Thank You !! Abaminto Naende Twairaneirie Omonene Tata Nyasae, Amo Nainwe Buna Mbuya Mono Ase Kera Egento

  
 

 

Aya amwabo aya:

Ekegusii-English Dictionary: Mbuya Mono Gochia Ase Kennedy Bosire, Amo Na Gladys Machogu, Ase Emeremo Emiya

Aaria St Peter’s Suneka Secondary School: "Nigo Ingoakera Nyasae Nga Mbuya Mono Ase Eki Angete"

Obe! Omwaka O 2011 Oengekanire

 

Thank you !! Mbuya mono ase Omonene Tata Nyasae ase ebisio amo n' ogoikerania okoba gw' ebulogi eye. Ase boigo, nigo tokoira ribaga eri ase okoiraneria buna mbuya mono, ase bari mwensi mwasangire naintwe ase ekebute eke, na kogera ebulogi eye yaikeranire iga. Twaakire buna mbuya mono, ase amauko mogotorikera, erinde gotomenta obomanyi igoro y' chinchera amo n' egekoro giaito, na gotosegeta.

Mbuya mono.

Ase boigo, mbuya mono gochia ase Petronillah Ogoti, ase omokia akorete bw' obotuki bw' egekoro, emerabaro, ebitandawili, amo n' chinchera chinde chionsi chiaito ntwe Abagusii. Ase eng'encho y' omokia oye, goetera 88%  y' ebulogi eye nigo yaikeranire, ase eng'encho y' obotuki akorire. Eye n' emeremo emekong'u eyio ntwe totarenge gocha goikerania onye ntwabwate obotuki bonga buna obo. Mbuya mono naende.

 

Onye gokagete buna kera egento gwakorire nase eng'echo yao aye bweka, rirorio tata noraita !! Erongori eri y' obori omorugi oo akobekeire ase egesanda egotonontera nigo egoikerana, goetera ase enchera entambe mono. Ritang'ani, Omotongi Nyasae nere ontongire endemero, na kogera omogaso obare, n' embura gotwa.

Korwa abwo, goika omomura arigigwe, na koegwa ekonda korema endemero eye. Gakorire korema, goika omong'ina Bitutu arigie abangina bande, erinde bamokonye kobusura. Bono ekero obori bogenderere kwama, goika naende magokoro arigie egesangio gi'okwaga enchagwa.

Aaiga, obori obo kibwamire [ Inyora Mr. Ong'eng'o - "Epwee pwee" mogondo kwao, richore nario rigotanga kobeka monu !! ] naende bogeswe, goika bwomigwe, bobongororwe, bosunyuntwe, boerwe n' oroteru, bosiegwe, boinekwe obwanga, erongori egotonontera erosigwe: Ase enchera ende, abanto n' abange bagokora emeremo, erinde aye onywe erongori eng'ansu. 

Tokare koganyerera erongori eng'ansu aaria bomame, Bogichoncho, Bobasi Chache yaito, Kisii County. Mwanyagetinge.com/2014

Gusii.com at home aaria Bomame Bogichoncho

Mbuya mono gochia ase abang'ina n' abagaka baito

Abaminto ntokweba goakera mbuya mono na koinyora abagaka amo n' abang'ina baito abange korwa nka Gusii, ase ogotoa emegano, amo n' obosemia obonge igoro y chinchera chiaito. Tiga nainwe Omonene abainyore ase emeremo eye mwakorire. Onye tari goetera ase obosemia bwaino, nanga 88% y' obotuki obo bw' Petronillah, mbwarenge gocha goikerana. Nainwe tiga Omonene agenderere kobasesenia na kobaa amatuko amange ase ense eye.

Ebulogi tegoikerana, onye chingero tichiiyo. Ntwe nigo tokoinyora abateri bonsi ba Gusii ase omokia mokorete ase ogotogokia. Mbuya mono gochia ase Mr. Ong'eng'o, Abana Sungusia, Abagosabusia, omosubati Sabby Okengo, Ebiosi PAG Church Choir, Rev Douglas Otiso, Bobasi Commandos, Metamaywa Camp Choir, Nyanchonori SDA Church Choir, Nyamache Geen, Bonyakoni Kirwanda, Embarambamba, Musa Omosomba, Borangi SDA Church, Joseph Siko, Miriri Songa, Marehemu Christoper Monyoncho amo na abateri bande baito abange [ gaki tekonyarekana korika amarieta onsi igaa ]. Tiga nainwe Omonene abamentere ase emeremo eye mogokora.

Naintwe Egesa FM ngotokuna ere enkoro

Nchera teiyo torebe Egesa FM ase emeremo emiya bakorire ase Gusii yaito. Mbuya mono gochia ase abarari bonsi ba Egesa FM ase ogokora emeremo emiya. Amatuko ande, naintwe nabo okonyora ekero totegererete Egesa FM, twamanya gotaboria aganto gete gakwanire na gotokuna enkoro. Bono gitwakunirwe enkoro, nabo tokorika e post igoro y' aya twaigwa. Ase enchera ende, ebulogi eye tegoikerana buya, onye ntori korika ari amaya abaminto bakwanire.

Omonene asesenie abarari baito bonsi ase Egesa FM.

Omwaka oyo nigo orenge omonene ase omonu bw' Ekegusii. Oyo noro omwaka naintwe Abagusii twanyora Endabaro [ Endabasia ], yaito. Endabasia eye nigo yairete emiaka 12 koyerika !! Mbuya mono naende gochia ase  Kennedy Bosire, amo na Gladys Machogu ase ogotwara oboremereria obonge mono. Eye nigo ere e contribution enene mono gochia ase Omogusii, eyio eratokonye gochia ase amatuko amange gochia motwe. 

Abaminto nabange batokuna na gotokonya ase chinchera ao ao omwaka oyo. Onye twebire onde, gaaki twasabire okwabera. Ase boigo, onye kende nkeroo totaikerania omwaka oyo ase oboriki, kamoranche twabere. Goetera ase ogwancha kw' Nyasae, tweegenire buna ntoikeranie amange ase omwaka oyo ogocha. Bono omwaka oyo goikire aange koengekana, nigo tokobasabera amaya ase kera oyomo. Tiga nainwe Omonene Nyasae abainyore na kobasesenia. Chisokoro n' Omonene Tata Nyasae oyio.

Oyomino,

Jared Nyabuto Nyaberi.


Amang'ana Aya N'Amaya. Inee, Imobwate Ebitabu Birikire Amang'ana Aya? Omosubati Mary Boyani

  
Na Petronillah Ogoti. Mwanyagetinge.com Proverbs, Culture And Customs Editor. Egesunte [ Egesunte Gia Chache ] November 30, 2014

 

Aya amwabo aya:

 

Ekegusii-English Dictionary: Mbuya Mono Gochia Ase Kennedy Bosire, Amo Na Gladys Machogu, Ase Emeremo Emiya

Koinyora Ase Arwete, Na Gokonya Baria Batigarete Aroro: Omwana Omino, Job Nyangenya Bw' Omanga Oyio

"Imobwate Ekegusii-English Dictionary?" Nyamusi

 

Abaminto ngotomerwa tore amauko, gose koborigwa amabori amange igoro y' Mwanyagetinge ominto. Komenta nayio, amaborio ande tokoborigwa nigo are amanene, naende amaya mono. Amaborio buna ayio, nigo ekobetereria buna goika torike e post yaye enyene. Yaani ase ki? Nabo oraborie. Erinde egere toiranerie amaborio aya ase oboikeranu.

Amaridadi y' amaiso: Tokare goika aaria St Paul's University, Limuru, Kiambu County. Mwanyagetinge.com/2014

Tokare goika aaria St Paul's University

Bono nabo yabete igo ekero omosubati Mary Boyani atoboretie riborio rigiya mono. Nigo aboretie iga:  Inee, Imobwate Ebitabu Birikire Amang'ana Aya? Ritangani, mbuya mono omosubati Boyani ase ogotarera ebulogi eye, na gotosegeta buya. Bono ase okoiraneria, ntwe ase Gusii.com ntorariika egetabu ki' amasakara amo n' chapa goikera bono.

Ninki kegerete tata?

Ritang'ani, ekero twachagete korika amang'ana aya ase omwaka o 2009, nigo twarenge n' obwango. Nigo ekerengererio giatocherete kegoteba buna konyora twanyorirwe. Nigo twarenge magega mono. Okonyorwa gwaito nkori ng'a, abagaka amo n' abang'ina baito abanene bari bamanyete Ekegusii amo n' chinchera chiato ntwe Mwanyegetinge, nigo bagendererete gotonyora.

Abagaka n' abang'ina bari bamanyete Ekegusii, nigo bagendererete kogota.

Ase eng'encho twaroche buna abakoro aba baito b' eng'encho mbagedererete gosira, ekabetereria buna tiga torike amang'ana aya ase enchera y' bulogi ritang'ani. Ebulogi eye nigo ere ekegancha gose e "repository" buna Abanyamorero bamanyire. Eye nero enchera twaroche eragere torike amang'ana aya ase obwango, erinde egere onye togocha korika ebitabu, tobirike magega yaye.

Eriakabere, egento nkere twanyorete ase okorika amang'ana aya aito ntwe Mwanyagetinge. Ase eng'encho chinchera chiato chitarikire aande onsi ase Ekegusii, naintwe nigo togendererete gosemigwa kera rituko.

Bono riri tokagete buna twamanyire kera egento, twamanya koumera omong'ina gose omogaka onde omuya, nere otoa obosemi bwaye buna atebetigwe n' chisokoro. Obosemia obo bwabeire buna ensoko, eyio etari koera amache.

Nigo togotebigwa amageni igoro y' Mwanyagetinge omokoro, kera rituko.

Bono aya agerire twarorire buna teri buya koribia ensoko eyio, amache ataraera. Ntwe nigo toroche buna ase okorika egetabu ase bono iga, goika rirorio toire ngora korika ase ebulogi eye. Ase bono iga, gaki ntwe nigo toroche buna tiga togenderere korarika igaa.

Eriagatato, nigo twanyora buna Eintaneti yaturubanirie kera egento.

Eintaneti yaturubanirie enchera ntwe Mwanyagetinge, amo na mwanyabanto ense engima agosoma. Chikompiuta, tablets amo na smartphones chiatire ebitabu amo n' amangaseti ense engima. Riri twakinete, ebitabu nigo biarenge eb' eng'encho mono.

Aa !! Eintaneti eye bori. Yaturubanirie emeroberio.

Amatuko aya, abanto abange nigo bagosoma kera egento batagete ase Eintaneti. Nonya n' Ebuku y' Omonene Tata Nyasae nao ere ase Eintaneti, ase oboikeranu. Ase omobwekano, riina Transline koru Nyorobi gochia Gusii. Abanto mbarenga aye oroche babwaterete egetabu koboko gosoma?

Onde taiyo.

Ekero twakiinete, nigo twakagorire ebitabu twasoma, nonya n' ekero totari chisukuru. Ase bari more ebigori ebinene, imoinyorete ebitabu biri biakarikirwe biakarokirwe "Chase Books?" Onye tikwanakobiigwa, aye igo tata nigo ore omwana bw' Eintaneti !!

Ebitabu n' bia ngora. Eintaneti nigo ere bwango. E smartphone kobwaterana n' Eintaneti, baitire oboriki bw' ebitabu.

Bono kera omonto nigo abwate e smartphone. Oyo otagete gosoma kende gionsi, nabo agosoma egento ekio, goetera ase e smartphone. Ase eng'encho abaminto abange bachorire gwesomia goetera ase Eintaneti, bono yabetereirie buna naintwe goika tokwerekerere korika amang'ana aya ase Eintaneti. Nonya nabo igo, titorakana buna titokorika egetabu pi. Yaya. Nabo eranyarekane buna Omonene agendererete gotobokia, naintwe toriike egetabu.

Amang'ana aya atato twatebire naro agerire twairire magoro make ase okorika ebitabu. Mbuya mono, naende tweegenire buna twairaneirie riborio erio ase oboikeranu. Oyominto Boyani mbuya mono naende ase ogotosegeta.

Omonene Tata Nyasae amo n' Chisokoro abwo. 


Bono Gaaki Omong'ina Oyo N' Chingaki Asaretie?

 
 
 

 

Aya amwabo aya:

Ekegusii-English Dictionary: Mbuya Mono Gochia Ase Kennedy Bosire, Amo Na Gladys Machogu, Ase Emeremo Emiya

Abagusii Culture And Customs XXV: "Naende Onde Takuna Omoigwa!"

"Bono Inwe Imobwate E Dictionary?" Omong'ina Nyamusi

 

Moiso onde, The New York Times nigo yatebete buna emenwa 130 y' Abaindi ba Amerika nebwate obokongu. Ase boigo, nigo engaseti eye egoteba buna gati ye eye, emenwa 74 nabo erasire ase obwango, ase egencho etari gokwanwa.

Amaridadi ya amaiso. Kera egesaku gotwara amariko y' omonu obo negento ekiya. Omonwa noroo okorokwa Ekegusii. Gusii.com at home aaria bomame Bogichoncho, Bobasi In Kisii County. Mwanyagetinge.com/2014

Gusii.com aaria Nka Bomame, Bogichoncho

Konyora Abasongo bataraika Amerika, abanto b' egesaku kia Yokuts nigo barenge aange 50,000. Goikera rero, nigo egotebekana buna abanto 200 nabwo booka batigarete ase egesaku eke, bagokwana omonwa o Wukchumni.

Ase boigo, goikera bono iga, mariko abo tarenge aande. Buna abanto bande be ebisaku ebinge ao ao ase ense eye, abanto ba Wukchumni nabarabwo tibarigete mariiko y' omonwa obo aande onsi. Bono oboonchoreria bwabeire.

Oyo nere omonogeri bw' omoerio otigarete, oyio omanyete omonwa oyo buya

Ase engencho nere bweka otigarete, naende omanyete korika na gokwana omonu oyo, omongina Marie Wilcox niga achagete koriika omogano, egekoro amo ne chinchera chia abanto ba Wukchumni emiaka etano ne ebere yaetire.

Goetera ase ebigeri biaye, bono abanto ba Wukchumni nabarabweo mbwatware endabaro amo na amariko abo. Kobwatekana n' okorika endabasia, omongina Wilcox orikire emegano, egekoro, amo ne chinchera chia abanto be egesaku kiaye, erinde koinyoria abande buna egesaku eke giakamenyire.

Ogwetigana ase emiaka 7 korika omonwa obo teri emeremo emioororo. Omong'ina oyo orentire obuya ase egesaku kiabo, goetera ase amariko aye. Ntwe nigo toroche buna eyio n' emeremo emiya omong'ina Marie Wilcox akorire. 


Bono Inwe Niigo Mwasiegete Ekebute Eke Kia Gusii.com Ekero Ki' Epasaka? Omong'ina Nyamboto

 
Na Jared Nyaberi. Rigwata [ April ]  20, 2014
 

Aya amwabo aya:

"Bono Nigo Mwasiegete Ebulogi?' Omogaka Okindo

"Nigo Mwatigete Korika Ase Ekegusii?" Omogaka Onchiri.

"Bono Inwe Mobwate E Facebook Group?" Omongina Kemunto.

Omongina Nyamboto: "Bono inwe niigo mwasiegete ekebute eke ekero ki' Epasaka?"

Jared Nyaberi: Yaya omongina. Magokoro, titogokora igo. Ritangani, abaminto mwensi masoge, naende Epasaka engiya. Gusii.com nigo ere hosted na Typepad, eyio ere omwana o Six-Apart. Korwa rituko ria Tichi Kane eye yaerete morogoba, chibulogi chionsi chire ase Typepad nigo chiaaka nse ase amatuko atato, goikera nonya ndero.

Amaridadi Y' amaiso: Gusii.com at home aaria Nyakoe, Kitutu Chache South, Kisii County. Photo na Petronillah Ogoti, Mwanyagetinge.com files.

Gusii.com at home in Nyakoe

Onye gwatotarerete ase amatuko aya atato korende ogwatwomera na konyora buna kende tikeiyo, baminto manya buna esegi iyarengeo, entindi. Bono twatebigwe buna Typepad yabekire ebikongo, gotanga obokongu buna obo tiboikerana naende.

Mbuya mono ase abageni bonsi ba Gusii.com. Onye tari inwe, nanga ebulogi eye teiyo. Chingaki chingiya. Riuko ria Typepad erio below:

Response to Typepad Downtime this week

April 20, 2014

First, let us say how much we appreciate all members of the Typepad community. We know the last few days have been trying and stressful to you all and us. Please know you have a team of people who love Typepad who have been working and continue to work to keep Typepad up 24/7.

What happened?

Beginning Thursday evening, Typepad was hit with a distributed denial of service (DDoS) off and on through today. A DDoS attack is an attempt to make services unavailable, but in no way was your Typepad account compromised.

All information in your Typepad account is secure, including billing information. The attack on Typepad was similar to an attack on Basecamp which you can read about here. The Typepad blogs and application have been restored.

We put in place some roadblocks to mitigate the attack, but we are on high alert as attackers change their tactics regularly. We really appreciate all members of the Typepad community and your patience during this time.

We're here to answer any questions you may have about the attack.


"Nabo Ogoteba Ebinto Gete Ase Omonwa Oito, Ebio Otanyare Goteba Ase Ekenyamorero" Omosubati Inee Slaughter

 
 

Aya amwabo aya:

Nigo Akwegambia

Ekegusii Preservation: Nigo Neyagia Omotwe

Endangered Language Fair: New York, New York, USA.

 

"Nabo ogoteba ebinto gete ase omonwa oito, ebio otanyare goteba ase Ekenyamorero" Yaya, ayio tari mang'ana aito igaa ase Gusii.com. Ayio n' amangana atebetwe amo n' omosubati Inee Slaughter, Executive Director of the Indigenous Language Institute aaria Santa Fe, New Mexico, USA.

Gati y' emenwa 300, eyio yakabeire ase USA amo na Canada, emenwa 100 yasirire.

Naende emenwa yasirire
Omosubati Slaughter nigo akwana amang'ana aya gochia ase Boston.com, ekero arenge koborigwa igoro y' emeremo y' okorenda emenwa y' Abaindi b' America, eyio egendererete gosira. Nigo abatuki bagoteba buna gati y' emenwa 300 y' Abaindi ase USA amo na Canada, emenwa 100 yasirire pi.

Ase enkwana eye, Boston.com nigo egoteba buna ebisaku ebinge nigo bigotumia apps, chikompiuta buna chi ipad amo n' tablets chinde, erinde gosemia ebisaku ebinge tibieba emenwa yabo aaiga Amerika.

Komenta nayio, chiyunivasiti chinde buna California State University, San Bernardino, California, chiachakire gosomia emenwa eyio. Rora bono the full report korwa ase Boston.com igaa.

Jared Nyaberi, Omosomba bwe Ekegusii nao agotoka ase Abagusii AT Gmail.com, Twitter.com/abagusii na Facebook.com/abagusii. Gusii.com, Duluth, Georgia, United States. Rigwata [ April ] 21, 2013.