Emerabaro Yaito Mwanyagetinge: Amatira Tira Nkorigia, Nyakobitinge , Ani Nyakobitinge Suguta Ogotamboka Na Itimo Koboko, Amanda Agitere !!

 

 

Na Petronillah Ogoti. Mwanyagetinge.com Proverbs, Culture And Customs Editor. Amaumuntia [ May ] 5, 2015.

 

 

 

Aya amwabo aya:

Emebayeno Y' Abagusii: Aaka Omoko, Nario Aragotebie Amarwa. Aaiga, Nigo Omoko Asambetwe N' Chinyimbo Chindoro Se !!

Emebayeno Ya Abagusii: Omokungu Omweanyi, Motarere Toigo

Ekegusii Months Of The Year

 

 

 

Tokare kwaa enderema erinde toiyeke igoro morogoba, omong'ina magokoro baba ominto nigo antebetie buna enywomo ya kare tiyarenge eya nchera. Yaya. Konyora omoiseke omuya, nigo yarenge koira amatuko amange.

Nigo abairi barenge gotomwa korigia omorabera omuya. Emechi nigo yarenge kounenkigwa, amo n' obotuki bwakorwa, erinde ogweiiti tigocha koba. Nigo omosacha arenge goeta kera aase gose nanyore omokungu ori baranchane, erinde banywomane.

Bono omosacha oyo gaetire na goetanana kera aase komorigia omokungu oyo omuya, omoerio oye, omanya konyora omwanchwa oye korwa ase atakagerete !!

 

Bakaumeranete aaria Facebook igoro moiso onde morogoba, kare kare tata banywomanire. Bono rero nario chingaki chianchokire abamura n' abaiseke baukomerana ase entunde entang'ani, na kobaserana obotuko obwo obwo!! Ase Mwanyagetinge ominto omokoro, omoiseke omuya tarenge gotoka bwango igo. Ase engencho y' okoira chingaki chintambe, nabo omomura arenge konywoma koru aari ase atakagereti. Below: Abasubati nyabieni

Abasubati nyakieni

Bono kanyorire omwanchi oye, omanya gochaka emeroberio y' enyangi. Emeroberio gekoera, omosacha oyo nigo arenge koimokia ritimo, erinde achie kwoyia omokungu oye, ekiagera omokungu nere ogocha korenda enibo.

Magokoro ominto nigo antebetie buna ase eng'encho kwarenge koira chingaki chintambe, okorigia omokungu omuya nigo kwagerete Mwanyagetinge ominto omokoro agateba buna Amatira Tira Nkorigia, Nyakobitinge, Ani Nyakobitinge Suguta Ogotamboka Na Itimo Koboko, Amanda Agitere !!

Ase eng'encho ende, omokungu bw' enyangi nigo akorigigwa ase ebitiro amo na ebitirimboko [ Amatira tira Nkorigia..] goikera onyorwa. Ase enchera ende, nigo arenge korigigwa kera aase. Bono kanyorirwe, omokungu oyo nere orenge korenda enibo, amo n' obonda bw' enka yaye [ Amanda agitere..].

Korwa ase omong'ina magokoro Bitutu ominto, oyo noro omorabaro oito for this week. Mbuya mono and thank you for listening.