Culture And Customs XXVII: Emegiro Y' Ekegusii [ I ]

Abagusii Culture And Customs XCII: Emegiro Y' Ekegusii [ IV ]

Abagusii Culture And Customs CXV - Emegiro Y' Ekegusii V: Egekogera Ebiisia, Amo N' Abamura Batatakeire Kona Gosumberera Abang'ina, Aange Nase Bakoroiseria Endagera


Abagusii Culture And Customs CXV - Emegiro Y' Ekegusii V: Egekogera Ebiisia, Amo N' Abamura Batatakeire Kona Gosumberera Abang'ina, Aange Nase Bakoroiseria Endagera

  
 
Buna Twakabeire na Petronillah Ogoti. Gusii.com Proverbs, Culture And Customs Editor. Egetamo (March) 2, 2014.
 

Aya amwabo aya:

Abagusii Culture And Customs XC: Emegiro Y' Ekegusii [ II ]

Abagusii Culture And Customs XCI: Emegiro Y' Ekegusii [ III ]

Abagusii Culture And Customs XCII: Emegiro Y' Ekegusii [ IV ]

Eee gaki rero chingaki chianchokire. Korende ase amatuko amakoro, ebiisia, amo n' abamura mbarenge gwancherwa kogenda chikoni, ase abakungu bakaroiseirie endagera. Ninki? Nche naboretie omogaka sokoro ominto. Gati y' chingencho chinyinge chiaito ntwe Abagusii, sokoro nigo antebetie buna egasi y' abamura nigo yarenge okorisia etugo, na korenda emechie amo n' ebinyoro, korwa ase ababisa.

Ase boigo, omogaka sokoro nigo antebeteie buna ebiisia mbiatakeire aange na riiko ase eng'encho y' omogiro gete. Omogiro oyo nigo obwatekanine n' ebibekerero bia Abagusii. Omogusii omokoro nigo abwate ebibekerero ao ao, ebio arenge gotumia ase emeremo ao ao.

Kera omogiro oito ntwe Abagusii, nobwate eng'encho yaye. Nabo ogochwatwa n' omogango. Onye totageti mang'ana, aye tata tigerera aare korwa ase endagera ekominerwa.

Momura taiyo chikoni

Gati y ebibekerero ebio, n' Omogango. Omogango, naende noro okorokwa ekeburugo. Omogango egasi yaye enene nigo ere eya riiko. Bono oise goaka omoisia gose momura onde bwensi n' omogango, oyo bwakirwe n' ekeburugo nigo agoteba!  Takoiboria mosubati onde bwensi.

Bono nigo okonyora omong'ina ataake omwana omomura n' omogango gose ekeburugo ekiagera nigo arabaise gosieka oroiboro rwaye rw' amatuko amotu.

Korwa ase omogaka sokoro ominto, oyo noro omogiro oito for this week. Mbuya mono and thank you for listening.


Abagusii Culture And Customs XCII: Emegiro Y' Ekegusii [ IV ]

 
Buna twakabeire na Petronillah Ogoti. Gusii.com Proverbs, Culture And Customs Editor. Ebwagi [June] 13, 2012. Bono Emegiro Ninki? Aya na amang'ana gete y' Abagusii, ayio eise koba buna kwayakorire, nigo arenge koba mamincha y' Ekegusii. Abagusii nigo beegenete buna oise gokora mamincha y' emegiro, nigo ebinto, gose chinkore gete chiimbe, chiare gocha koba, gose kogokorekanera.
Abagusii Wisdom Revisited

Aya amwabo aya:

Abagusii Culture And Customs XXVII: Emegiro Y' Ekegusii [ I ]

Abagusii Culture And Customs XC: Emegiro Y' Ekegusii [ II ]

Abagusii Culture And Customs XCI: Emegiro Y' Ekegusii [ III ]

Omongina magokoro baba ominto nigo antebia buna nigo atagete kogenderera gotosomia igoro y'  emegiro ende meke aase rituko ria rero. Ase okoinyora, magokoro natotebetie emegiro meke igoro. Ase rero, baba nigo agoteba buna emegiro ende nigo ekobwatia iga:

19. Nigo gwatindera aaria bw' Ombati, na gotumbaga kwagachia, gwaiika nka bwoo morogoba botuko? Aye rirorio goika oturere mokao korwa etirisa: Omosacha otamereti chinderu nigo agotura mokaye korwa etirisa onye oikire nka bwoye ekero chinyomba chiasiekirwe. Ninki? Ekiagera omosacha nigo agwenerete komera chinderu. Ase eng’encho ende, ere nigo agotura korwa sukunyuma, omokungu omanya koigora, omanya goeta korwa omorangu boronge! Emeremo emekong'u.

Abwo nse: Egesanda kebekire erongori y' obori echiete aroro. Naende nse yaye: Ekemunwa keri omogaka sokoro ominto agocha kobekerwa obokima obotongore. Bono egesero ninki? Nabo oraborie. Egesero n’ obokima boria  obotang’ani bw’o bori ekero bwagesirwe korwa aase endemero. [ obotongore ]. Aase Ekegusii gia kare, omogaka nyene omochie nere ogatongoire ritangani. Kerabe buna omogaka taaiyo aase omochie oyio, omomura omotangi nere ogatongoire. Gokora magega y' Ekegusii eke nigo yarenge chimuuma. Picture na petronillah Ogoti, Gusii.com files.

Egesanda amo n ekemunu
20. Nainche nimbwate chinderu: Omosubati obwate chinderu tanya gochigingera. Yaya. Aaise gokora igo, echio n' chimuuma ase Ekegusii. Aaise kogingera, omogaka oye nigo agokwa!

21. Egesero ngekare miinto rero mogoroba: Onye omosubati ore mwaye ogesire obori [ obotongoire], omogaka nere ogotanga koegwa egesero. Korende onye mogaka taaiyo ase enka eyio, omomura omotangi nere  okoegwa egesero. Bono egesero ninki? Egesero n’ obokima obotang’ani bw’obori ekero bwagesiru korwa mogondo [ obotongore ].

22. Koramera tikoiyo: Omosacha otanywometi tanya koramera ebwate. Naramera, ere n' chingaki asaretie. Naboigo, omokungu otasogeti nere naramera tirikobwata. Goika aba bonsi baratwara chinka chiabo, Ekegusii kemanye kobwata.

23. Nainche nimbwate rikobu rineene: Omonto obwate rikobu rineene tanya kogenda ase ekegege gie chintuga. Agende igo mbobe. Ninki? Nigo chigosira ekero chiabokire.

Chitoro chiabwatire magokoro naende. Nigo ateba buna bwatera abwo, goikera chingaki chiinde. Monywe mache maya, and thank you for listening.

Welcome to Gusii.com @ Facebook Group


Abagusii Culture And Customs XCI: Emegiro Y' Ekegusii [ III ]

 
Buna twakabeire na Petronillah Ogoti. Gusii.com Proverbs, Culture And Customs Editor. Ebwagi [June] 12, 2012.
Ntwe ntomanyeti buna ninki kiagerete bagateba amang'ana aya na koyaereria korwa ekegori ekemo, gochia aase ebigori ebike. Aya na amang'ana gete y' Abagusii, ayio eise koba buna kwayakorire, nigo arenge koba mamincha y' Ekegusii. Emegiro.

Abagusii nigo babagete amang'ana ayio, emegiro aase eng'encho arenge koba mamincha y' oboseera bw' Omogusii. Tari igo rioka. Abagusii nigo beegenete buna oise koyakora, n' chimuuma. Nigo ebinto, gose chinkore gete chiimbe, chiare gocha koba, gose kogokorekanera.

Aya amwabo aya:

Abagusii Culture And Customs XXVII: Emegiro Y' Ekegusii [ I ]

Abagusii Culture And Customs XC: Emegiro Y' Ekegusii [ II ]

Ekegusii Preservation: Nigo Neyagia Omotwe

Moiso onde, omongina magokoro baba ominto natosometie igoro y' emegiro meke ' Ekegusii. Ase rituko ria rero, baba nigo atagete kogenderera n' engana eyio. Nigo omong'ina agoteba buna emegiro ende y' Ekegusii nigo ere iga:

Eee ogotiena n' abana bande n' okuya. Korende Barongo takorokwa Mokogoti naende, ase Ekegusii. Bono naende goika Moraa aibore omwana onde, ogocha korokwa Mokogoti!

Chibarongo ngotiena chire n' abana bande

13. Naende ningo oyio ogwaatia chinko bono iga? Ntwe motorenterera!: Ekero chiombe chiasoire bweri, gesire nkiare koimokigwa igoro, ase Ekegusii egekoro. Eng’encho ende chinko nchiare gwatigwa. Chiinko chiise chigwatigwa, nigo chiombe chiare koibwa.

12. Baminto tiga gokogota kera egento. Sunera ekeumbu gake: Ekero gwatemire oboba, nigo okorusia agachuti kaiigoro, erinde kwabeka aria ase gwatema korwa [ogosunera ekeumbu!]. Ase Ekegusii, igo nario orairane gotema naende.
 
14. Nyambeki oyio ogosiara emenyeri: Mokamomura tarenge gosiara emenyeri ase ise biara arenge. Yaya. Aiise gokora igo, okwo n' okonyinyera ise biara.

15. Abasacha simbiri nyamoibi abwo: Ekero abasacha abaibi bamanoire gochia koiba, baumere omosubati nchera, ekio negesio ekiya. Korende baise koumera omosacha, igo ekio negesio ekebe. Bono abaibi aba nigo bare  koirana gochia aase barwa, gose baite omosacha oyo baumera!

16. Ntwe ntomanyeti buna ninki Ekegusii kegokanera buna ere taruta amaraba: Omwana oiboreretwe isiko y’ enywomo tanya koruta maraba gose goaka egekamago, ise akuure.

17. Ninche nde omogaka bw' omochie oyo bono gose naki? Ekero omokungu asokire kare bwoye, naende arugire obokima mwaye, nigo omogaka agotang’ana koiyorwa.  Oise koba totang’aneti komoiyorera, eyio nigo ekororokana buna echayo.

18. Yaya. Takorokwa Barongo, naende arokwe Mokogoti: Ekero omosubati agonkiri chibarongo, tagotigera koiborera abwo. Yaya. Nebeterereti aibore omwana onde okorokwa omobaba. Chibarongo nchianya koba chinkogoti ase Ekegusii! Tari igo rioka. Barongo nchianya kobarwa buna omwana oyomo.

E series eye y' emegiro y' Ekegusii neche egenderere. Goikera chingaki chiinde, tigara buya and thank you for listening.

Welcome to Gusii.com @ Facebook Group


Abagusii Culture And Customs XC: Emegiro Y' Ekegusii [ II ]

 
Buna twakabeire na Petronillah Ogoti. Gusii.com Proverbs, Culture And Customs Editor. Ebwagi [June] 9, 2012.
Ntwe ntomanyeti buna ninki kiagerete bagateba amangana aya na koyaereria korwa ekegori ekemo, gochia aase ekegori kende. Aya na amang'ana gete y' Abagusii, ayio eise koba buna kwayakorire, nigo arenge koba mamincha y' Ekegusii. Emegiro.

Abagusii nigo babagete amang'ana ayio, emegiro aase eng'encho arenge koba mamincha y' oboseera bw' Omogusii. Tari igo rioka. Abagusii nigo beegenete buna oise koyakora, n' chimuuma. Nigo ebinto, gose chinkore gete chiimbe, chiare gocha koba, gose kogokorekanera.

 

Aya amwabo aya:

Abagusii Culture And Customs XXVII: Emegiro Y' Ekegusii [ I ]

Abagusii Culture And Customs XXXIX: Emeyega Ao Ao Y' E Ekegusii

Abagusii Culture And Customs LXXI: "Okwo N' Ogoturutumba Ekegusii" Omogaka Sokoro Ominto

 

Aase amatuko amake aerire, ntwasomete igoro y' emegiro y' Ekegusii, etano n' ebere, aase Emegiro y' Ekegusii [ I ].  Ase okoinyora, nigo omongina magokoro baba ominto atebete buna kera egesaku aase ense eye nkiabwate emegiro.

Ase boigo, nigo baba atebete buna kobwatekana n' abagaka n' abangina abakoro, gokora amang'ana ayio nigo yarenge koba mamincha y' Ekegusii. Ase rituko ria rero, magokoro nigo atagete kogenderera n' enkwana eyio. Kobwatekana na baba ominto, emegiro ende y' Ekegusii nigo ere buna iga:

8. Mosacha mogima bori: Aase Ekegusii, monto mosacha mogima tarenge gosoa irongo. Yaya. Nigo yare koba chimuuma, aise korina engasi kwagachia gose gosoa irongo riinde rionsi. Ase boigo, inyora buna chimuma chia Abagusii nigo chiare gocha n’ amaakwa amanene.

Amasikani aase iso biara. Obori bori bogocha gosiegwa ,erinde sokoro aroiseririgwe erongori nao bore irongo. Sokoro tagosoa irongo ime. Yaya. Irongo n' ya magokoro. Kona gotakuna obori aange na iso biara nkwarengeo. Below: Ekee k' obokima bw' Omogusii.

Ekeee g' ekegusii
9. Ebimwana ebike: Omwana omoke tarenge koegwa enyama y' riini erinde arie. Yaya. Gaise koegwa riini, aye rirorio nario okwerorera. Nigo akamwana buna akwo karenge koba agatamu, naende akamwenu ekianda gia ikomi! Omwana buna oyio, nkware komotoma gose komoboria akore kende.

10. Abasacha baria banchete kona gotirigoyia na kona goita abakungu babo bokaira: Ekero omosacha are goita omokungu oye bw’ enywomo, omokungu oyo nigo arenge gotama  gochia irongo, gose nyaaro. Tari igo rioka Bosibori ominto.

Omokungu oyo okona goitwa aaise koba buna okunire chimbere chiaye, omosacha oyo oye tarenge komoaka. Yaya. Eye nigo yarenge kobwekana buna ogosaba amabera. Omosacha oyo nyagotwanga mokaye arenge goaka omokungu oyo naende gakunire chimbere, echio n' chimuuma aase Ekegusii!

Komenta nayio, omokungu oyo nyagotwangwa arenge kobwata omwana kwaa, ekero agoitwa, nigo are gotiga goitwa ekiagera okwo nakwo okwoorikia buna osabire okwabera.

11. Nyomenda nkobugia are omorori: Korwa bokoro ase Ekegusii, mokungu  tarenge kobugia morori. Aaise gokora igo, omokungu oyo nigo arenge kogera omosacha oye aanse koema, na gokwa!

12. Moka momura ngotakuna are endagera: Moka momura tatakeire gotakuna obori aase ise biara are. Yaya nonya. Okwo nigo kwarenge ogosaria Ekegusii. Eng’encho ende, omokungu buna oyio, nigo arenge kong’ong’ori ise biara. Amasikani aera. Bobe mono.

Omongina magokoro nao akorera abwo aase rero. Ntooche togenderere n' emegiro eende, chingaki chiinde. Korwa ase baba ominto, mbuya mono, and thank you for listening.