Gusii

Abagusii Culture And Customs CX: Bono Okobereka Ninki?

 

Buna twakabeire: Na Petronillah Ogoti. Gusii.com Proverbs, Culture And Customs Editor. Rigwata [ April ] 17, 2013.

 

Abagusii Wisdom Revisited

 

Aya amwabo aya:

Nigo Akwegambia

Abagusii Customs XV: Amasabo Ye Ribina

Abagusii Culture And Customs CIX: Yaya Tata. Nche N' Abasubati Booka Ntagete Togosianyane!

Omongina magokoro baba ominto nantebetie buna Abagusii ntwabwate amarieta gete twarenge gokwanera ase chingaki gete. Ase omorenganio, amarieta narengeo atato arenge gokwanerwa ekero omosubati abwate oborito. Nigo magokoro antebetie buna amarieta ayio nigo are:

Kai tata! Ndoche egasi negendererete. Aaiga, abasubati batato baberekire.

Gochia bogima: Aiga nekero omosubati ore morito agokwa ekero akoibora, nabo omwana oye arabe moyo, gose nere akwe. Omwana nere okomoita [ Nigo omosubati oyio achite bogima igoro botuko ].

Kobina: Erita eri nigo riarenge gokwanerwa ekero omokungu ori ore morito achakire koromwa, erinde aibore omwana [ Nyaboke nigo achagete kobinwa  kendabu ].

Kobereka: Aiga, nekero omosubati abeire morito. Ase boigo, nigo omongina antebetie buna erieta eri ngokwanerwa riarenge ekero chibando mogondo chiabeire  gosambwa, gose ritoke ekero rire mogondo riarosiri ritunda, nigo togoteba buna riaberekire [ Kemunto  nigo abereka bwango ].

Bono aya naro amarieta aito atato ase rero, korwa ase magokoro baba ominto. Mbuya mono and thank you for listening.

Abagusii Customs CVII: Bono Chintanda Ninki Ase Ekegusii?

 

Buna twakabeire: Na Petronillah Ogoti. Gusii.com Proverbs, Culture And Customs Editor. Rigwata [ April ] 10, 2013.

 

Abagusii Wisdom Revisited

Aya amwabo aya:

Ekegusii Months Of The Year

"Bono nigo Mwatigete Korika Ase Ekegusii?" Omogaka Onchiri.

Abagusii Culture And Customs XXVII: Emegiro Y' Ekegusii [ I ]

Ase amatuko amake aetire, omogaka sokoro ominto nansometie igoro y' chintanda ch' ense. Bono Chintanda ninki? Nabo oraborie. Omogaka sokoro nigo atebete buna ense engima nigo ebaganire gochia chitanda gose chimbega [chinsemo ], echio chire inye.

Ase ekenyamorero, nigo chikorokwa 'directions'. Inee nochimanyete ase Ekegusii egeitongo, chitanda echi? Kobwatekana na sokoro, chintanda echio nigo chire:        

1. Sugusu: North. Omambia nigo arwete aaria Nyamira, Bogirango Sugusu.

2. Irianyi: South. Bisieri nigo anywometwe gochia aaria Etago, Bogirango Sugusu.

3. Mocha: East. Nigo agorete oboremo aaria Bogetutu Mocha.

4. Bosongo: West. Oyio nere omongina omonene ase Bogirango Sugusu eng'ima.

 Obo nabwo obosemi bwaito ase rituko ria rero, korwa ase omogaka sokoro ominto. Mbuya mono and thank you for listening.

 

Tosome Ekegusii: Chingiti Chiakamenyire Ase Chinsana Chia Nka Gusii

 

Buna Twakabeire: Na Petronillah Ogoti. Gusii.com Proverbs, Culture And Customs Editor. Esagati [Sagati Ya Magonga] October 15, 2012.

 

Abagusii Wisdom Revisited

Aya amwabo aya:

Abagusii Cuture And Customs LI: Amarieta Aito Torokire Ase Ekegusii (Ekegusii Names Part 4 )

Abagusii Cuture And Customs XLIX: Amarieta Y' Chindagera Ao Ao Chi' Ekegusii

Ekegusii Months Of The Year

Omogaka sokoro ominto nigo antebetie buna abwo kare kare, Gusii nigo yarenge chinsana chioka. Borabu tibwarengeo buna obo bore rero.  Chingiti chio orosana nigo chairenge gwesigori buna chieigwete, ase erwenyi y' Gusii engima.

Nonya nabo igo, chingiti chinde nachio Abagusii barenge gotwara, erinde chiaba ekeriero. Gati y' chingiti nke chiamenyete nka Gusii nigo chire: 

1. Embeche: Warthog. Nigo embeche yabwatetwe n' omotego.                                                          

2. Rigwari: Zebra. Ntwaroche rigwari erimo aaria Igare, Bobasi.                                                           

3. Ekebwe: Jackal. Ekebwe nigo giatete chimbori isato.                                                            

4. Engabi: Gazelle. Okioma nigo akoniantoria buna engabi.                                                       

5.  Mansamu: Hyena. Omwana ominto Nyang'au nere naende orenge korokwa Mansamu.                        

6. Ekeobiria: Rhino. Ekeobiria eke ngiakorete ebikone aaiga mogondo?                                                

7. Enchogu: Elephant. Amarienta y' Ekegusii buna "Nchogu" amo na "Machogu" nao arwete ase erienta "Enchogu".  

Moka Rimbumburia: Nong'anchete bori? Ntebie.

Omogaka Ribumburia: Eee ning'wanchete baba one. Aye naye enkoro yaane.

Omogaka Rimbumburia [okobee], na mokaye [okorio] nkomonyererana bare.

 

8. Engubo: Hippo. Omonchari nere Engubo Y' Ndiba chia Bokendu!                                                        

9. Endo: Lion. Endo nigo yachete bweri na goita engombe eria nyabarati.    

10. Esirori: Giraffe. Chisirori ibere nchiaitetwe aaria roche Getonto.

11. Engo: Leopard. Engo nigo yasametie engondo eyemo na koyeita.                                                     

12. Engera: Buffalo. Ongera nigo aitete engera eyio yabwate enyama egotonontera.                             

13. Ekerongo: Porcopine. Ebirongo biakorire amanyabwari korwa mogondo.                                          

14. Egekondo: Monkey. Ontiri Bikundo nigo atebete buya iga,"Narorekana buna egekondo, oyio nere mama ominto"                                                         

15. Engoge: Chimpanzee. Engoge yatoberegetie omwana ntwe Abagusii,  akarokwa Nyangoge!              

16. Ribumburia: Mongoose. Nigo twasianya ribumburia aaria Manga Isecha, na goaka embuna.             

17. Enyangau: Cheetah. Enyangau yatogete aaria Nyambaria.

Mbuya mono for your time. Goikera chingaki chiinde, chisokoro echio and thank you for listening.

Welcome to Gusii.com @ Facebook Group

Tosome Ekegusii: Amarieta Y' Ebinto Bire Aamo

 

Buna Twakabeire: Na Petronillah Ogoti. Gusii.com Proverbs, Culture And Customs Editor. Esagati [Sagati Ya Magonga] October 14, 2012.

 

Abagusii Wisdom Revisited

Aya amwabo aya:

Emete Ao Ao Yaakamire Nka Gusii [ I ]

Abagusii Customs X: Amarieta Yo Oboamate I.

Abagusii Culture And Customs LXXXVIII: Amarieta Y' Amakonde N' Ebichuni Ao Ao Ase Ekegusii [III]

Ase amatuko aetire, omongina magokoro baba ominto nantebetie buna Abagusii mbabwate amarieta barenge kobaka ebinto bire aamo. Gati y' amarieta ayio nigo are:
1. Omotoromba bwe' chianga. Nyaboke nigo agorete omotoromba bw' chianga.

Engote y' ritoke engana swanya korwa aaria Bokimotwe, Nyaribari Chache, Kisii County. Picture na Petronillah Ogoti. Gusii.com files.

2. Orwenyi rwe chibesa. Nyatichi nigo anwometwe gochia aase omochi obwate orwenyi rw' chibesa.

3. Omoganda bw'abanto. Omoganda bw' abanto nao oreenge aaria ase echiro y' Suneka.

4. Engote ye ritoke. Basweti nigo atwete engote y' ritoke enene.

5. Riboa rie chiinko. Ombongi nigo atwateria riboa ri' chiinko.

6. Rikora ri' amatunda. Echiro y' Daraja Mbili nigo yaichire n' rikora ri' amatunda.

Risaga ri' abang'ina nkwaga bare enchagwa aaria Mw' Angwenyi, Bogetutu. Picture na Petronillah Ogoti: Gusii.com files.

7. Omosaima bw' emegoye. Nigo basaborete omosaima bw' emegoye korwa ase omote oria.

8. Risaga ri' abaremi. magokoro nigo aturete risaga ri' abaremi erinde bamokonye kwaga enchagwa.

9. Oromboro rw' abana. Esukuru eyio nigo ebwate oromboro rw' abana. 

10. Ekenyitita gie chibesa. Nigo twaagachete enyomba eyio yairete ekenyitita gie chibesa.

Aya naro amarieta mbwate ase rituko ria rero. Mbuya mono and thank you for listening.

Welcome to Gusii.com @ Facebook Group

Emete Ao Ao Yaakamire Nka Gusii [ I ]

  

Na Petronillah Ogoti. Gusii.com Proverbs, Culture And Customs Editor. Tureti Ya Kebaki [ September ] 4, 2012.

 

Abagusii Wisdom Revisited

 

Aya amwabo aya:

Omogano Bw' Omogusii (Abagusii History): The History Of Abanchari

Abagusii Customs VIII: Ase Abagusii, Ogotakerwa Ninki?

Abagusii Customs XII: Amarieta Yo Oboamate II

Ase amatuko amake aetire, ntwaroche buna Abagusii bagatumiire emete, gose ebimeri gete. Ntwaroche buna emete gete yarenge kobachwa, erinde yarosigwa ebinto ao ao, ebio Omogusii arenge gotumia.

Ase mobwekano, omote bw' omotembe noro orenge kobachwa, ase okorisia obokano. Ase boigo ntwaroche buna ase okong'anya gwaito ntwe Abagusii, emete gete nero yarenge gotwoorokia buna erwenyi eyio n' entobu, eyio yagera twamenya aroro.

Obong'aini bw' chisokoro amo n' abamagokoro baito. Gosaria chingaki tikwarengeo. Onye ememiso gose emesabakwa tiyarengeo, ntwe rirorio n' orogendo twarenge. Below: Omosabakwa. Picture na Petronillah Ogoti, Gusii.com files.

Ase omobwekano, ekero twarenge goetanana korigia obomenyo, onye ememiso, gose emesabakwa tiyarenge aase abwo, ntwe nigo twarenge kogenderera gochia motwe. Ninki kiarenge kogera tomenye ase obotobu botaiyo? Gotenena tikwarenge koba aase buna ayio.

Ase chingaki echio, omochegeche tookamire aande onsi otatiga Gusii. Below: Omochegeche. Picture na Petronillah Ogoti, Gusii.com files.

Nonya emenge yasirire, emete nereo yakaamire nka Gusii ooka, eyio otarenge korora aande onsi. Kobwatekana n' omogaka sokoro ominto, gati y' emete eyio yakaamire nka Gusii nigo ere:

1. Omoko: Fig tree. Chinko chi’ omoko nigo chigwateka chiaba chimbaara bwango.

2. Omobeno: Senna didymobotrya. Nyanchama nkorigia arenge omote bw’ omobeno.

3. Esasati: Club rush. Tiga ndaseretera rirondo riane n’ esasati.

4. Omosocho: Croton macrostachyus. Omosocho oyo tokari gokina bwango?

5. Omochegechege: Fish poison plant. Sunyuta amato amange y’ omochegeche, erinde toire roche rwa Marando, tochie kobwatera chinswe.

6. Chindwani: Chives. Abana aba nigo banchete gochiesera chindawni.

7. Esaka: Bur reed  grass. Ning’o ogeka esaka yane aaria ekerubo gose?

8. Omwobo: Makhamia hildebrenditii. Omwobo, oyio orenge omote omokongu kegima ase Abagusii, noro okaroisirie ebibekerero ao ao, buna chinungu

9. Omobunduki: Pine. Emebunduki nigo yarentetwe nka Gusii n' Abanyamorero

10. Omobakora: Cypress. Eye neero nigo yarentettwe n' Abanyamorero. Emete y ’emebakora yachakire kuoma  .

11. Omosabakwa: Psiadia Punctulata. Omosabakwa  oyo noro obwate riimu. Onye emesabakwa gose ememiso tiyarengeo, Abagaka nigo barenge goteba buna tiga togenderere gosuka gochia motwe.

Omogaka sokoro nao akorera abwo for today. Goikera chingaki chiinde, kanywe mache maya and thank you for listening.

Welcome to Gusii.com @ Facebook Group